منتظم اردو محفل کے نام کھلی درخواست

میم الف

محفلین
منتظم اردو محفل کے نام درخواست لکھنے سے بہتر ہے، واپڈا کے نام لکھی جائے۔
کیونکہ ہمیں اس وقت بجلی کی ضرورت ہے۔
 

Ali Baba

محفلین
اس درخواست کے بارے میں ایک شاعر فرما گئے ہیں:

جو ڈوبنا ہے تو اتنے سکون سے ڈوبو
کہ آس پاس کی لہروں کو بھی پتا نہ لگے

یہ کیا کہ ڈھول ڈھمکے اور بینڈ باجے کے ساتھ نعرے مارتے چلو کہ میں ڈبن چلیا جے، مینوں کوئی نہ پھڑے!
 

گُلِ یاسمیں

لائبریرین
ایک دن کی چھٹی کی خاطر اتنے پاپڑ بیلے گئے۔۔۔ اب تو آپ کا پورا پورا حق ہو گیا ایک نہیں دو بلکہ تین دن کی چھٹی پر۔
جب ہلہ گلہ کرنے لگیں تو ہمیں آواز دے لیجئیے گا جاسمن بہنا۔ ہم ساتھ دینے آ جائیں گے۔
 

سید رافع

محفلین
مؤدبانہ گزارش ہے کہ آج کل موسم بہت سہانا ہو رہا ہے۔ ایسے موسم میں کچھ ہٹ کے کرنے کو دل چاہتا ہے۔ دوسرے یہاں اس فورم پہ فدویہ بہت سے محفلین کو "کچھ ہٹ کے" کرتے ہوئے دیکھتی ہے تو احساسِ محرومی ہوتا ہے کہ آخر ہم نے کیا جرم کیا ہے! ہمیں بھی یہ حق ملنا چاہیے۔

جاسمن بہنا، آپ کی یہ چٹھی بذریعہ اردو محفل نجم الدولہ، دبیر الملک، مرزا نوشہ اسد اللہ خان غالب تک پہنچی ہے۔ اردو سے آپکی مستقل محبت کے باعث غالب آپکو اپنی بیٹی جانتے ہیں۔ کہتے ہیں کہ:

"بیٹی یہاں خدا سے بھی چھٹی کی توقع باقی نہیں، مخلو ق کا کیا ذکر، کچھ بن نہیں آتی ۔اپنا آپ تماشائی بن گیا ہوں جیسے کہ محفل کی بعض لڑیاں۔ بس یہی کیفیت رہے گی، ذرا فکر نہ کرو۔ جیسے کہ محفلین کو "کچھ ہٹ کے" کرتے ہوئے دیکھتی ہو تو احساسِ محرومی ہوتا ہے بعینہ ایسے ہی میں رنج و ذلت سے خوش ہوتا ہوں۔ یعنی میں نے اپنے کو اپنا غیر تصور کیا ہے ،جو دکھ مجھے پہنچتا ہے کہتا ہوں کہ لو، غالب کے ایک اور جوتی لگی۔ بہت اتراتا تھا کہ میں بڑا شاعر اور فارسی داں ہوں۔ آج دور دور تک میرا جواب نہیں۔ لے، اب قرض داروں کو جواب دے۔ سچ تو یوں ہے کہ غالب کیا مرا۔ بڑا ملحد مرا، بڑا کا فر مرا۔ بیٹی یہ راہ ایسی ہی دشوار ہے۔ چھٹی کے معاملے میں تم نے دیکھ ہی لیا کہ وہی حالت ہوئی جو کہ میری ہوئی تھی کہ وہ جو کسی کو بھیک مانگتے نہ دیکھ سکے اور خو د در بہ در بھیک مانگے، وہ میں ہوں۔"

اپنا ٹویٹ اکاؤنٹ ایکٹیویٹ کروں گی اور ہر فعال لڑی کو ٹویٹوٹویٹی کر دوں گی۔ ساری لڑیاں سج جائیں گی قسمے۔
"بیٹی کیا تم لڑیوں کو میرے محل سرا جیسا بنانا چاہتی ہو؟ کیا بتاؤں میں بڑی مصیبت میں ہوں ،محل سرا کی دیواریں گر گئی ہیں ۔پاخانہ ڈھ گیا ،چھتیں ٹپک رہی ہیں،چھت چھلنی ہے ۔ابر دو گھنٹے برسے تو چھت چار گھنٹے برستی ہے۔"


