مخدوم محی الدین ::::

[طارق شاہ]

غزل​

مخدوم محی الدین ​

​

دِلوں کی تشنگی جتنی، دِلوں کا غم جتنا ​

اُسی قدر ہے زمانے میں حُسن یار کی بات ​

​

جہاں بھی بیٹھے ہیں، جس جا بھی رات مے پی ہے ​

اُنہی کی آنکھوں کے قصّے، اُنہی کے پیار کی بات ​

​

چمن کی آنکھ بھرآئی، کلی کا دل دھڑکا !​

لبوں پہ آئی ہے جب بھی کسی قرار کی بات ​

​

یہ زرد زرد اُجالے، یہ رات رات کا درد ​

یہی تو رہ گئی اب جانِ بے قرار کی بات ​

​

تمام عمر چلی ہے، تمام عمر چلے ​

الہیٰ ختم نہ ہو یارِ غمگسار کی بات ​

​

مخدوم محی الدین​

​