مقدر،قسمت،نصیب

[جاسمن]

عدمؔ روز اجل جب قسمتیں تقسیم ہوتی تھیں

مقدر کی جگہ میں ساغر و مینا اٹھا لایا
عبدالحمید عدم

 

[محمد تابش صدیقی]

تمہارے در کے سوا میں کسی جگہ نہ گیا
مجھے تو شوق نہیں قسمت آزمائی کا
نظرؔ لکھنوی

 

[محمد تابش صدیقی]

بہار آئی ہے گلشن میں، اسیرِ باغباں ہم ہیں
زباں رکھتے ہوئے بھی وائے قسمت، بے زباں ہم ہیں
نظرؔ لکھنوی

 

[محمد تابش صدیقی]

اے جادۂ الفت کے راہی اے خوبی قسمت کے مالک
تو فائزِ منزل ہو کہ نہ ہو ہر حال میں تو ناکام نہیں
نظرؔ لکھنوی

 

[محمد تابش صدیقی]

محرومی قسمت کا شکوہ با وصفِ خموشی چھپ نہ سکا
جو لفظ و بیاں میں ڈھل نہ سکا اشکوں میں وہ ڈھلتا جاتا ہے
نظرؔ لکھنوی

 

[محمد تابش صدیقی]

بیکار ہیں قسمت کے شکوے بیکار یہ رونا دھونا ہے
منظور ہے جو کچھ قدرت کو واللہ وہی کچھ ہونا ہے
نظرؔ لکھنوی

 

[محمد تابش صدیقی]

اعجازِ مقدر تیرا یہ اور شومئی قسمت اپنی یہ
میں چھو لوں تو سونا بھی مٹی تو چھو لے جو مٹی سونا ہے
نظرؔ لکھنوی

 

[محمد تابش صدیقی]

خوشا قسمت ہجومِ غم ہے لیکن
سکونِ دل مرا برہم نہیں ہے
نظرؔ لکھنوی

 

[محمد تابش صدیقی]

قسمت کو جگاتے ہیں اس سے آنکھوں سے لگاتے ہیں اس کو
خاکِ درِ جاناں کیا کہئے اکسیر اثر ہو جاتی ہے
نظرؔ لکھنوی

 

[محمد تابش صدیقی]

مجھے قسمت پہ پروانوں کی اکثر رشک آتا ہے
جو ہے مقسوم ان کا وہ مرا مقسوم ہو جائے
نظرؔ لکھنوی

 

[محمد تابش صدیقی]

اچھی قسمت عطائے فطرت ہے
کچھ بزور و بزر نہیں آتی
نظرؔ لکھنوی

 

[محمد تابش صدیقی]

کلکِ قدرت نے جو لکھا ہے وہ حرفِ آخر
منکشف بات یہ قسمت نہ بدلنے سے ہوئی
نظرؔ لکھنوی

 

[محمد تابش صدیقی]

روشنی پھر کہاں مقدر میں
بجھ گئی دل کی گر نظرؔ قندیل
نظرؔ لکھنوی

 

[محمد تابش صدیقی]

غموں سے دوچار مستقل ہے ہزار غم ہیں اور ایک دل ہے
غمِ محبت غمِ سفینہ غمِ مقدر غمِ زمانہ
نظرؔ لکھنوی

 

[محمد تابش صدیقی]

خوشا مقدر اگر ہو حاصل شہِ مدینہ تری زیارت
نہ ہو بھی ایسا تو فرق کیا ہے مجھے محبت ہے غائبانہ
نظرؔ لکھنوی

 

[محمد تابش صدیقی]

مری گردشیں ہیں ساری مرے اپنے ہی عمل سے
نہ نوشتۂ مقدر نہ نوشتۂ زمانہ
نظرؔ لکھنوی

 

[محمد تابش صدیقی]

تدبیر کام آئے نہ کام آئے کچھ خرد
کچھ بھی نہ کام آئے مقدر اگر پھرے
نظرؔ لکھنوی

 

[محمد تابش صدیقی]

مرا تو کام ہے پڑھنا میں لکھ نہیں سکتا
کہ میری لوحِ مقدر لکھی لکھائی ہے
نظرؔ لکھنوی

 

[محمد تابش صدیقی]

ہمدم مرے بدل دے یہ لکھا نصیب کا
ہے تیرے پاس دستِ دعا کون لے گیا
نظرؔ لکھنوی

 

[محمد تابش صدیقی]

وہ غم نصیب تھا دنیا میں مَیں کے مرنے پر
مری لحد سے جو گزرے وہ نوحہ خواں گزرے
نظرؔ لکھنوی