احمد ندیم قاسمی منتخب اشعار

[قرۃالعین اعوان]

اب تجھ سا کوئی کہیں نہیں ہے

اب تِرا فراق بھی حَسیں ہے​

 

[قرۃالعین اعوان]

زخم بَھر جاتے ہیں
ذہنوں سے اُتر جاتے ہیں
دِن گُزرتا ہے تو پھر شب بھی گُزر جاتی ہے
پُھول جس شاخ سے جَھڑ جاتے ہیں
مَر جاتے ہیں!!!
​

 

[قرۃالعین اعوان]

خزاں نصیب میں، رِشتہ مگر بہار سے بھی

مُجھے تو گُل کی توقع ہے نوکِ خار سے بھی​

 

[قرۃالعین اعوان]

آئینہ دیکھنا ہے تو منظر ہزار ہیں
صِرف ایک اپنا عَکس ہی دیکھا نہ کیجیے​

 

[قرۃالعین اعوان]

ظُلمتِ عُمر کاٹ دی میں نے یہ سوچ کر ندیمؔ

چادرِ شب میں جا بَجا، تار ہیں روشنی کے بھی​

 

[سیما علی]

جھانکتا رہتا ہُوں مُستقبل میں
دُھند میں کُچھ بھی نمُودار نہیں

ظفری صاحب !!!!
بہت اعلیٰ

 

[سیما علی]

میں ایک جَست میں تھا بحرِ عِشق کے اُس پار
مِرا رَقیب فقط اِستخارا کرتا رہا۔۔۔۔۔۔۔۔۔

 

[سیما علی]

آخرِ کار ہم انجامِ سَفر تک پہنچے!!!!!!!!!!!!!!
تیرے دَر سے جو چَلے، پھر تِرے دَر تک پہنچے

 

[سیما علی]

آپ دَستار اُتاریں تو کوئی فیصلہ ہو!!!!!!!!!!
لوگ کہتے ہیں کہ سَر ہوتے ہیں دَستاروں میں

 

[قرۃالعین اعوان]

اور میں مٹّی سے ہُوں
اور مٹّی میں مُجھ کو بدلنا بھی ہے
اے خیالو!
اُسی مہرباں کی وہ خُوشبو بھی ہمراہ لانا
جو اِنساں کو اِنساں بناتی ہے
عزّت سے جینا تو غیرت سے مَرنا سِکھاتی ہے
اور آخرکار ماں بَن کے، اپنے تَھکے ماندے بچوں کو آغوش میں
لے کے گردش کا جُھولا جُھلاتی ہے!!!

​

 

[قرۃالعین اعوان]

اِس کے با وَصف میں زندہ تھا، کہ تُو زندہ تھا
تُو مِری رُوح کے بَنجر میں وہ چَھتنار تھا
جو پیار کے پُھولوں سے لَدا رہتا تھا​

 

[سیما علی]

زندگی شمع کی مانند جلاتا ہوں ندیمؔ
بجھ تو جاؤں گا مگر صبح تو کر جاؤں گ

 

[سیما علی]

دل راکھ ہو چکا تو چمک اور بڑھ گئی
یہ تیری یاد تھی کہ عمل کیمیا کا تھا

 

[سیما علی]

اٹھا عجب تضاد سے انسان کا خمیر
عادی فنا کا تھا تو پجاری بقا کا تھا

 

[سیما علی]

حیران ہوں کہ وار سے کیسے بچا ندیمؔ
وہ شخص تو غریب و غیور انتہا کا تھا

 

[سیما علی]

دل میں وہ زخم کھلے ہیں کہ چمن کیا شے ہے
گھر میں بارات سی اتری ہوئی گل دانوں کی

 

[سیما علی]

مقبرے بنتے ہیں زندوں کے مکانوں سے بلند
کس قدر اوج پہ تکریم ہے انسانوں کی

 

[سیما علی]

آؤ غبار راہ میں ڈھونڈیں شمیم ناز
آؤ خبر بہار کی پوچھیں خزاں سے ہم

 

[سیما علی]

اے نو بہار ناز تری نکہتوں کی خیر
دامن جھٹک کے نکلے ترے گلستاں سے ہم