میرے پسندیدہ اشعار

[سیما علی]

ہے ترے پیرہن میں ستر جوڑ
کیا یہی ہے زمانہ کا نیرنگ!!!!!

(راسخ عظیم آبادی)

 

[سیما علی]

حیرت آفت زدہ عرضِ دوعالم نیرنگ
موم آئینہ ایجاد ہے مغزِ نمکیں

(غالب)

 

[سیما علی]

تجھ صاحب نیرنگ کی دیکھے اگر تصویر کوں
دل جا پڑے حیرت منیں نقاش رنگ آمیز کا

(ولی)

 

[شمشاد]

طلوع ہوگا ابھی کوئی آفتاب ضرور
دھواں اٹھا ہے سر شام پھر چراغوں سے
(حزیں لدھیانوی)

 

[شمشاد]

انداز اپنا دیکھتے ہیں آئنے میں وہ
اور یہ بھی دیکھتے ہیں کوئی دیکھتا نہ ہو
نظام رامپوری

 

[شمشاد]

غم سے منسوب کروں درد کا رشتہ دے دوں
زندگی آ تجھے جینے کا سلیقہ دے دوں
علی احمد جلیلی

 

[شمشاد]

لوگ ٹوٹ جاتے ہیں ایک گھر بنانے میں
تم ترس نہیں کھاتے بستیاں جلانے میں

ہر دھڑکتے پتھر کو لوگ دل سمجھتے ہیں
عمریں بیت جاتی ہیں دل کو دل بنانے میں
بشیر بدر

 

[شمشاد]

دل مضطر سے پوچھ اے رونق بزم
میں خود آیا نہیں لایا گیا ہوں
شاد عظیم آبادی

 

[شمشاد]

فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا
عدیم ہاشمی

 

[شمشاد]

شکم کی آگ لیے پھر رہی ہے شہر بہ شہر
سگ زمانہ ہیں ہم کیا ہماری ہجرت کیا
(افتخار عارف)

 

[شمشاد]

کہاں تو طے تھا چراغاں ہر ایک گھر کے لیے
کہاں چراغ میسر نہیں شہر کے لیے
دشینت کمار​

 

[شمشاد]

ذہن میں یاد کے گھر ٹوٹنے لگتے ہیں شہابؔ
لوگ ہو جاتے ہیں جی جی کے پرانے کتنے
مصطفی شہاب

 

[شمشاد]

گلشن کی فقط پھولوں سے نہیں کانٹوں سے بھی زینت ہوتی ہے
جینے کے لئے اس دنیا میں غم کی بھی ضرورت ہوتی ہے
صبا افغانی

 

[شمشاد]

ہم بھی کہنے لگے ہیں رات کو رات
ہم بھی گویا خراب ہونے لگے
ذکی طارق

 

[شمشاد]

آ ہی گئے ہیں خواب تو پھر جائیں گے کہاں
آنکھوں سے آگے ان کی کوئی رہ گزر نہیں
آلوک شریواستو

(کیا ہی خوبصورت شعر ہے آلوک کا)

 

[شمشاد]

تو شاہیں ہے پرواز ہے کام تیرا
ترے سامنے آسماں اور بھی ہیں
(علامہ محمد اقبال)

 

[شمشاد]

کسی کو سال نو کی کیا مبارک باد دی جائے
کلینڈر کے بدلنے سے مقدر کب بدلتا ہے
(اعتبار ساجد)

 

[شمشاد]

نہ کوئی رنج کا لمحہ کسی کے پاس آئے
خدا کرے کہ نیا سال سب کو راس آئے
نامعلوم

 

[شمشاد]

آج اک اور برس بیت گیا اس کے بغیر
جس کے ہوتے ہوئے ہوتے تھے زمانے میرے
احمد فراز

 

[شمشاد]

اک سال گیا اک سال نیا ہے آنے کو
پر وقت کا اب بھی ہوش نہیں دیوانے کو
ابن انشا