نظر لکھنوی ملی نغمہ

[محمد تابش صدیقی]

آج کی مناسبت سے

 

[کاشفی]

آؤ بچوں سیر کرائیں تم کو پاکستان کی
​

 

[فرقان احمد]

محمد تابش صدیقی بھیا! زبردست! بھئی، بہت اعلیٰ! آپ اپنے دادا جی کا تعارف جب بھی کروائیں گے تو مجھے ٹیگ کرنا نہ بھولیے گا، پیشگی شکریہ!

 

[محمداحمد]

یومِ پاکستان کی مناسبت سے پیشِ خدمت ہے دادا مرحوم کا لکھا ہوا ایک ملی نغمہ

ملّی نغمہ

نظر نواز طرب آفریں جمیل و حسیں
خوشا اے مملکتِ پاک رشکِ خلدِ بریں
سلام تجھ کو کریں جھک کے مہر و ماہِ مبیں
تو دینِ مصطفویؐ کا ہے پاسبان و امیں
ترے وجود پہ نازاں ہیں آسمان و زمیں

ستارہ اوجِ مقدر کا زینتِ پرچم
ہلال تو ہے نویدِ خوشی لئے ہر دم
ہے سبز رنگ سے باغ و بہار کا عالم
سکونِ روح یہیں ہے قرارِ دل ہے یہیں
ترے وجود پہ نازاں ہیں آسمان و زمیں

بنائے پاک وطن لا الٰہ الّا اللہ
نگاہِ قوم پہ روشن ہے اس کی منزل و راہ
خدا گواہ فرشتے گواہ قوم گواہ
ترا ضمیر ہے زندہ دمک رہی ہے جبیں
ترے وجود پہ نازاں ہیں آسمان و زمیں

ترا پیام محبت خلوص امن و اماں
ترے نظامِ حکومت میں عدل روحِ رواں
تری نظر میں برابر ہیں شہری و دہقاں
ترا شعور ہے تنظیم و اتحاد و یقیں
ترے وجود پہ نازاں ہیں آسمان و زمیں

ترے سپوت جیالے سدا رہیں دل شاد
زمیں زماں ہیں یہ جب تک کہ تو رہے آباد
ترے عدو ترے بد خواہ سب رہیں برباد
جو تجھ سے برسرِ پیکار ہو ہو زیرِ نگیں
ترے وجود پہ نازاں ہیں آسمان و زمیں

محمد عبد الحمید صدیقی نظر لکھنوی​

واہ واہ !

خوبصورت کلام ہے۔ ماشاءاللہ۔

بہت شکریہ تابش بھائی !

 

[محمد تابش صدیقی]

محمد تابش صدیقی بھیا! زبردست! بھئی، بہت اعلیٰ! آپ اپنے دادا جی کا تعارف جب بھی کروائیں گے تو مجھے ٹیگ کرنا نہ بھولیے گا، پیشگی شکریہ!

بہت شکریہ فرقان بھائی پسند فرمانے کا.
ان کا تعارف لکھا ہوا ہے. بس کسی دن پوسٹ کرتا ہوں.

 

[محمد تابش صدیقی]

واہ واہ !

خوبصورت کلام ہے۔ ماشاءاللہ۔

بہت شکریہ تابش بھائی !

پسندیدگی پر ممنون ہوں.

 

[اَبُو مدین]

واہ واہ واہ بہت ہی عمدہ۔ ڈھیروں داد۔

 

[محمد تابش صدیقی]

 

[سید عمران]

کیا بات ہے، کیا بات ہے!!!