میں بھی ہو جاتا ہوں آقا کے ثنا خوانوں میں...

[نایاب]

سبحان اللہ
کیا ہی خوب جذب و نور سے بھرپور مدحت کہی ہے ۔
انشاءاللہ وہ سچا سمیع العلیم اسے قبول فرماتے آپ کے لیئے باعث رحمت قرار فرمائے گا ۔
جزاک اللہ خیراء محترم اشفاء بھائی کہ آپ نے ہم سب کو بھی اس کلام پرنور میں شراکت دی ۔

 

[الشفاء]

الشفاء بھائی ، ہماری صلاح حاضِر ہے۔ اساتذہ پہنچتے ہی ہوں گے اصلاح کے لیے

بہت بہت شکریہ بھائی جان۔۔۔
اللہ عزوجل آپ کو جزائے خیر عطا فرمائے۔۔۔

 

[الشفاء]

عمدہ،،سبحان اللہ

بہت شکریہ بہنا۔۔۔

جزاک اللہ احسن الجزاء۔۔۔

 

[الشفاء]

سبحان اللہ
کیا ہی خوب جذب و نور سے بھرپور مدحت کہی ہے ۔
انشاءاللہ وہ سچا سمیع العلیم اسے قبول فرماتے آپ کے لیئے باعث رحمت قرار فرمائے گا ۔
جزاک اللہ خیراء محترم اشفاء بھائی کہ آپ نے ہم سب کو بھی اس کلام پرنور میں شراکت دی ۔

بہت بہت شکریہ نایاب بھائی۔۔۔

ہم اس ہستی کی کیا مدحت کریں گے کہ جن کے بارے میں رب السماوات والارض کہے کہ

وانک لعلٰی خُلق عظیم۔ کہ بے شک آپ خلق عظیم کے بلند ترین درجے پر ہیں۔ اور علٰی کہہ کر اس کی کوئی حد نہیں بتائی بلکہ خُلق عظیم سے اوپر کہہ کر بات راز میں رکھ دی۔ کہ ان کی عظمتیں تو ہر لمحہ اور گھڑی بلند سے بلند تر ہو رہی ہیں۔
وللآخرۃ خیرٌ لک من الاُولٰی۔۔۔

جزاک اللہ احسن الجزاء۔۔۔

 

[اسلام الدین اسلام]

سبحان اللہ

 

[الشفاء]

سبحان اللہ

اسلام الدین بھائی۔۔۔ اپنا پہلا پیغام اس دھاگے کی نظر کرنے پر آپ کا شکریہ۔۔۔
اردو محفل میں خوش آمدید۔۔۔
خوش رہیں۔۔۔

 

[اسلام الدین اسلام]

جی بہت شکریہ ۔ میں ابھی یہاں نیا ہوں ۔ایک دھاگہ ہے جانتا نہیں احباب کو ٹیگ کیسے کروں ۔ اگر یہاں کوئی پرائیویٹ میسج کا آپشن موجو د ہے تو آپ میری رہنمائی فرمائی۔ مہربانی ہو گی

 

[الشفاء]

جی بہت شکریہ ۔ میں ابھی یہاں نیا ہوں ۔ایک دھاگہ ہے جانتا نہیں احباب کو ٹیگ کیسے کروں ۔ اگر یہاں کوئی پرائیویٹ میسج کا آپشن موجو د ہے تو آپ میری رہنمائی فرمائی۔ مہربانی ہو گی

@لکھ کر ممبر کا نام لکھنا شروع کریں گے تو آپشنز ظاہر ہو جائیں گی وہاں سے اس ممبر کا نام سلیکٹ کر لیں جس کو ٹیٍگ کرنا چاہ رہے ہیں۔ جیسے ہم آپ کو کر رہے ہیں اسلام الدین اسلام بھائی۔۔۔

 

[احمد بلال]

سبحان اللہ۔ ماشاءاللہ۔ بہت خوب صورت نعت ہے۔ کمال ہے

 

[الشفاء]

سبحان اللہ۔ ماشاءاللہ۔ بہت خوب صورت نعت ہے۔ کمال ہے

جی ہاں۔۔۔ نعتیں ساری ہی خوب صورت ہوتی ہیں کیونکہ مرقّع حسن و کمال اور منبع جود و سخا پر لکھی جاتی ہیں۔ اس میں لکھنے والے کا کوئی خاص کمال نہیں ہوتا۔۔۔

آپ کی پسندیدگی کا شکریہ۔۔۔ اللہ عزوجل آپ کو خوش رکھے۔۔۔

 

[الف عین]

اب کاپی کر لی ہے۔ اصلاح کے ساتھ بعد میں آتا ہوں۔

 

[الف عین]

اب کاپی کر لی ہے۔ اصلاح کے ساتھ بعد میں آتا ہوں۔

 

