فیض نظم ۔ آج کی رات ۔ فیض احمد فیض

[فرخ منظور]

آج کی رات سازِ درد نہ چھیڑ ۔ نورجہاں کو ایک نجی محفل میں بغیر سازندوں کے گاتے سنیے۔

آج کی رات​

​

آج کی رات سازِ درد نہ چھیڑ​

دکھ سے بھر پور دن تمام ہوئے​

اور کل کی خبر کسے معلوم​

دوش و فردا کی مٹ چکی ہیں حدود​

ہو نہ ہو اب سحر، کسے معلوم؟​

زندگی ہیچ! لیکن آج کی رات​

ایزدیت ہے ممکن آج کی رات​

آج کی رات سازِ درد نہ چھیڑ​

اب نہ دہرا فسانہ ہائے الم​

اپنی قسمت پہ سوگوار نہ ہو​

فکرِ فردا اتار دے دل سے​

عمر رفتہ پہ اشکبار نہ ہو​

عہدِ غم کی حکایتیں مت پوچھ​

ہو چکیں سب شکایتیں مت پوچھ​

آج کی رات سازِ درد نہ چھیڑ​

​

(فیض احمد فیض)​

​

 

[مغزل]

سبحان اللہ واہ چہ خوب منتخب کردن۔۔۔ واہ ۔۔ آج کی رات سازِ درد نہ چھیڑ، سبحان اللہ ، کیا کہنے فرخ بھائی بہت عمدہ انتخاب ہے ۔۔ ملکہ ترنم کی آواز نے تو جیسے جادو کردیا ہے ۔۔۔ سبحان اللہ ۔۔۔ مزا آگیا

 

[محمد بلال اعظم]

بہت خوبصورت انتخاب۔ لا جواب

 

[فرخ منظور]

سبحان اللہ واہ چہ خوب منتخب کردن۔۔۔ واہ ۔۔ آج کی رات سازِ درد نہ چھیڑ، سبحان اللہ ، کیا کہنے فرخ بھائی بہت عمدہ انتخاب ہے ۔۔ ملکہ ترنم کی آواز نے تو جیسے جادو کردیا ہے ۔۔۔ سبحان اللہ ۔۔۔ مزا آگیا

بہت شکریہ مغزل بھائی!

 

[فرخ منظور]

بہت خوبصورت انتخاب۔ لا جواب

بہت شکریہ بلال صاحب!