میں سمجھتا تھا یہ ، عشق آسان ہے
اب کھلا سب، شکنجے میں جب جان ہے
بولتے ہیں تو پہچانے جاتے ہیں لوگ
دیکھنے میں تو ہر کوئی انسان ہے
صبر و برداشت کی انتہا چاہیے
اس رضا کا اگر دل میں ارمان ہے
مجھ سے بڑھ کر گنہگار شاید ہی ہو
پھر بھی کچھ ہے کہ جس پر بڑا مان ہے
حکمت و علم یہ ہے کہ سیرت ہو خوب
بس اسی چیز کا آج فقدان ہے
اب بھی ہے بغض سا کفر اس میں کہیں
کہہ تو دیتا ہوں ، یہ دل مسلمان ہے
دیکھ لیتا ہوں عیبوں کو اپنے عظیم
مجھ پہ اللہ کا خاص احسان ہے
اب کھلا سب، شکنجے میں جب جان ہے
بولتے ہیں تو پہچانے جاتے ہیں لوگ
دیکھنے میں تو ہر کوئی انسان ہے
صبر و برداشت کی انتہا چاہیے
اس رضا کا اگر دل میں ارمان ہے
مجھ سے بڑھ کر گنہگار شاید ہی ہو
پھر بھی کچھ ہے کہ جس پر بڑا مان ہے
حکمت و علم یہ ہے کہ سیرت ہو خوب
بس اسی چیز کا آج فقدان ہے
اب بھی ہے بغض سا کفر اس میں کہیں
کہہ تو دیتا ہوں ، یہ دل مسلمان ہے
دیکھ لیتا ہوں عیبوں کو اپنے عظیم
مجھ پہ اللہ کا خاص احسان ہے