نشاط و غم - صادق اندوری

[الف عین]

٭ کردار خوش مقام کی سچائی دے گیا
جو دار کو حیات کی انگڑائی دے گیا
بکھر کچھ اس طرح کہ فلک تک ہوا بلند
میرا وجود موت کو اونچائی دے گیا
کہتے ہیں وقت ہوتا ہے مرہم مگر غلط
یہ اور میرے زخموں کو گہرائی دے گیا
میں نے تو کی تھی گرم ہواؤں کی آرزو
موسم ستم ظریف تھا ، پروائی دے گیا
کھا کھا کے تیز دھوپ پگھل جاؤں ایک دن
وہ سائبان کی جگہ انگنائی دے گیا
صادقؔ خلوص دوست کا احسان مند ہوں
جو میرے شعر شعر کو اچھائی دے گیا
""(جولائی 1982)
٭ بزم نشاط ۔ اندور کے طرحی مشاعرے میں مصرعہ طرح تھا ؏ وہ بال و پر کو قوت گویائی دے گیا۔ مگر مرحوم کے عروضی مزاج نے فارسی اور عربی قوافی مناسب نہیں سمجھے جن کی ’ی‘ گرانا جائز نہیں ۔ اس لیے خالص اردو قافیوں میں غزل کہی ہے۔ ا ۔ ع

 

[الف عین]

تیری آنکھوں نے جو مرنے کی سزا دی ہے مجھے
تیرے ہونٹوں نےتو جینے کی دعا دی ہے مجھے
میری اکھڑی ہوئی سانسوں کو ملا ہے ٹھہراؤ
تم نے پاس آکے جو دامن کی ہوا دی ہے مجھے
اے نگاہ غلط انداز ذرا تو ہی بتا ۔۔۔۔۔۔۔۔۔۔
کون ہے جس نے محبت کی ادا دی ہے مجھے
لمس نے تیرے جگایا مرے مردہ دل کو
شکریہ تیرا، جوانی کی فضا دی ہے مجھے
میرے جذبات مہکنے ہی رہیں گے پیہم
آپ نے زلفوں کی خوشبو جو سنگھادی ہے مجھے
اس کو احسان کہوں تیرا کہ معراج وفا
دل میں جوبات چھپی تھی، وہ بتادی ہے مجھے
تم نے پھیلا کےہر ایک سمت تبسم کی بہار
آف مہکے ہوئے پھولوں کی ردا دی ہے مجھے
جب بھی اٹھتے ہیں تری سمت ہی اٹھتے ہیں قدم
جانے کس قسم کی یہ جنبش پا دی ہے مجھے
کچّے زخموں سے مرا جسم سجا کر صادق
میرے ماحول نے رنگین قبا دی ہے مجھے
""( مئی 1982)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

شہر تا شہر پر ایک شور سا داناؤں میں
باڑھ کیا آئی ہے دیوانوں کی صحراؤں میں
آج سوکھے ہوئے پتے سے بھی کم قیمت ہیں
نام کل تک تھا ہمارا چمن آراؤں میں
میں نے بدلی ہوئی ہر راہ کو سمتیں دی ہیں
سر فہرست مرا نام ہے داماؤں میں
میری غیرت پہ ہے انگشتہ بدنداں ہر شخص
’’ اب کے ڈوبا ہوں تو سوکھے ہوئے دریاؤں میں‘‘
اس کو کیا کیجئے، اک نقش بھی روشن نہ ہوا
مختلف رنگ بھرے ہم نے تمناؤں میں
غم کے شعلوں کو ہوا دیتے ہو تم کیا مطلب
عمر بھر جلتا رہوں آگ کے دریاؤں میں !
کار فرما جو رہا ہاتھ کسی کا صادق
کھل اٹھے پھول سلگتے ہوئے صحراؤں میں
""(مئی 1982)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

حیات کا ہمہ رنگی سے سلسلہ رکھنا
غم و خوشی کا مناسب مقابلہ رکھنا
وجود ہست عدم کا نقیب ہوتا ہے
یہ بات ذہن میں نے فیض و بے صلہ رکھنا
عمل کی راہ مسلسل خار زار حیا ت
قدم قدم پہ سنبھل کر معاملہ رکھنا
شہود حق کے لیے ہے جہاد مستلزم
اخیر شب میںہوس سے مجادلہ رکھنا
غم و خوشی متوازن کبھی نہیں ہوتے
تمام عمر نظر میں یہ مسئلہ رکھنا
اٹھائے رکھنا مصائب بخندہ پیشانی
خدا کی ذات سے لیکن نہ کچھ گلہ رکھنا
جو اپنی ذات کا عرفان ہے تجھے مقصود
من اور تو سے الگ شغل لا الٰہٰ رکھنا
نظام خالق کو نین ہے یہی صادق
حیات و موت میں دو گز کا فاصلہ رکھنا
"" (اپریل 1982)

 

[الف عین]