کھیل کے زمرے کی کسی لڑی میں غزل اور کسی میں بریانی نہ بنانے کی ترکیب پیسٹ کروں گی۔
"بیٹی تم ایک طوفانی بارش کی طرح محفل پر برسنا چاہتی ہو جیسا کہ بارش میرے بالاخانے پر برسی تھی۔ اس کا حال لکھ دیتا ہوں تاکہ تم جان لو کہ محفل کا بھی یہی حال ہو گا۔ بالاخانے کا جو دالان میر ے بیٹھنے اٹھنے ،سونے جا گنے، جینے مر نے کا محل، اگر چہ گرا نہیں ،لیکن چھت چھلنی ہو گئی ،کہیں لگن،کہیں چلمچی، کہیں اُگالدان رکھ دیا ۔قلم دان ،کتا بیں اٹھا کر توشہ خانے کی کوٹھری میں رکھ دیے۔ کشتیٔ نوح میں تین مہینے رہنے کا اتفاق ہوا، اب نجات ہوئی ہے۔ بس تم زمروں کو چھت اور لگن، چلمچی اور اُگالدان کو غزل، بریانی اور کھیل سمجھ لو۔"
 

لاريب اخلاص

لائبریرین
جاسمن آپی اور چھٹی!
درخواست نامنظور کی جائے!
وہ کیا ایک بھلا سا شعر ہے کہ:

مکتب عشق کا دستور نرالا دیکھا
اس کو چھٹی نہ ملے جس کو سبق یاد رہے
کیوں اپیا:)
 

یاسر شاہ

محفلین
السلام علیکم
میں تو اس خیال کا ہوں کہ ہر تین سال بعد انتظامیہ بدل دینی چاہیے تاکہ محفل پہ کسی خاص نظریے کی چھاپ نہ لگ سکے جیسے ان دنوں غیر محسوس انداز میں لگائی جا رہی ہے، ایک خاص ادب کو پیش کر کے، سراہ کے اور ریٹنگ دے کر۔اردو محفل کو "انجمن ستائش باہمی برائے جماعت اسلامی اینڈ کمپنی" میں تبدیل کیا جا رہا ہے۔منٹو، جون اور ساحر وغیرہ کا تعمیری ادب بھی مردود ہے۔ کیونکہ یہ سارے ملحد تھے جیسے عمران خان کے اچھے کام بھی برے ہیں کیونکہ یہودی ایجنٹ ہے۔

لہذا میری تو یہی خواہش ہے کہ آپ کو بھی مستقل چھٹی دے دی جائے تاکہ نئی آنے والیوں کی حوصلہ افزائی کریں نہ کہ پرانی ساسوں کی طرح دور لیے دیے ہوئے بیٹھی رہیں کہ جو میری خوشامد کرے گی اسی کی حوصلہ افزائی بھی ہوگی ورنہ محفل ویران ہوتی ہے تو ہوتی رہے ۔
 

جاسمن

لائبریرین
السلام علیکم
میں تو اس خیال کا ہوں کہ ہر تین سال بعد انتظامیہ بدل دینی چاہیے تاکہ محفل پہ کسی خاص نظریے کی چھاپ نہ لگ سکے جیسے ان دنوں غیر محسوس انداز میں لگائی جا رہی ہے، ایک خاص ادب کو پیش کر کے، سراہ کے اور ریٹنگ دے کر۔اردو محفل کو "انجمن ستائش باہمی برائے جماعت اسلامی اینڈ کمپنی" میں تبدیل کیا جا رہا ہے۔منٹو، جون اور ساحر وغیرہ کا تعمیری ادب بھی مردود ہے۔ کیونکہ یہ سارے ملحد تھے جیسے عمران خان کے اچھے کام بھی برے ہیں کیونکہ یہودی ایجنٹ ہے۔

لہذا میری تو یہی خواہش ہے کہ آپ کو بھی مستقل چھٹی دے دی جائے تاکہ نئی آنے والیوں کی حوصلہ افزائی کریں نہ کہ پرانی ساسوں کی طرح دور لیے دیے ہوئے بیٹھی رہیں کہ جو میری خوشامد کرے گی اسی کی حوصلہ افزائی بھی ہوگی ورنہ محفل ویران ہوتی ہے تو ہوتی رہے ۔

واہ بھئی واہ! :)
مستقل چھٹی کا خیال تو بہت نیک خیال ہے۔
پرانی ساسوں کی طرح۔۔۔ :D ہاہاہا۔
 