[کفایت ہاشمی]

اللہ اللہ ۔ کیا خوبصورت انداز ہے ۔ جی کرتا ہے بار بار پڑھتے رہیں ۔ اللہم صل وسلم علیٰ سیدی و علیٰ آلہ و صحبہ و بارک وسلم
بس ان کی بارگاہ اقدس میں شرف قبولیت مل جائے اور حاضری بھی ہم گناہ گاروں کو نصیب ہوجائے آمین
مجھے اس واقعے کی سند کا معلوم نہیں :جس کی خاطر رہے- موسٰی علیہ السلام کرتے دعا
یعنی آپ علیہ السلام کا امتی بننا۔

 

[کفایت ہاشمی]

الشفاء بھائی ۔ فقیر کی طرف سے کچھ الفاظ کی اصلاح و تجاویز
گر قبول افتد زہے عز و شرف

پیغمبر خوش نوا : خوش نما زیادہ موزوں رہے گا۔
بن گئی ہے نجا : نجا سے کیا مراد ہے ؟ نجات کا مخفف ہے ؟
جس کی خاطر رہے- موسٰی (علیہ السلام) کرتے دعا : یہ کسی حدیث میں بیان نہیں ہوا۔ مشہور تابعی مفسر قتادہ رحمہ اللہ کا قول ہے ۔ میرے استاد کا درجہ رکھنے والے ایک بھائی کا کہنا ہے کہ نعت میں یہ قول استعمال کیا جا سکتا ہے لیکن حجت نہیں ہے۔
امتی مجھ کو تو نے- شہا کا کیا : شہا کا کوئی معنی نہیں مل سکا۔ شاہ یا شہِ دوسرا استعمال ہوسکتا ہے
وہ سراپا تیرا ، : ترا ٹھیک رہے گا ۔
امتی ہوں تیرا : ترا
بس یہ نسبت شہا ، : شہا کا معنی درکار ہے
رکھ لے میری لجا ، : لجا (جیم کی تشدید کے ساتھ) کا معنی تو غیرت، شرم و حیا ہے ۔ کیا یہ لجاجت کا مخفف بنایا ہے ؟
قرب وقت نزع ، : وقت قرب نزع
یہ ہے ناداں شہا ، : یہاں "نِرا " بھی استعمال ہوسکتا ہے ۔اس کے علاوہ "یا احمدِ مجتبی" یا "سرور دو جہاں " بھی ۔
جو ہو لایا ترے- وصف کی انتہا ، : یہاں بھی ترا موزوں رہے گا۔

خوش رہیں آمین ۔

 

[الشفاء]

جزاک اللہ احسن الجزاء کفایت ہاشمی بھائی۔۔۔ اللہ عزوجل آپ کو اس کا بہترین اجر عطا فرمائے۔۔۔

جی۔ نجا ، آقا علیہ الصلاۃ والسلام کی مشہور حدیث "من صمت نجا" سے اخذ کیا ہے۔ یعنی جو چپ رہا اس نے نجات پائی۔۔۔

حضرت موسٰی علیہ السلام سے متعلق واقعہ شیخ محقق حضرت شیخ عبدالحق محدث دہلوی رحمۃ اللہ علیہ نے اپنی سیرت کی کتاب "مدارج النبوۃ" میں نقل فرمایا ہے۔ جو کچھ یوں ہے۔۔۔

آپ کی توجہ کا بہت بہت شکریہ۔۔۔
خوش رہیں۔۔۔

 

[الف عین]

شکریہ کفایت، آج اس کی اصلاح و ترمیم کے ساتھ حاضر ہوں۔ اس کو کسی نظم کی شکل دینے کی کوشش کی ہے۔

ذکرِ صلِ علٰی اور میں بے نوا
مجھ سا بے آسرا ،-ان کے در کا گدا
ان کے صدقے پلا ،-وہ کہیں اور کیا-
سن لے میری دعا

اے خدا-اے خدا تیرا ہے شکریہ -
-تو نے مجھ کو کیا ہے وہ منصب عطا
جس کی خاطر رہے-موسٰی کرتے دعا؟؟
اے خدا اے خدا

امتی مجھ کو تو نے-شہا کا کیا-
اس کرم پر خدا میں کروں اب سدا
تیری حمد و ثنا ، شکریہ بس ترا
مجھ پہ واجب ہوا

ان لبوں پہ سجا -ذکر صل علٰی
اب یہی ذکر میرا-وظیفہ بنا
پیش اس کے سوا ،-میں کروں اور کیا
حمد تیری سدا

-مجتبٰے ، مصطفٰے،-وہ سراپا تِرا
جس کو دیکھے بنا ،-سب کے سب ہیں فدا
دیکھ لیں جو تِرا-حسن جلوہ نما -
اے شہِ انبیاء