گھر گھر کے ہر ایک رخ سے ہستی پہ جو چھائے ہیں
یا غم کے شکنجے میں یا موت کے سائے ہیں
مٹی کا خمیر آخر کچھ اتنا مکمل تھا
ہر آئینہ خانے میں چہرے نظر آئے ہیں
اے زور حوادث رک، اے مویر زمانہ تھم
سورج کے کڑے نیزے سر تک اُتر آئے ہیں
محفل میں اجالوں کا فقدان نہ ہو کیوں کر
روشن تھے دیے جیتنے خود ہم نے بجھائے ہیں
حسیں وقت نظر اٹھی ، پردہ تھا نہ منظر تھا
آئینے میں اپنے ہی چہرے نظر آئے ہیں
اسے وقت کے پیکانو ! ممنون رہو میرے
جو زخم دئے تم نے، وہ دل میں سجائے ہیں
کچھ صلح کل ایسا ہے مسلک مرا سے صادقؔ
سب ہی مری نظروں میں اپنے نہ پرائے ہیں
""(اپریل 1982)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

دیدۂ دل جو حقیقت نگراں ہوتا ہے
زندگانی کا ہر اک راز عیاں ہوتا ہے
آب و آتش کےسمندر میں رواں ہوتا ہے
عشق تو بے خبر سود و زیاں ہوتا ہے
جا چکا قافلہ زیست کا سامان وجود
وقت رخصت ہے، مسافر بھی رداں ہوتا ہے
کہیں ملتی ہی نہیں قرب و یقیں کی منزل
عمر بھر سلسلہ وہم و گماں ہوتا ہے
زندگی سلسلہ کرب سے تعبیر سہی
پھر بھی اک شائبہ عشرت جاں ہوتا ہے
ہو نہ آفات و مصائب سے اگر عہدہ برا
جسم خود اپنے لیے بار گراں ہوتا ہے
اس طرح ٹوٹے ہمیں اخلاق کے معبد جس پر
سنگ بنیاد بھی اب مرثیہ خواں ہوتا ہے
اک تنوع نہ ہو تخلیق سخن میں جب تک
اپنا ہر نقش بھی عکس دگراں ہوتا ہے
تم جو بچھڑے تو کچھ ایسا ہوا دل کا عالم
جیسے بجھتے ہوئے شعلے میں دھواں ہوتا ہے
خشک و بد وضع سہی تیری غزل اے صادقؔ
پھر بھی ہر شعر میں کچھ لطفِ بیاں ہوتا ہے
""(فروری 1982)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

خلوص اور وفا کو رواں دواں کرلیں
ہر ایک سنگ کو آئینہ جہاں کرلیں
ہر ایک شعلہ روضاں کو حرز جاں کر لیں
حصار زیست کو اک دن دھواں دھواں کر لیں
نشیب راہ کو اونچا مقام اپنا ہے
زمین کہ اتنا اچھا بس کہ آسماں کر لیں
نہ منتشر ہوں کتاب حیات کے اوراق
کچھ ایسے ڈھنگ سے شیراسہ بندیاں کر لیں
سپہر دل سے اگا کر کوئی نیا سورج
اندھیرے جسم کی رگ رگ کو ضو فشاں کر لیں
نہ جس سے نغمہ ہی پھوٹے نہ حرف شوق ابھرے
یہی ہے وقت ، قلم ایسی انگلیاں کر لیں
یہ خشک پتے بھی صادق وجود رکھتے ہیں
کبھی انہیں بھی شریک نشاط جاں کر لیں
""(اکتوبر 1981)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

یہ کیا ہوا کہ ہر اک رسم و راہ توڑ گئے
جو میرے ساتھ چلے تھے، وہ ساتھ چھوڑ گئے
وہ آئینے جنہیں ہم سب عزیز رکھتے تھے
وہ پھینکے وقت نے پتھر کہ توڑ پھوڑ گئے
ہمارے بھیگے ہوئے دامنوں کی شان تو دیکھ
فلک سے آئے ملک اور گنہ نچوڑ گئے
بپھرتی موجوں کو کشتی نے روند ڈالا ہے
خوشا وہ عزم کہ طوفاں کا زور توڑ گئے
رہے گی گونج ہماری توایک مدت تک
ہمارے شعر کچھ ایسے نقوش چھوڑ گئے
ان آئے دن کے حوادث کو کیا کہوں صادقؔ
مری طرف ہی ہواؤں کا رخ یہ موڑ گئے
""(اگست 1981)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

چہرے سے عیاں موت کی تاثیریں ہیں
سانسیں ہیں کہ ٹوٹی ہوئی زنجیریں ہیں
کون ان میں سے بنتی ہے دل و جاں کا سکوں
نظروں کے مقابل کئی تصویریں ہیں
میں فرش پہ پانی کے رواں تھا کل رات
رک خواب تھا جس کی کئی تعبیریں ہیں
جھکنے کو ہے تمکین جہاں میرے حضور
روشن مری پیشانی کی تحریریں ہیں
تم پاس تھے تکمیل تمنا کو مگر
سب الٹی مرے خواب کی تعبیریں ہیں
صادق نہیں محفل میں کوئی رمز نشاں
بیکار یہ سب آپ کی تقریریں ہیں
""(اپریل 1981)

