ناصر کاظمی میں نے جب لکھنا سیکھا۔۔۔۔۔۔۔۔۔۔۔ ناصر کاظمی

[ناعمہ عزیز]

میں نے جب لکھنا سیکھا
پہلے تیرا نام لکھا تھا

میں وہ اسم اعظم ہوں جسکو
جن و ملک نے سجدہ کیا تھا

میں وہ صبرِ صمیم ہوں جس نے
بارِ امانت سر پہ لیا تھا

تو نے کیوں نہ میرا ہاتھ پکڑا
جب میں رستے سے بھٹکا تھا

اے دل کی پیاس بجھانے والے
میں تیرے درشن کا پیاسا تھا۔

 

[نوید صادق]

میں وہ صبرِ صمیم ہوں جس نے
بارِ امانت سر پہ لیا تھا

بہت خوب انتخاب ہے۔

 

[الف عین]

بہت اغلاط ہیں اس میں۔ غزل تو کافی لمبی تھی، اتنی مختصر کیوں، تلاش کریں تو اور بھی اشعار ملیں گے شاید۔‫

 

[ناعمہ عزیز]

بہت اغلاط ہیں اس میں۔ غزل تو کافی لمبی تھی، اتنی مختصر کیوں، تلاش کریں تو اور بھی اشعار ملیں گے شاید۔‫

ضرور ہوگی دراصل میں نے یہ غزل '' عمیرہ احمد'' کے ناول ''من و سلوی'' سے لی تھی۔۔ اس میں اتنی ہی تھی بہرحال میں تلاش
کرتی ہوں توجہ دلانے کے لئے شکریہ بھیا۔۔ اگر آپ اغلاط کی رہنمائی کر دیتے تو میرے علم میں مزید اضافہ ہو جاتا۔۔

 

[شاہ حسین]

میں نے جب لکھنا سیکھا تھا
پہلے تیرا نام لکِھا تھا

میں وہ صبرِ صمیم ہوں جس نے
بار امانت سر پہ لیا تھا

میں وہ اسمِ عظیم ہوں جس کو
جن ِ و ملَک نے سجدہ کیا تھا

توُنے کیوں مِرا ہاتھ نہ پکڑا
میں جب رستے سے بھٹکا تھا

جو پایا ہے وہ تیرا ہے
جو کھویا وہ بھی تیرا تھا

تُجھ بن ِ ساری عُمر گزاری
لوگ کہیں گے توُ میرا تھا

پہلی بارش بھیجنے والے
میں ترے درشن کا پیاسا تھا


بہت شکریہ محترمہ

 

[الف عین]

شکریہ شاہ، ناعمہ اب معلوم ہو گیا ہوگا نا اغلاط کے بارے میں!!
شاہ، تمہاری عادت بھی زیر مناسب حرف پر نہ لگانے کی ہے۔ اس کو سدھار لیں۔

 

[شاہ حسین]

استادِ محترم یہ کام کاپی پیسٹ کا ہے

اس کے لئے معذرت چاہتا ہوں میں صحیح کردیتا ہوں ۔

 

[ناعمہ عزیز]

میں نے جب لکھنا سیکھا تھا
پہلے تیرا نام لکِھا تھا

میں وہ صبرِ صمیم ہوں جس نے
بار امانت سر پہ لیا تھا

میں وہ اسمِ عظیم ہوں جس کو
جن ِ و ملَک نے سجدہ کیا تھا

توُنے کیوں مِرا ہاتھ نہ پکڑا
میں جب رستے سے بھٹکا تھا

جو پایا ہے وہ تیرا ہے
جو کھویا وہ بھی تیرا تھا

تُجھ بن ِ ساری عُمر گزاری
لوگ کہیں گے توُ میرا تھا

پہلی بارش بھیجنے والے
میں ترے درشن کا پیاسا تھا


بہت شکریہ محترمہ

شکریہ بھیا،، میں نے بھی ساری تلاش کر لی تھی مگر لوڈ شیڈنگ کی وجہ سے مکمل کرنے کا کام پایاِتکمیل کو نہ پہنچ سکا۔۔

 

[عین عین]

خوب انتخاب

 

[الف عین]

استادِ محترم یہ کام کاپی پیسٹ کا ہے

اس کے لئے معذرت چاہتا ہوں میں صحیح کردیتا ہوں ۔

کہاں سے کاپی پیسٹ کیا تھا؟ حوالہ تو دے دیا کرو۔

 

[مغزل]

بہت شکریہ گڑیا رانی ، خوب کلام پیش کیا ہے ، بابا جانی تصحیح کے لیے ممنون ہوں۔

 

[شاہ حسین]

کہاں سے کاپی پیسٹ کیا تھا؟ حوالہ تو دے دیا کرو۔

استادِ محترم گوگل کیا تھا ایک فورم کا ربط سامنے آیا اسی خاطر نہیں دیا ۔
آئندہ خیال کروں گا ۔ (گھر موجود نہیں تھا وگرنہ اس کی نوبت نہ آتی )

 

[محمد وارث]

شکریہ آپ کا ناصر کاظمی کی خوبصورت غزل شیئر کرنے کیلیے!

 

[الف عین]

ایک شعر اور بھیئ یاد آ رہا ہے
یرا قصور نہیں ، میرا تھا
میں تجھ کو اپنا سمجھا تھا

 

[مغزل]

ایک شعر اور بھیئ یاد آ رہا ہے
یرا قصور نہیں ، میرا تھا
میں تجھ کو اپنا سمجھا تھا

باباجانی ۔ ’’ تیرا ‘‘ ہوگا نا ، مصرع اولیٰ میں ؟

 

[الف عین]

درست ہے محمود، میری ٹائپو تھی، یہی اس کا ثبوت ہے کہ کاپی پیسٹ نہیں کرتا میں!!

 

[ناعمہ عزیز]

اور ایک یہ والی میری پسندید ہ ہے نایاب لالہ۔

 

[نایاب]

بہت خوب پسند ہے ۔
ناصر کاظی کا کلام مختصر اور وسیع ابلاغ کا حامل ہوتا ہے ۔

 

[انجم خان]

انسان کی اصل حقیقت لکھی ہے کہ اصل میں حضرت انسان کس مقصد کے لیئے دنیا میں آئے
بہت خوبصورت غزل ہے

 

[سید اسد محمود]

اس غزل کو حمد باری تعالیٰ کی شکل میں جناب منصور تابش مرحوم نے پڑھا ہے اور بہت خوبصورت پڑھا ہے جس میں اللہ اللہ کا ورد بھی ساتھ ساتھ شامل کیا گیا ہے۔۔