منتخب اشعار برائے بیت بازی!

[الف عین]

نظر لگے نہ کہیں اُس کے دست و بازو کو
یہ لوگ کیوں مرے زخمِ جگر کو دیکھتے ہیں

ہم سب کے استاد غالب

 

[شمشاد]

نہ ستائیش کی تمنا نہ صلے کی پرواہ
گر نہیں ہے میرے اشعار میں معنی نہ سہی
(غالب)

 

[فرذوق احمد]

یہ کہہ کے دل نے میرے حوصلے برھائے ہیں
غموں کی دھوپ کے آگے خوشی کے سائے ہیں

ماہر القادری

 

[شمشاد]

نہ راستہ نہ کوئی ڈگر ہے یہاں
مگر سب کی قسمت سفر ہے یہاں
(مخمور سعیدی)

 

[فرذوق احمد]

نہ جانے کون سا آسیب دل میں بستا ہے
کہ جوبھی ٹھرا ،وہ آخر مکان چھوڑ گیا
پروین شاکر

 

[شمشاد]

آنکھیں مجھے تلوں سے وہ ملنے نہیں دیتے
ارمان میرے دل کا نکلنے نہیں دیتے
(اکبر الہ آبادی)

 

[فرذوق احمد]

سوری شمشاد بھائی مجھے آخری لفظ کی سمجھ نہیں آ رہی ہے

 

[شمشاد]

آخری حرف ‘ے یا ی ‘ ہے، اس میں کیا مشکل ہے فرذوق؟

 

[الف عین]

فرزوق (اور ماوراء بھی)، کسی بھی قسم کی بیت بازی میں اشعار یا گانے حرف سے دئے جاتے ہیں لفظ سے نہیں۔

یاد ہے اب تک تجھ سے بچھڑنے کی وہ اندھیری شام مجھے
تو خاموش کھڑا تھا لیکن باتیں کرتاتھا کاجل

 

[شمشاد]

بہت خوب شعر لکھا ہے اعجاز بھائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لائی حیات آئی قضا لے چلی چلے
نہ اپنی خوشی آئے نہ اپنی خوشی چلے
(ابراھیم ذوق)

 

[الف عین]

یہ کیا کہ روز ایک سا غم ایک سی امید
اس رنجِ بے خمار کی اب انتہا بھی ہو

یہ بھی ناصر کاظمی ہیں

 

[جیہ]

وہ فراق اور وہ وصال کہاں
وہ شب و روز و ماہ و سال کہاں
فرصتِ کاروبارِ شوق کسے
ذوقِ نظارہِ جمال کہاں
(غالب)
اگلا حرف “ن“

 

[الف عین]

ناصر آشوبِ زمانہ سے غافل نہ رہو
کچھ ہوتا ہے جب خلقِ خدا کچھ کہتی ہے

 

[شمشاد]

یہ مسائلِ تصوف، یہ تیرا بیان غالب
تجھے ہم ولی سمجھتے جو نہ بادہ خوار ہوتا

 

[جیہ]

ایک ہم ھیں کہ دیا اپنی بھی صورت کو بگاڑ
ایک وہ ہیں جنہیں تصویر بنا آتا ہے

 

[شمشاد]

آگے آتی تھی حالِ دل پہ ہنسی
اب کسی بات پر نہیں آتی
(مرزا غالب)

 

[فرذوق احمد]

یہ دستورِ زباں بندی ہے کیسا تیری محفل میں
یہاں تو بات کرنے کو ترستی ہے زباں میری

علامہ اقبال

 

[جیہ]

یاں تلک میری گرفتاری سے وہ خوش ہے کہ میں
زلف گار بن جاؤں تو شانے ہیں الجھا دے مجھے
(غالب)

 

[شمشاد]

یہ مساواتِ عشق دیکھ فراق
امتیاز گدا و شاہ نہیں
(فراق گورکھ پوری)

 

[الف عین]

نام کا میرے ہے جو دکھ کہ کسی کو نہ ملا
کام میں میرے ہے جو فتنہ کہ برپا نہ ہوا