مریم افتخار
محفلین
روزمرہ زندگی میں ہزاروں آوازیں ہمارے کان میں پڑتی ہیں۔ اگر اُن پر کان دھریں تو علم ہوتا ہے کہ کوئی بھی آواز حتیٰ کہ کوئی بھی لفظ بے معنی نہیں ہے۔ ایسا ہوا کیونکہ ایسا ہی ہونا تھا اور ایسا ہی کیوں ہونا تھا، اِس کا پتا کُچھ آگے جا کر چل جاتا ہے! اردو محفل میں جتنے بھی لوگ آئے، گئے، ٹھہرے رہے یا ذرا دیر کو مہمانوں کی طرح نخرے سے تشریف لاتے ہیں، اُن سب سے میں نے سیکھا اور کسی بھی ادارے سے زیادہ میں نے اس محفل میں سیکھا! خود میرا معاملہ یہ ہے کہ 'حساب' سے ڈرتی ہوں۔ (گو کہ ہمیشہ ایسا نہیں ہے، بعض خاص مواقع پر ایسا نہیں ہوتا، مگر عمومی طور پر یہی ہے) زندگی اِس طور کَٹ رہی ہے کہ خیال رہتا ہے کہ مفت میں کچھ ایسا نہ بولوں جس کا حساب دینا پڑے کیونکہ جو لفظ زبان سے ادا ہوا اور خاص طور پر یہاں کی بورڈ سے جو نشانہ خطا ہوا اس کا حساب صرف آخرت میں ہی نہیں ، دنیا میں بھی دینا پڑتا ہے۔ کسی خاموش رہنے والے کو آپ زیادہ دیر یہ نہیں کہہ سکتے کہ بھئی اتنے چُپ کیوں ہو؟ لیکن کسی بولنے والے کے حرف حرف کا حساب دنیا والے لیتے نظر آتے ہیں اور مجھے اپنا کسی انسان کو حساب دینا گوارا نہیں۔ خاموشی بیوقوف کے لیے بھی پناہ گاہ ہے اور عقلمند کے لیے بھی۔ خاموشی کے متعلق پچھلے ایک آدھ مراسلات میں بات اس لیے کی کہ محفل میں ڈیڑھ سال مکمل ہونے کے باوجود ہزاری منصب خاصا دور ہے اور شاید میری کسی رائے کو اہمیت اسی وجہ سے نہ دی جائے کہ غیر فعال ہوں، حالانکہ ایسا نہیں رہا!
خیر۔۔۔میں نے یہاں سبھی لوگوں سے کچھ نہ کچھ سیکھا ہے۔ یہاں یہ دعویٰ ہرگز نہیں کہ مکمل سیکھ چکی ہوں اور اب مجھ سے بھی یہی اچھے کرم کرنے کی توقع رکھی جائے بلکہ میرے نزدیک کسی خیال کا آ جانا یا کسی شے کی خواہش یا اُس سے متاثر ہونا ہی یوں ہے جیسے آپ نے اپنے قدموں کا رُخ منزلِ مقصود کی جانب کر لیا! ہم نے کہیں بھی جانا ہو، ہمیں ہر قدم پر تو نہیں سوچنا پڑتا نا کہ مجھے وہاں جانا ہے، مجھے وہاں جانا ہے! بلکہ آپ اپنے قدموں کا رُخ اُس جانب کرتے وقت سوچتے ہیں اور اس کے بعد آپ چاہے کچھ بھی سوچتے رہیں۔۔۔ آپ چلتے چلتے آخر کار خود کو وہاں کھڑا پاتے ہیں۔ ہر انسان خوبیوں اور خامیوں کا مجموعہ ہے۔ یہاں سالگرہ کے حوالے سے صرف مثبت باتوں کا ذکر کیا جائے گا، منفی باتیں بتانے والے شاید بہت ہوں!
میری رائے سے سب کا اتفاق ضروری نہیں۔ نیز اِس دھاگے میں آپ سب شمولیت اختیار کر سکتے ہیں یہ بتانے میں کہ آپ نے کس سے کیا سیکھا۔ امید ہے کہ اس کے مثبت اثرات مرتب ہوں گے۔
خیر۔۔۔میں نے یہاں سبھی لوگوں سے کچھ نہ کچھ سیکھا ہے۔ یہاں یہ دعویٰ ہرگز نہیں کہ مکمل سیکھ چکی ہوں اور اب مجھ سے بھی یہی اچھے کرم کرنے کی توقع رکھی جائے بلکہ میرے نزدیک کسی خیال کا آ جانا یا کسی شے کی خواہش یا اُس سے متاثر ہونا ہی یوں ہے جیسے آپ نے اپنے قدموں کا رُخ منزلِ مقصود کی جانب کر لیا! ہم نے کہیں بھی جانا ہو، ہمیں ہر قدم پر تو نہیں سوچنا پڑتا نا کہ مجھے وہاں جانا ہے، مجھے وہاں جانا ہے! بلکہ آپ اپنے قدموں کا رُخ اُس جانب کرتے وقت سوچتے ہیں اور اس کے بعد آپ چاہے کچھ بھی سوچتے رہیں۔۔۔ آپ چلتے چلتے آخر کار خود کو وہاں کھڑا پاتے ہیں۔ ہر انسان خوبیوں اور خامیوں کا مجموعہ ہے۔ یہاں سالگرہ کے حوالے سے صرف مثبت باتوں کا ذکر کیا جائے گا، منفی باتیں بتانے والے شاید بہت ہوں!
میری رائے سے سب کا اتفاق ضروری نہیں۔ نیز اِس دھاگے میں آپ سب شمولیت اختیار کر سکتے ہیں یہ بتانے میں کہ آپ نے کس سے کیا سیکھا۔ امید ہے کہ اس کے مثبت اثرات مرتب ہوں گے۔
آخری تدوین:
