غدیر زھرا
لائبریرین
میں پُچھاں شوہ دیاں واٹاں نی
کوئی کرے اساں نال باتاں نی
بُھلّے رہے نام نہ جپیا
غفلت اندر یار ہے چھپیا
اوہ سدھ پرکھا تیرے اندر وسیّا
لگیاں نفس دیا چاٹاں نی
میں پُچھاں شوہ دیاں واٹاں نی
کوئی کرے اساں نال باتاں نی
جپ لے نہ ہو بھولی بھولی
مت توں سدیں مُکھّ مکالی
اُلٹی پریم نگر دی چال ای
بھڑکن عشق دیاں لاٹاں نی
میں پُچھاں شوہ دیاں واٹاں نی
کوئی کرے اساں نال باتاں نی
بھولی نہ ہو، ہو سیانی
عشق نُور دا بھر لے پانی
اس دُنیا دی چھوڑ کہانی
ایہ یار مِلن دیاں گھاتاں نی
میں پُچھاں شوہ دیاں واٹاں نی
کوئی کرے اساں نال باتاں نی
بُلھّا رب بن بیٹھوں آپے
تد دنیا دے پئے سیاپے
دُوتی ویہڑا دشمن ماپے
سب کڑک پئیاں آفاتاں نی
میں پُچھاں شوہ دیاں واٹاں نی
کوئی کرے اساں نال باتاں نی
(بابا بلھے شاہ)
کوئی کرے اساں نال باتاں نی
بُھلّے رہے نام نہ جپیا
غفلت اندر یار ہے چھپیا
اوہ سدھ پرکھا تیرے اندر وسیّا
لگیاں نفس دیا چاٹاں نی
میں پُچھاں شوہ دیاں واٹاں نی
کوئی کرے اساں نال باتاں نی
جپ لے نہ ہو بھولی بھولی
مت توں سدیں مُکھّ مکالی
اُلٹی پریم نگر دی چال ای
بھڑکن عشق دیاں لاٹاں نی
میں پُچھاں شوہ دیاں واٹاں نی
کوئی کرے اساں نال باتاں نی
بھولی نہ ہو، ہو سیانی
عشق نُور دا بھر لے پانی
اس دُنیا دی چھوڑ کہانی
ایہ یار مِلن دیاں گھاتاں نی
میں پُچھاں شوہ دیاں واٹاں نی
کوئی کرے اساں نال باتاں نی
بُلھّا رب بن بیٹھوں آپے
تد دنیا دے پئے سیاپے
دُوتی ویہڑا دشمن ماپے
سب کڑک پئیاں آفاتاں نی
میں پُچھاں شوہ دیاں واٹاں نی
کوئی کرے اساں نال باتاں نی
(بابا بلھے شاہ)