ہوں بھلا یا برا ،-امتی ہوں تِرا
-بس یہ نسبت شہا ،-ہے مِرا آسرا
ورنہ دامن میں میرے-نہیں کچھ بچا
تو سخی میں گدا

شرم رکھ لے مری ،-اے شہ دو سرا-
کیونکہ تیری رضا میں ہے رب کی رضا
بس کفٰی بس کفٰی ،-بس کفٰی بس کفٰی
مصطفیٰ مصطفیٰ

بس یہ ہے التجا -مجھ کو در پہ بلا
پاس اپنے بٹھا-اپنا مکھڑا دِکھا
میٹھی باتیں سنا اپنا کلمہ پڑھا
اے شفیع الورا

شاہِ بطحیٰ ذرا لیجے مجھ کو چھپا
اپنے دامن میں شاہنشہِ دوسرا
دفن ہونے کو طیبہ میں تھوڑی سی جا–
چاہیئے اور کیا–

اے شفا-!!اے شفا!یہ تجھے کیا ہوا
تو نے کیا لکھ دیا تُو تو شاعر نہ تھا
پھر یہ کیسے ہوا یہ بھی ہے اک عطا
اس پہ خوشیاں منا


ہاں دلِ بے نوا ،-تو نے سچ ہے کہا
یہ ہے اُن کی عطا ،-نہ کہ تیری خطا
تجھ کو جو کچھ ملا ،-اُن کے در سے ملا
اے شہ انبیاء

تیری مدحت کرے ،-تیرا ربُ العلٰی
میں ہوں کیا چیز ،-ہے میری اوقات کیا
تیری مدحت سے آقا-نہیں دل بھرا
یہ ہے ناداں شہا(؟)

بس وہ کہتا ہوں میں بھی-جو سب نے کہا
جیسا حق ہے ترا - غیر ممکن ثنا
تو ہی برتر ہے ، اعظم ہے-بعد از خدا
تو ہی برتر ہے، اعظم ہے-بعد از خدا
سوالیہ نشان والے مسئلوٕں پر فی الحال کچھ نہیں کہہ رہا۔

 

[الشفاء]

ماشاءاللہ۔۔۔ بہت بہت شکریہ محترم الف عین صاحب۔

اللہ عزوجل آپ کو خوش رکھے۔ اور بہترین جزاء عطا فرمائے۔۔۔

 

[نور وجدان]

-اے شفا- اے شفا،- یہ تجھے کیا ہوا ،- تو نے کیا لکھ دیا ، -تُو تو شاعر نہ تھا ،- پھر یہ کیسے ہوا ،- ہاں دل بے نوا ،- تو نے سچ ہے کہا ،-یہ ہے اُن کی عطا ، -نہ کہ تیری خطا ،- تجھ کو جو کچھ ملا ، -اُن کے در سے ملا ، -یہ بھی ہے اک عطا ، -اس پہ خوشیاں منا ۔۔۔​

سب نے کہا ،- نہیں ہے ممکن ثنا ، - جیسی حق ہے ترا ،- تو ہی برتر و اعظم ہے- بعد از خدا ،- تو ہی برتر و اعظم ہے - بعد از خدا۔۔۔۔

بس یہ ہے التجا ،- قرب وقت نزع ، -مجھ کو در پہ بلا ، -پاس اپنے بٹھا ،- سوہنا مکھڑا دکھا ، -میٹھی باتیں سنا ،- اپنا کلمہ پڑھا ، -پھر لے مجھ کو چھپا ، -اپنے دامن میں شاہ ،- جان نکلے میری -پھر تیرے زیر پا

-آؤ مل کر کریں- ذکر صل علٰی ،- مجھ سا بے آسرا ،- ان کے در کا گدا ،- ان کے صدقے پلا ، -وہ کہے اور کیا- اے خدا- اے خدا ،-تیرا ہے شکریہ ،-حمد تیری سدا ،- تو نے مجھ کو کیا -ہے وہ منصب عطا ، -جس کی خاطر رہے- موسٰی کرتے دعا ،- امتی مجھ کو تو نے- شہا کا کیا ،- اس کرم پہ خدا ، -تیری حمد و ثنا ، -میں کروں اب سدا ، -تیری حمد و ثنا ، -سن لے میری دعا ، -ان لبوں پہ سجا ، -ذکر صل علٰی ،-اب یہی ذکر میرا -وظیفہ بنا ، -پیش اس کے سوا ،-میں کروں اور کیا ،- مجتبٰے ، مصطفٰے،- وہ سراپا تیرا ، -جس کو دیکھے بنا ،- سب کے سب ہیں فدا ، -دیکھ لیں جو تیرا -حسن جلوہ نما ،- پھر جو آئے مزا ،- بس کفٰی- بس کفٰی ،- اے شہ انبیاء ،-تو سخی میں گدا ، -ہوں بھلا یا برا ، -امتی ہوں تیرا ،- بس یہ نسبت شہا ، -ہے میرا آسرا ، -ورنہ دامن میں میرے -نہیں کچھ بچا ،- رکھ لے میری لجا ، -اے شہ دو سرا ،-کیونکہ تیری رضا- میں ہے رب کی رضا۔۔۔۔​

