مصرع طرح اسلئے تصویر جاناں ہم نے بنوائی نہیں

یک بادشاہ نے چار آدمی طلب کئے ان میں سے ایک عالم تھا ، دوسرا عاشق تھا ، تیسرا نابینا تھا اور چوتھا غریب تھا ، بادشاہ نے ان چاروںسے کہا کہ میرے دماغ میں ایک مصرعہ آیا ہے تم لوگ اسکو مکمل کرو

، مصرعہ یہ ہے:

( اسلئے تصویر جاناں ہم نے بنوائی نہیں )

چاروں نے تھوڑا سوچ بچار کیا اور اپنے اپنے حساب سے شعر بنائے جو

کچھ یوں تھے ۔

عالم :

بت پرستی دین احمد میں کبھی آئی نہیں
اسلئے تصویر جاناں ہم نے بنوائی نہیں

عاشق :

ایک سے جب دو ہوئے پھر لطف یکتائی نہیں
اسلئے تصویر جاناں ہم نے بنوائی نہیں

نابینا :

ہم میں بینائی نہیں اور اس میں گویائی نہیں
اسلئے تصویر جاناں ہم نے بنوائی نہیں

غریب :

مانگتے پیسے مصور جیب میں پائی نہیں
اسلئے تصویر جاناں ہم نے بنوائی نہیں

اگر آپ کو اس شعر کو مکمل کرنے کا اختیار دیا جائے تو اس شعر کا

دوسرا مصرع کیا ہونا چاہیئے ؟؟؟ ۔ "

 

محفل میں بھی یاروں نے اسی مصرع پر طبع آزمائی کی تھی۔ تلاش کریں۔

 

درست فرمایا۔ یہاں ملاحظہ فرمائیں۔ یہ محفل فورم کے پہلے سال کی بات ہے۔

 

روحانی بابا ، محمد خلیل الرحمٰن !
بہت خوب ، سدا خوش رہیں

 

کاغذی پتلے میں وہ خوابوں سی رعنائی نہیں
اس لئے تصویر جاناں ہم نے بنوائی نہیں

 

یہ رہا وہ دھاگہ اعجاز بھائی

 

ہممممممممم تو یہ خطرناک جراثیم آپ کو بھی لگ گئے ہیں

 

ہاہاہا

ان جراثیم سے حفاظتی تدابیر لینے کی بہت کوشش کی مگر کامیابی حاصل نہ ہو سکی۔

 

ہاہاہاہاہاہاہا
ان جراثیم سے بچاؤ کی کوئی صورت ابھی تک دریافت ہی نہیں ہوئی

 

عشق سے طبیعت نے زیست کا مزا پایا
درد کی دوا پائی، دردِ بے دوا پایا

 

جی جی بقول ہماری بیگم کے

 

دشمن دار دوست ہے اعتمادَ دل معلوم
آہ بے اثر دیکھی نالہ نارسا پایا

 

دوست دارِ دشمن ہے! اعتمادِ دل معلوم
آہ بے اثر دیکھی، نالہ نارسا پایا

 

ارے نہیں سید شہزاد ناصر بھائی۔۔۔ بیگم کے ہوتے ہوئے آپ یہ کیسے کہہ سکتے ہیں؟؟؟