مسکراہٹ،قہقہہ،خوشی،تبسم

[سیما علی]

کیا ہنسی آتی ہے مجھ کو حضرت انسان پر
فعل بد خود ہی کریں لعنت کریں شیطان پر

انشاءؔ اللہ خاں

 

[سیما علی]

ہم سیہ کاروں کا ہنسنا وہ ہے میخانے کی اور
آگئے ہیں میرؔ مسجد میں چلے مستی کے بیچ

میر تقی میر

 

[سیما علی]

کبھی کبھی عرض غم کی خاطر ہم اک بہانا بھی چاہتے ہیں
جب آنسوؤں سے بھری ہوں آنکھیں تو مسکرانا بھی چاہتے ہیں

سلام ؔمچھلی شہری

 

[نیرنگ خیال]

اک دوجے ول تکیا ہس پئے
ٹوٹیا رباب تے میں

نیرنگ خیال

 

[گُلِ یاسمیں]

خوشی کے ساتھ اس دنیا میں ہزاروں غم بھی ہوتے ہیں
جہاں بجتی ہے شہنائی وہاں ماتم بھی ہوتے ہیں

 

[سیما علی]

کیا عجب وقت ہے بچھڑنے کا
دیکھ، رکتی نہیں ہنسی میری

عرفان ستار

 

[سیما علی]

کتابِ عشق میں بابِ اَنا نہیں کوئی
دلوں پہ زخم لبوں پر ہنسی کے قصّے ہیں

ضامن جعفری

 

[زوجہ اظہر]

خوشی کے ساتھ اس دنیا میں ہزاروں غم بھی ہوتے ہیں
جہاں بجتی ہے شہنائی وہاں ماتم بھی ہوتے ہیں

میرا جیون ساتھی بچھڑ گیا لو ختم کہانی ہو گئی
(دلیپ کمار اور گائیک طلعت محمود)

 

[زوجہ اظہر]

خودبخود بے ساختہ میں ہنس پڑا
اس نے اس درجہ رلایا دیر تک
منظربھوپالی

 

[سیما علی]

شاخ سے کٹ کر کسی کالر پہ گل سج جائے گا
وُہ کہ جو ہونٹوں پہ آئے گی ہنسی، رُک جائے گی

ماجد صدیقی

 

[زوجہ اظہر]

خودبخود بے ساختہ میں ہنس پڑا
اس نے اس درجہ رلایا دیر تک
منظربھوپالی

اسی غزل کا پہلا شعر ہے

وہ رلا کر ہنس نہ پایا دیر تک
پھر میں رو کے مسکرایا دیر تک

 

[سیما علی]

اب تک ہے یاد دے کر دل ان کو دل لگی میں
رونا پڑا تھا برسوں مجھ کو ہنسی ہنسی میں

اُستاد قمر جلالوی

 

[سیما علی]

ماتم سے مرے وہ دل میں خوش ہیں
منہ پر نہیں نام بھی ہنسی کا!!!!!!!!

داغ دہلوی

 

[سیما علی]

ہماری میت پہ تم جو آنا تو چار آنسو گرا کے جانا
ذرا رہے پاس آبرو بھی کہیں ہماری ہنسی نہ کرنا

داغ دہلوی

 

[سیما علی]

قمقموں کی آنکھیں تھیں جھلملاتی کاروں میں
قہقہے تھے پیڑوں پر اک ہنسی سڑک پر تھی

منصور آفاقی

 

[سیما علی]

جو کچھ سوجھتی ہے نئی سوجھتی ہے
میں روتا ہوں، اس کو ہنسی سوجھتی ہے

امیر مینائی

 

[سیما علی]

جب جنوں پر سراب ہنستا ہے
خود بھی خانہ خراب ہنستا ہے

راحیل فاروق

 

[زوجہ اظہر]

ان آبلوں سے پاوں کے گھبرا گیا تھا میں
جی خوش ہوا ہے راہ کو پر خار دیکھ کر
غالب

 

[سیما علی]

آگے آتی تھی حال دل پہ ہنسی
اب کسی بات پر نہیں آتی

جنابِ غالب

 

[سیما علی]

اسدؔ خوشی سے مرے ہاتھ پانو پھول گئے
کہا جو اس نے، ذرا میرے پانو داب تو دے