 

[الف عین]

آئے نہ اجل میں نے یہ تاویل بہت کی
اے عمر رواں تو نے تو تعجیل بہت کی
با کوشش پیہم کبھی ڈھب پر نہیں آیا
ابلیس نے تو منتِ جبریل بہت کی
تا عمر میسر نہ ہوا گوہر مقصود
موجوں نے اشارات کی تعمیل بہت کی
سوکھےہوئے پتوں کو گلے سے نہ لگایا
لوگوں نے ان اوراق کی تذلیل بہت کی
تم پاس نہ آئے کبھی ارباب نظر کے
خود اپنے مفادات کی تشکیل بہت کی
تحریف کا مجھ پر نہ چلا وار کبھی بھی
دانش نے سعی صورت انجیل بہت کی
صادقؔ نہ سراغ ان کا ملا تا دم آخر
ہر چند فن و علم کی عقیل بہت کی
"" (نومبر 1977)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

دل کی تسکین پا کے رکھ لی ہے
یاد ان کی بسا کے رکھ لی ہے
آگ دل میں دبا کے رکھ لی ہے
انسوؤں سے بجھا کے رکھ لی ہے
تیرے ہونٹوں کی تازگی ہم نے
چشم بد سے بچا کے رکھ لی ہے
تیری آنکھوں سے چھین کر پیے عشق
روشنی پاس لا کے رکھ لی ہے
ایک ایک لو بد اشک حسرت کی
آستین میں چھپا کے رکھ لی ہے
چاندنی کی سجی سجائی رات
بیت اخراں میں لا کے رکھ لی ہے
آج پرچھائیوں کا ماتم کیوں
شکل اپنی مٹا کے رکھ لی ہے
ان کے غم کی خلش مگر صادقؔ
طاق دل بر اٹھا کے رکھ لی ہے
""(اکتوبر 1977)
۔۔۔۔۔۔۔۔۔۔۔۔

 

[الف عین]

بھنور بھنور میں نگاہیں دھواں دھواں دل ہے
رہ حیات میں مرغولۂ رواں دل ہے
ترے غرور نےسنو لا دیا تمنا کو
اب ایک کشمکش نو کے درمیاں دل ہے
رہے خیال یہ ہنگام امتحانِ وفا
سنبھل کے مشقِ ستم ہو کہ ناتواں دل ہے
نہ چھیڑ، دیکھ اسے، ایمان و آگہی دشمن
نہ جانےکتنے حقائق کا رازداں دل ہے
فصیل درد کی اونچائیاں ہوئیں اتنی
جدھر بھی دیکھئے تا حد آسماں دل ہے
خرد ہو، جہل ہو، وہم و یقیں ہو اے صادق
ہر اک کشاکش ہستی کا ترجماں دل ہے
"" (جولائ1977)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

٭ کردار خوش مقام کی سچائی دے گیا

جو دار کو حیات کی انگڑائی دے گیا

بکھر کچھ اس طرح کہ فلک تک ہوا بلند

میرا وجود موت کو اونچائی دے گیا

کہتے ہیں وقت ہوتا ہے مرہم مگر غلط

یہ اور میرے زخموں کو گہرائی دے گیا

میں نے تو کی تھی گرم ہواؤں کی آرزو

موسم ستم ظریف تھا ، پروائی دے گیا

کھا کھا کے تیز دھوپ پگھل جاؤں ایک دن

وہ سائبان کی جگہ انگنائی دے گیا

صادقؔ خلوص دوست کا احسان مند ہوں

جو میرے شعر شعر کو اچھائی دے گیا

""(جولائی 1982)

٭ بزم نشاط ۔ اندور کے طرحی مشاعرے میں مصرعہ طرح تھا ؏ وہ بال و پر کو قوت گویائی دے گیا۔ مگر مرحوم کے عروضی مزاج نے فارسی اور عربی قوافی مناسب نہیں سمجھے جن کی ’ی‘ گرانا جائز نہیں ۔ اس لیے خالص اردو قافیوں میں غزل کہی ہے۔ ا ۔ ع

 

[الف عین]

کون ہے جس نے محبت کی ادا دی ہے مجھے

لمس نے تیرے جگایا مرے مردہ دل کو

شکریہ تیرا، جوانی کی فضا دی ہے مجھے

میرے جذبات مہکنے ہی رہیں گے پیہم

آپ نے زلفوں کی خوشبو جو سنگھا دی ہے مجھے

اس کو احسان کہوں تیرا کہ معراجِ وفا

دل میں جوبات چھپی تھی، وہ بتا دی ہے مجھے

تم نے پھیلا کےہر ایک سمت تبسم کی بہار

آف مہکے ہوئے پھولوں کی ردا دی ہے مجھے

جب بھی اٹھتے ہیں تری سمت ہی اٹھتے ہیں قدم

جانے کس قسم کی یہ جنبشِ پا دی ہے مجھے

کچّے زخموں سے مرا جسم سجا کر صادق

میرے ماحول نے رنگین قبا دی ہے مجھے

""( مئی 1982)