میرے پسندیدہ اشعار

[شمشاد]

غم سے بکھرا نہ پائمال ہوا
میں تو غم سے ہی بے مثال ہوا
(حسن نعیم)

 

[شمشاد]

آگ کا کیا ہے پل دو پل میں لگتی ہے
بجھتے بجھتے ایک زمانا لگتا ہے
(کیف بھوپالی)

 

[محمل ابراہیم]

نہ بچپن کی امنگیں ہیں نہ ہیں وہ شوخیاں باقی
تعاقب میں تھے جن کے ہم نہیں وہ تتلیاں باقی

سحؔر

 

[محمل ابراہیم]

پیٹ کی آگ سے بڑھ کر کوئی آتش ہی نہیں
بھوک کیا شئے ہے کبھی بھوک میں جل کر دیکھیں

سحر

 

[شمشاد]

مسکرا دو گے تو یہ رات سنور جائے گی
ہنس جو دو گے تو فضا اور نکھر جائے گی
(ہنس راج سچدیو حزیںؔ)

 

[محمل ابراہیم]

یوں مسکرائے جان سی کلیوں میں پڑ گئی
یوں لب کشاں ہوئے کہ گلستاں بنا دیا

نامعلوم

 

[عطاء اللہ جیلانی]

پریشاں رات ساری ہے، ستارو تم تو سو جاؤ
سکوتِ مرگ طاری ہے، ستارو تم تو سو جاؤ

قتیل شفائی

 

[عطاء اللہ جیلانی]

‏وصال میں‌ بھی وہی ہے فراق کا عالم
کہ اسکو نیند مجھے رت جگے کی عادت ہے

احمد فراز

 

[ڈاکٹر عظیم سہارنپوری]

رات نکال دیں باقی شعر مکمل اور لا جواب ہے

 

[ڈاکٹر عظیم سہارنپوری]

یوں مسکرائے جان سی کلیوں میں پڑ گئی
یوں لب کشاں ہوئے کہ گلستاں بنا دیا

نامعلوم

اصغر گونڈوی

 

[ڈاکٹر عظیم سہارنپوری]

کیا ہم کو ڈراتے ہو تم موج حوادث سے
منزل ہے بھنور اپنی طوفان کنارا ہے
انصاف ہے یہ کیسا گلشن میں کہو تم ہی
ہر پھول کے تم مالک ہر خار ہمارا ہے

عظیم سہارن پوری

 

[شمشاد]

نقاب الٹا ہے شمعوں نے ستارو تم تو سو جاؤ
کریں گے رقص پروانے ستارو تم تو سو جاؤ
(انیس کیفی)

 

[ڈاکٹر عظیم سہارنپوری]

رات نکال دیں باقی شعر مکمل اور لا جواب ہے

معاف کرنا
وزن کے حساب سے مینے شعر مکمل کر دیا تھا اصل مصرع مجھے اب یاد آیا

کہ اس کو نیند مجھے رت جگے کی عادت ہے

 

[عطاء اللہ جیلانی]

معاف کرنا
وزن کے حساب سے مینے شعر مکمل کر دیا تھا اصل مصرع مجھے اب یاد آیا

کہ اس کو نیند مجھے رت جگے کی عادت ہے

تصحیح کے لئے مشکور ہوں
محترم ڈاکٹر صاحب

 

[ڈاکٹر عظیم سہارنپوری]

چلو میں ہی ہوں بے چارا ستاروں تم تو سو جا ؤ
کہیں تم نے ہے دل ہارا ستارو تم تو سو جاؤ

عظیم سہارنپوری

 

[ڈاکٹر عظیم سہارنپوری]

تصحیح کے لئے مشکور ہوں
محترم ڈاکٹر صاحب

بہترین انتخاب
آپ نے میرے پسندیدہ شاعر کی پسندیدہ غزل کے پسندیدہ شعر کا انتخاب فرمایا ہے

 

[شمشاد]

کل شجر کی گفتگو سنتے تھے اور حیرت میں تھے
اب پرندے بولتے ہیں اور شجر خاموش ہیں
(اظہرنقوی)

 

[مومن فرحین]

تری اُمید ترا انتظار جب سے ہے
نہ شب کو دن سے شکایت ، نہ دن کو شب سے ہے
کسی کا درد ہو کرتے ہیں تیرے نام رقم
گِلہ ہے جو بھی کسی سے ترے سبب سے ہے
ہُوا ہے جب سے دلِ ناصبُور بے قابو
کلام تجھ سے نظر کو بڑے ادب سے ہے
اگر شررِ ہے تو بھڑکے ، جو پھول ہے تو کِھلے
طرح طرح کی طلب ، تیرے رنگِ لب سے ہے
کہاں گئے شبِ فرقت کے جاگنے والے
ستارۂ سحری ہم کلام کب سے ہے

فیض احمد فیض

 

[مومن فرحین]

تری اُمید ترا انتظار جب سے ہے
نہ شب کو دن سے شکایت ، نہ دن کو شب سے ہے
کسی کا درد ہو کرتے ہیں تیرے نام رقم
گِلہ ہے جو بھی کسی سے ترے سبب سے ہے
ہُوا ہے جب سے دلِ ناصبُور بے قابو
کلام تجھ سے نظر کو بڑے ادب سے ہے
اگر شررِ ہے تو بھڑکے ، جو پھول ہے تو کِھلے
طرح طرح کی طلب ، تیرے رنگِ لب سے ہے
کہاں گئے شبِ فرقت کے جاگنے والے
ستارۂ سحری ہم کلام کب سے ہے

فیض احمد فیض

 

[شمشاد]

برا نہ مان ضیاؔ اس کی صاف گوئی کا
جو درد مند بھی ہے اور بے ادب بھی نہیں
(ضیا جالندھری)