بشیر بدر ميں بھی شايد برا نہيں ہوتا

[ظفری]

ميں بھی شايد برا نہيں ہوتا
وہ اگر بے وفا نہيں ہوتا

بے وفا بے وفا نہيں ہوتا
ختم يہ فاصلہ نہيں ہوتا

کچھ تو مجبورياں رہیں ہونگیں
يوں کوئی بے وفا نہيں ہوتا

جی بہت چاہتا ہے سچ بوليں
کيا کريں حوصلہ نہيں ہوتا

رات کا انتظار کون کرے
آج کل دن ميں کيا نہيں ہوتا

گفتگو ان سے روز ہوتی ہے
مدتوں سامنا نہيں ہوتا
​

 

[قیصرانی]

خوب

 

[کاشفی]

واہ واہ۔ بہت ہی عمدہ!

 

[صائمہ شاہ]

بہت خوب

رات کا انتظار کون کرے
آج کل دن ميں کيا نہيں ہوتا

گفتگو ان سے روز ہوتی ہے
مدتوں سامنا نہيں ہوتا

 

[عمر سیف]

رات کا انتظار کون کرے
آج کل دن ميں کيا نہيں ہوتا

واہ واہ ۔۔بہت خوب

 

[سید عاطف علی]

واہ ! ظفری صاحب۔بہت اچھا انتخاب ہے۔ اسے پڑھ کر کچھ اشعار میرے والد صاحب کے یاد آرہے ہیں ۔
جو مرا ہمنوا نہیں ہوتا۔وہ ترے شہر کا نہیں ہوتا
آج بھی آہنی جنوں کا حق ۔ پتھروں سے ادا نہیں ہوتا
شاخ پر ہیں ہرے بھرے پتّے۔پھول لیکن ہرا نہیں ہوتا

 

[ابن رضا]

ظفری بھائی یہ شعر تو یاد رکھنے والا ہے
جی بہت چاہتا ہے سچ بوليں
کيا کريں حوصلہ نہيں ہوتا

بہت خوب خوش رہیں