میرے پسندیدہ اشعار

[سیما علی]

غربت کے بیاباں میں ہے مصحفیؔ آوارا
اے خضر خجستہ پے ٹک راہ تو بتلانا
مصحفی غلام ہمدانی

 

[سیما علی]

غم رہا ہے حال کہنا دل کا اس بت سے منیرؔ
جس کے غم میں اپنے دل کا حال ایسا ہو گیا
منیر نیازی

 

[سیما علی]

فصل گل آتے ہی مے خانہ میں اک بھیڑ ہوئی
نہ سنی ایک بھی رندوں نے فغان واعظ
✒️ حبیب موسوی
📚 دیوان حبیب

 

[سیما علی]

فراقؔ بزم چراغاں ہے محفل رنداں
سجے ہیں پگھلی ہوئی آگ سے چھلکتے ایاغ
✒️ فراق گورکھپوری
📚گلِ نغمہ 📄 صفحہ 39

 

[سیما علی]

فلک کو دیکھ کے کہتا ہوں جوش وحشت میں
الٰہی ٹھہرے مری آہ کا دھواں کیونکر
میر تسکینؔ دہلوی

 

[سیما علی]

فصل گل جو کر رہی ہے سامنے ہے دیکھ لیجے
میں کروں گا کچھ تو نام اب میری وحشت کا لگے گا
شجاع خاو

 

[سیما علی]

قائمؔ نہ عیش نقد کو نسیہ پہ چھوڑیئے
کیا جانے بات قصہ کی ہے راست یا غلط
✒️ قائم چاند پوری
📚کلیاتِ قائم چاندپوری
نسیہ: بھولی ہوئی

 

[سیما علی]

قاتل اگر نہ شوخ ہو خنجر اگر نہ تیز
رگ رگ میں بے قرار ہمارا لہو نہ ہو
✒️ داغ دہلوی

 

[سیما علی]

قفس میں مجھ سے روداد چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو
✒️ مرزا اسد اللہ خان غالب
📚دیوان غالب جدید 📄 صفحہ 299

 

[سیما علی]

کہاں ہیں اب وہ مسافر نواز بہتیرے
اٹھا کے لے گئے خانہ بدوش ڈیرے تک
✒️ انور شعور
📚اندوختہ 📄 صفحہ 137

 

[سیما علی]

حدودِ ذات سے باہر نکل کے دیکھ ذرا
‏نہ کوئی غیر نہ کوئی رقیب لگتا ہے،

‏یہ دوستی یہ مراسم یہ چاہتیں یہ خلوص
‏کبھی کبھی مجھے سب کچھ عجیب لگتا ہے۔۔
‏— جانثار‬⁩ اختر

 

[سیما علی]

بھائی لڑتے ہیں مگر یار ہمارے گھر میں
‏ماں بھی رہتی ہے سو دیوار نہیں کر سکتے

‏جسم ہے یار کا، دشمن کا علاقہ تو نہیں
‏یہ وہ سرحد ہے جو ہم پار نہیں کر سکتے۔۔
‏— علی ارتضیٰ

 

[سیما علی]

یہ وقت تو بہت عجیب شے ہے نفیس
‏ہجر میں کٹتا نہیں، وصل میں رکتا نہیں

‏ڈاکٹر محمد نفیس

 

[سیما علی]

وقت کی چند ساعتیں ساغر
‏لوٹ آئیں تو کیا تماشا ہو
‏ ساغر صدّیقی

 

[سیما علی]

ظالمو اپنی قسمت پہ نازاں نہ ہو
‏دور بدلے گا یہ ⁧وقت‬⁩ کی بات ہے

‏وہ یقیناً سنیں گے صدائیں مری
‏کیا تمہارا خدا ہے ہمارا نہیں

‏استاد قمر جلالوی

 

[سیما علی]

عمر بھر ملنے نہیں دیتی ہیں اب تو رنجشیں
‏وقت ہم سے روٹھ جانے کی ادا تک لے گیا
‏فصیح اکمل

 

[سیما علی]

سُست رفتار تارے بھی آنکھیں جھپکنے لگے
‏غم کے مارو گھڑی دو گھڑی سو رہو سو رہو

‏منہ اندھیرے ہی ناصر کسے ڈھونڈنے چل دیے
‏دُور ہے صبحِ روشن ابھی سو رہو سو رہو

‏ناصر کاظمی

 

[شمشاد]

بامرادوں کے تبسم سے ہے طالبؔ کا سوال
کیا کبھی دیدۂ تر سے بھی گزر کر دیکھا
(طالب شملوی)

 

[مومن فرحین]

خواب ٹکرا کے پلٹ جاتے ہیں بند آنکھوں سے
جانے کس جرم کی کس کو ہے سزا شام کے بعد
چاند جب رو کے ستاروں سے گلے ملتا ہے
اک عجب رنگ کی ہوتی ہے فضا شام کے بعد
مار دیتا ہے اجڑ جانے کا دہرا احساس
کاش ہو کوئی کسی سے نہ جدا شام کے بعد

 

[سیما علی]

مانا کہ سب کے سامنے ملنے سے ہے حجاب
لیکن وہ خواب میں بھی نہ آئیں تو کیا کریں
اختر شیرانی