میرے پسندیدہ اشعار

[م.ع.راشد]

م.ع.راشد اردو محفل میں خوش آمدید۔

اپنا تعارف تو دیں، تاکہ دیگر اراکین اردو محفل آپ سے متعارف ہو سکیں۔

اوہ! جی جی تعارف کی نئی لڑی شامل کردی... یاد دہانی کا شکریہ

 

[تبسم]

‏ﺣﺸﺮ ﻣﯿﮟ ﮐﻮﻥ ﮔﻮﺍﮨﯽ ﻣِﺮﯼ ﺩﮮ ﮔﺎ ﺳﺎﻏﺮ
ﺳﺐ ﺗﻤﮩﺎﺭﮮ ﮨﯽ ط۔۔۔ﺮﻓﺪﺍﺭ ﻧﻈﺮ ﺁﺗﮯ ﮨﯿﮟ.

 

[شمشاد]

شام غم کروٹ بدلتا ہی نہیں
وقت بھی خوددار ہے تیرے بغیر
شکیل بدایونی

 

[سیما علی]

جس کا جو جو فن تھا اس سے ہم نے مہارت حاصل کی
شمع سے ہم نے جلنا سیکھا‘ جاں دینا پروانے سے

(سلطانہ ‌مہر)

 

[سیما علی]

بھری ہے سیرت و صورت سوں سورت
ہر اک صورت ہے واں ان مول مورت

(ولی)

 

[سیما علی]

ہم کو بیداری نے باصرِؔ یہ سزا دی نیند کی
خواب میں پایا تھا جو کچھ کھو دیا تعبیر میں
باصر کاظمی

 

[سیما علی]

آئینہ بھی، جیسے ہوں، دِکھلائے خدوخال وُہی
سوچیں تو اپنے ہر خواب کی ہیں ماجدؔ، تعبیر ہمیں
ماجد صدیقی

 

[سیما علی]

مسافرت میں بھی تصویر گھر کی دیکھتے ہیں
کوئی بھی خواب ہو تعبیر گھر کی دیکھتے ہیں
احمد فراز

 

[سیما علی]

جس کو بھی چاہا اسے شدت سے چاہا ہے فراز
سلسلہ ٹوٹا نہیں ہے درد کی زنجیر کا
احمد فراز

 

[شمشاد]

نہ کوئی پینگ پڑی ہے نہ پھول آئے ہیں
بہت اداس ہیں کچھ دن سے ٹہنیاں میری
ریحانہ قمر

 

[سیما علی]

تیری صورت سے کسی کی نہیں ملتی صورت
ہم جہاں میں تری تصویر لیے پھرتے ہیں

ناسخ

 

[شمشاد]

ایک تصویر بنائی ہے خیالوں نے ابھی
اور تصویر سے اک شخص نکل آیا ہے
تری پراری

 

[سیما علی]

آپ نے تصویر بھیجی میں نے دیکھی غور سے
ہر ادا اچھی خموشی کی ادا اچھی نہیں

جلیل مانک پوری

 

[سیما علی]

ایک کمی تھی تاج محل میں
میں نے تری تصویر لگا دی

کیف بھوپالی

 

[شمشاد]

بات کہنے کی ہمیشہ بھولے
لاکھ انگشت پہ دھاگا باندھا
محسنؔ بھوپالی

 

[مومن فرحین]

انگلیوں کو تراش دوں پھر بھی
عادتاًً اس کا نام لکھیں گی

پروین جی

 

[مومن فرحین]

خود پشیمان ہوئے نے اسے شرمندہ کیا
عشق کی وضع کو کیا خوب نبھایا ہم نے
عمر بھر سچ ہی کہا سچ کے سوا کچھ نہ کہا
اجر کیا اس کا ملے گا یہ نہ سوچا ہم نے

شہر یار

 

[سیما علی]

میں چلا آیا ترا حسنِ تغافل لے کر!!!!!!
اب تری انجمنِ ناز میں رکھا کیا ہے..!!
(فنا نظامی کانپوری)

 

[سیما علی]

تمہیں جفا سے نہ یوں باز آنا چاہیئے تھا
ابھی کچھ اور مرا دل دکھانا چاہیئے تھا

پیر زادہ قاسم

 

[سیما علی]

نہ جانے کون سا آسیب دل میں بستا ہے
کہ جو بھی ٹھہرا وہ آخر مکان چھوڑ گیا

پروین شاکر