میم الف

محفلین
السلام علیکم
میں تو اس خیال کا ہوں کہ ہر تین سال بعد انتظامیہ بدل دینی چاہیے تاکہ محفل پہ کسی خاص نظریے کی چھاپ نہ لگ سکے جیسے ان دنوں غیر محسوس انداز میں لگائی جا رہی ہے، ایک خاص ادب کو پیش کر کے، سراہ کے اور ریٹنگ دے کر۔اردو محفل کو "انجمن ستائش باہمی برائے جماعت اسلامی اینڈ کمپنی" میں تبدیل کیا جا رہا ہے۔منٹو، جون اور ساحر وغیرہ کا تعمیری ادب بھی مردود ہے۔ کیونکہ یہ سارے ملحد تھے جیسے عمران خان کے اچھے کام بھی برے ہیں کیونکہ یہودی ایجنٹ ہے۔

لہذا میری تو یہی خواہش ہے کہ آپ کو بھی مستقل چھٹی دے دی جائے تاکہ نئی آنے والیوں کی حوصلہ افزائی کریں نہ کہ پرانی ساسوں کی طرح دور لیے دیے ہوئے بیٹھی رہیں کہ جو میری خوشامد کرے گی اسی کی حوصلہ افزائی بھی ہوگی ورنہ محفل ویران ہوتی ہے تو ہوتی رہے ۔
واقعی، غیر جانبداری کی فضا برقرار رکھنے کے لیے انتظامیہ تبدیل ہوتی رہنی چاہیے - یہ بہت مناسب تجویز ہے
 

علی وقار

محفلین
انتظامیہ تبدیل کرنا ایسا آسان نہیں جتنا کہ دکھائی دیتا ہے۔ جماعت اسلامی کا اس محفل پر کوئی ٹھپہ مجھے دکھائی نہیں دیتا ہے۔ ہر گوشہ آباد ہے، ہر کوئی اپنی رائے دینے میں آزاد ہے۔ سیاسی حوالے سے بھی سب سے زیادہ مراسلات عمران خان کے حق میں ہوتے دیکھے ہیں مگر سچ بات یہ ہے کہ انصافیوں میں برداشت کا مادہ کم ہے۔ میرے گھر میں سب نے عمران خان صاحب کو ووٹ دیا ہے مگر سچ بات یہ ہے کہ ان کی مخالفت میں کوئی بات سننے کو تیار نہیں اور اسے بغض پاکستان تصور کیا جاتا ہے اور اس کی وجہ میری سمجھ میں نہیں آتی ہے۔ یہ محفل عمران خان صاحب کے فرمودات سے ہمہ وقت سجی رہتی ہے اور اس پر کسی کو اعتراض کرنے کی جرات تک نہیں اور شاید ہونی بھی نہیں چاہیے۔ حیرت تو یہ ہے کہ اس محفل پر جماعت اسلامی کا ٹھپہ ایک صاحب کو لگا ہوا دکھائی دیا ہے حالانکہ ایک زمانہ ہوا کہ اس محفل پر مودودی صاحب کا نام تک پڑھنے کا اتفاق نہ ہوا۔

میرے خیال میں انتظامیہ نے انہی افراد کا چناؤ کیا ہے جو کہ محفل میں دیگر سے بہتر ہیں۔ ویسے تجویز پیش کرنے میں کوئی خاص حرج نہیں، شاید انتظامیہ اس کا نوٹس لے مگر مجھے بظاہر اس کی کوئی خاص وجہ نظر نہیں آتی ہے۔ میں ایک بار پھر اپنی بات دہراؤں گا کہ مسئلہ صرف انتظامیہ کا نہیں، ہم محفلین بھی قصور وار ہیں کہ ہم اپنی ذمہ داریاں بہتر طور پر ادا نہیں کر رہے ہیں۔ ایک سجا سجایا پلیٹ فارم ہمیں دیا گیا ہے مگر ۔۔۔۔۔۔۔۔۔۔۔
 

زیک

مسافر
میں تو اس خیال کا ہوں کہ ہر تین سال بعد انتظامیہ بدل دینی چاہیے تاکہ محفل پہ کسی خاص نظریے کی چھاپ نہ لگ سکے جیسے ان دنوں غیر محسوس انداز میں لگائی جا رہی ہے، ایک خاص ادب کو پیش کر کے، سراہ کے اور ریٹنگ دے کر۔اردو محفل کو "انجمن ستائش باہمی برائے جماعت اسلامی اینڈ کمپنی" میں تبدیل کیا جا رہا ہے۔منٹو، جون اور ساحر وغیرہ کا تعمیری ادب بھی مردود ہے۔ کیونکہ یہ سارے ملحد تھے جیسے عمران خان کے اچھے کام بھی برے ہیں کیونکہ یہودی ایجنٹ ہے۔
واہ ایک وہ بھی وقت تھا منتظمین ملحدین کہلائے جاتے تھے جانے پھر محفل نے کیسے اور کس کے ہاتھوں اسلام قبول کیا
 
Top