سراج الدین ظفر موسمِ گل ترے انعام ابھی باقی ہیں ۔ سراج الدین ظفر

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏جنوری 15, 2019

  1. فرخ منظور

    فرخ منظور لائبریرین

    مراسلے:
    12,512
    جھنڈا:
    Pakistan
    موڈ:
    Cold
    موسمِ گل ترے انعام ابھی باقی ہیں
    شہر میں اور گل اندام ابھی باقی ہیں

    اور کھل جا کہ معارف کی گزر گاہوں میں
    پیچ اے زلفِ سیہ فام ابھی باقی ہیں

    اک سبو اور کہ لوحِ دلِ مے نوشاں پر
    کچھ نقوشِ سحر و شام ابھی باقی ہیں

    ٹھہر اے بادِ سحر اس گلِ نورستہ کے نام
    اور بھی شوق کے پیغام ابھی باقی ہیں

    کم ہو کیا قدرِ غزالانِ برہمن کہ یہاں
    ہم سے کچھ بندۂ اسلام ابھی باقی ہیں

    کھول کر مصرعِ کاکُل کی ہے لازم تشریح
    اس نوشتے میں کچھ ابہام ابھی باقی ہیں

    اٹھو اے شب کے غزالو کہ سحر سے پہلے
    چند لمحاتِ خوش انجام ابھی باقی ہیں

    انتظار اے دل و دیدہ کہ ہزاروں اسرار
    سائے کی طرح تہہِ جام ابھی باقی ہیں

    سلسلہ سرمد و منصور کا منسوخ نہیں
    اور فہرست میں کچھ نام ابھی باقی ہیں

    طول کھینچ اے شبِ مے خانہ کہ سب کارِ سیاہ
    بہ ہمہ لذتِ اقدام ابھی باقی ہیں

    اے سہی قد تری نسبت سے سب اونچی قدریں
    باوجودِ روشِ عام ابھی باقی ہیں

    نقشِ جاوید بنا دے انھیں اے گردشِ جام
    موسمِ گُل کے جو ایّام ابھی باقی ہیں

    نقطۂ حُسن سے ہے گردشِ پُرکارِ نیاز
    ہم بھی باقی ہیں کہ اصنام ابھی باقی ہیں

    اور ابھی روند انھیں اے کفِ پائے تحقیق
    دل میں سو طرح کے اوہام ابھی باقی ہیں

    ہم سے مے خانہ نشینوں کی جلالت کے سبب
    قصصِ دارا و بہرام ابھی باقی ہیں

    ہم میں کل کے نہ سہی حافظؔ و خیامؔ، ظفرؔ
    آج کے حافظؔ و خیامؔ ابھی باقی ہیں

    (سراج الدین ظفرؔ)

     
    آخری تدوین: ‏جنوری 16, 2019
    • زبردست زبردست × 2
    • پسندیدہ پسندیدہ × 1
  2. سید عاطف علی

    سید عاطف علی محفلین

    مراسلے:
    6,775
    جھنڈا:
    SaudiArabia
    موڈ:
    Cheerful
    کمال کا انتخاب ہے ہمیشہ کی طرح ۔ شادآباد رہیں فرخ منظور بھائی ۔
     
    • دوستانہ دوستانہ × 1
  3. فرخ منظور

    فرخ منظور لائبریرین

    مراسلے:
    12,512
    جھنڈا:
    Pakistan
    موڈ:
    Cold
    بہت عنایت عاطف بھائی۔ خوش رہیے۔
     

اس صفحے کی تشہیر