مصرع طرح اسلئے تصویر جاناں ہم نے بنوائی نہیں

[عمراعظم]

عجیب طرز کے شدت پسند ہیں ہم بھی
خوشی خوشی بیگم بھی گھر میں رکھتے ہیں

دل کے آئینے میں ہے تصویرِ یار
اِس لیئے تصویرِ جاناں ہم نے بنوائی نہیں

 

[سید شہزاد ناصر]

دوست اور دشمن کے مقام نہ بدل دیجیے گا کہیں

دوست اور دشمن کے مقامات تو سیاق و سباق کے لحاظ سے بدلے ہیں ورنہ شعر کچھ یوں ہے
دوست دار دشمن ہےاعتماد دل معلوم
آہ بے آثر دیکھی نالہ نارسا پایا

 

[سید شہزاد ناصر]

’’دردِ دِل کے واسطے پیدا کیاانسان کو‘‘
عورتوں کو دردِ دِل دینے کا ملکہ دے دیا​

خدا کی پناہ مار دیا ہنسا ہنسا کر
مت پوچھیں اس ہنسی کی بیگم کو کیا تاویلیں پیش کی ہیں
اور کس طرح یہ مراسلہ اس سے چھپایا ہے

 

[سید شہزاد ناصر]

دوست دارِ دشمن ہے! اعتمادِ دل معلوم
آہ بے اثر دیکھی، نالہ نارسا پایا

اسی وجہ میں محمد خلیل الرحمٰن کے مراسلے کے جواب میں لکھ چکا ہوں
اب آپ کو دشمن تو کہنے سے رہا

 

[حاتم راجپوت]

خاصہ مزاج کا ہے استغنا و فقر
ذرہ بھر بھی خود نمائی نہیں۔۔
اس لئےتصویر جاناں ہم نے بنوائی نہیں۔۔

 

[عظیم خواجہ]

یک بادشاہ نے چار آدمی طلب کئے ان میں سے ایک عالم تھا ، دوسرا عاشق تھا ، تیسرا نابینا تھا اور چوتھا غریب تھا ، بادشاہ نے ان چاروںسے کہا کہ میرے دماغ میں ایک مصرعہ آیا ہے تم لوگ اسکو مکمل کرو

، مصرعہ یہ ہے:

( اسلئے تصویر جاناں ہم نے بنوائی نہیں )

چاروں نے تھوڑا سوچ بچار کیا اور اپنے اپنے حساب سے شعر بنائے جو

کچھ یوں تھے ۔

عالم :

بت پرستی دین احمد میں کبھی آئی نہیں
اسلئے تصویر جاناں ہم نے بنوائی نہیں

عاشق :

ایک سے جب دو ہوئے پھر لطف یکتائی نہیں
اسلئے تصویر جاناں ہم نے بنوائی نہیں

نابینا :

ہم میں بینائی نہیں اور اس میں گویائی نہیں
اسلئے تصویر جاناں ہم نے بنوائی نہیں

غریب :

مانگتے پیسے مصور جیب میں پائی نہیں
اسلئے تصویر جاناں ہم نے بنوائی نہیں

اگر آپ کو اس شعر کو مکمل کرنے کا اختیار دیا جائے تو اس شعر کا

دوسرا مصرع کیا ہونا چاہیئے ؟؟؟ ۔ "

آنکھ ٹیڑھی، ناک چپٹی، کان تو تھا ہی نہیں
اس لیے تصویر جاناں ہم نے بنوائ نہیں

 

[Usama shams]

عکس اور ذو عکس میں جب حکم یکتائی نہیں۔
اس لیئے تصویر جاناں ہم نے بنوائی نہیں۔

 

[Usama shams]

آنکھ ٹیڑھی، ناک چپٹی، کان تو تھا ہی نہیں
اس لیے تصویر جاناں ہم نے بنوائ نہیں

کیا خوب لکھا ہے آپ نے۔

 

[اکمل زیدی]

نظروں کو تابِ رخِ زیبائی نہیں
اس لیے تصویر جاناں ہم نے بنوائ نہیں

 

[Usama shams]

نظروں کو تابِ رخِ زیبائی نہیں
اس لیے تصویر جاناں ہم نے بنوائ نہیں

ماشاء اللہ اکمل بھائی۔

 

[اقرارالدین خسرو]

خود نمائی اس کے اندر میں نے تو پائی نہیں
اسلیے تصویر جاناں ہم نے بنوائی نہیں
اس قدر پژمردہ و بدحال مجھ کو دیکھ کر
شرم آنی چاہیے تھی اس کو پر آئی نہیں
تیری یادوں سے نکلنے کی ہمیں فرصت کہاں
مہرباں مجھ پہ ہوئی کب شامِ تنہائی نہیں ۔۔
خسرو

 

[محمد سليم حقانى]

لوحِ دل پے نقش ہے احساسِ تنہائى نہیں
اس لئے تصویر جاناں ہم نے بنوائی نہیں