سبحان اللہ ۔۔۔۔۔۔۔۔ لا یکمن الثناء کما کان حق ھو
من وجھک المنیر لقد نو القمر

 

[نور وجدان]

شکریہ کفایت، آج اس کی اصلاح و ترمیم کے ساتھ حاضر ہوں۔ اس کو کسی نظم کی شکل دینے کی کوشش کی ہے۔

ذکرِ صلِ علٰی اور میں بے نوا
مجھ سا بے آسرا ،-ان کے در کا گدا
ان کے صدقے پلا ،-وہ کہیں اور کیا-
سن لے میری دعا

اے خدا-اے خدا تیرا ہے شکریہ -
-تو نے مجھ کو کیا ہے وہ منصب عطا
جس کی خاطر رہے-موسٰی کرتے دعا؟؟
اے خدا اے خدا

امتی مجھ کو تو نے-شہا کا کیا-
اس کرم پر خدا میں کروں اب سدا
تیری حمد و ثنا ، شکریہ بس ترا
مجھ پہ واجب ہوا

ان لبوں پہ سجا -ذکر صل علٰی
اب یہی ذکر میرا-وظیفہ بنا
پیش اس کے سوا ،-میں کروں اور کیا
حمد تیری سدا

-مجتبٰے ، مصطفٰے،-وہ سراپا تِرا
جس کو دیکھے بنا ،-سب کے سب ہیں فدا
دیکھ لیں جو تِرا-حسن جلوہ نما -
اے شہِ انبیاء

ہوں بھلا یا برا ،-امتی ہوں تِرا
-بس یہ نسبت شہا ،-ہے مِرا آسرا
ورنہ دامن میں میرے-نہیں کچھ بچا
تو سخی میں گدا

شرم رکھ لے مری ،-اے شہ دو سرا-
کیونکہ تیری رضا میں ہے رب کی رضا
بس کفٰی بس کفٰی ،-بس کفٰی بس کفٰی
مصطفیٰ مصطفیٰ

بس یہ ہے التجا -مجھ کو در پہ بلا
پاس اپنے بٹھا-اپنا مکھڑا دِکھا
میٹھی باتیں سنا اپنا کلمہ پڑھا
اے شفیع الورا

شاہِ بطحیٰ ذرا لیجے مجھ کو چھپا
اپنے دامن میں شاہنشہِ دوسرا
دفن ہونے کو طیبہ میں تھوڑی سی جا–
چاہیئے اور کیا–

اے شفا-!!اے شفا!یہ تجھے کیا ہوا
تو نے کیا لکھ دیا تُو تو شاعر نہ تھا
پھر یہ کیسے ہوا یہ بھی ہے اک عطا
اس پہ خوشیاں منا


ہاں دلِ بے نوا ،-تو نے سچ ہے کہا
یہ ہے اُن کی عطا ،-نہ کہ تیری خطا
تجھ کو جو کچھ ملا ،-اُن کے در سے ملا
اے شہ انبیاء

تیری مدحت کرے ،-تیرا ربُ العلٰی
میں ہوں کیا چیز ،-ہے میری اوقات کیا
تیری مدحت سے آقا-نہیں دل بھرا
یہ ہے ناداں شہا(؟)

بس وہ کہتا ہوں میں بھی-جو سب نے کہا
جیسا حق ہے ترا - غیر ممکن ثنا
تو ہی برتر ہے ، اعظم ہے-بعد از خدا
تو ہی برتر ہے، اعظم ہے-بعد از خدا
سوالیہ نشان والے مسئلوٕں پر فی الحال کچھ نہیں کہہ رہا۔

واہہہہ محترم الف عین اور پیارے بابا جان ۔۔۔۔۔بہت خوب

 

[الشفاء]

لفظ کبھی کبھی بہت جاندار ابلاغ کر جاتے ہیں ۔۔۔۔۔کہیں یہاں چشم نم تو نہیں ہوگئی تھی یا دل نمیدہ ہوا ہوا ۔۔۔۔۔لگ تو یہی رہا ہے

ماشاءاللہ۔۔۔ الفاظ میں چھپے جذبات کی پہچان۔ بہت خوب۔۔۔
آنکھیں بڑی ظالم ہیں
ہر بات بتاتی ہیں۔۔۔