مختلف کتابوں سے پسندیدہ اقتباس

ناعمہ عزیز نے 'مطالعہ کتب' کی ذیل میں اس موضوع کا آغاز کیا، ‏اپریل 27, 2012

  1. ناعمہ عزیز

    ناعمہ عزیز لائبریرین

    مراسلے:
    23,245
    جھنڈا:
    Pakistan
    موڈ:
    Where
    اب کسی نئے عقیدے کی ضرورت نہیں بلکہ تقلید کی ہے، صرف تقلید یعنی پریکٹس۔۔۔۔۔۔اس ایک،آخری اور مکمل دین کی جسے پیغمبرِ اسلام حضرت محمد مصطفیٰ ﷺ پہ ختم کر دیا گیا۔اب ہر وہ شخص خسارے میں رہے گا، جو دین کی رسی کو مضبوطی سے تھامنے کی بجائے تفرقے کی راہ اختیار کرے گا۔اگرہماری اعلیٰ تعلیم اور ہمارا شعور ہمیں دین کے بارے میں صحیح اور غلط کی تمیز نہیں دے سکتے تو پھر ہم میں اور اس جانور میں کوئی فرق نہیں، جو سبز تازہ گھاس کے ایک گھٹے کے پیچھے کہیں بھی جا سکتا ہے اس بات کی پروا کئے بغیر کہ اسکا ریوڑ کہاں ہے

    " عمیرہ احمد کے ناول پیرِ کامل ﷺ سے اقتباس
     
    • پسندیدہ پسندیدہ × 1
    • متفق متفق × 1
  2. ناعمہ عزیز

    ناعمہ عزیز لائبریرین

    مراسلے:
    23,245
    جھنڈا:
    Pakistan
    موڈ:
    Where
    اس نے آنکھوں میں بے حد حیرت اور بے یقینی لئے اپنے سامنے کھڑے آدمی کی بھوری رنگت میں موجود سرد مہری کو دیکھا،اس کے چہرے، گردن، بازو، ہاتھ، پاؤں، غرض جسم کے ہر حصے کو اوپر سے نیچے تک بے یقینی سے دیکھا۔ وہ شاید یقین کرنا چاہ رہی تھی کہ "وہ" اس کے سامنے موجود کھڑا ہے۔
    اسے بھلا کیسے یقین آ سکتا تھا? یہ وہ شخص تھا جس کی "فاتحہ" اس نے کئی برس پہلے پڑھ لی تھی،پھر بھلا وہ کیسے واپس آ سکتا تھا?
    عیسیٰ علیہ السلام واپس آ سکتے ہیں، اس پر یقین آ سکتا تھا، مگر یہ شخص واپس آسکتا ہے، یقین نہیں آسکتا تھا کیونکہ وہ تو کئی برس پہلے صلیب پر چڑھ چکا تھا۔

    (سانس ساکن تھی)
     
    • پسندیدہ پسندیدہ × 1
  3. ناعمہ عزیز

    ناعمہ عزیز لائبریرین

    مراسلے:
    23,245
    جھنڈا:
    Pakistan
    موڈ:
    Where
    ‎"کسی زمانے میں غلط کے سامنے ڈٹ جانے والوں کے نام تاریخ میں درج هوتے تھے-اب غلط اور درست کے پورٹ فولیو آپس میں بدل گئے هیں-
    اب غلط په هاتھ ڈالنے والے عبرت کا نشان بن جاتے هیں...!!!"

    *از چراغ_آخر_شب*
     
    • متفق متفق × 2
  4. ناعمہ عزیز

    ناعمہ عزیز لائبریرین

    مراسلے:
    23,245
    جھنڈا:
    Pakistan
    موڈ:
    Where
    ‎"بابا ! یہ میری بٹر فلائی مر گئی۔" فاطمہ آنکھوں میں موٹے موٹے آنسو لئے بھاگتے ہوئے آئی ۔ وہ اپنا ہاتھ کھول کر مری ہوئی تتلی باپ کو دکھا رہی تھی۔ اس کے پیچے سنی بھی بھاگتا ہوا آیا تھا۔ اس کا سانس بے ربط تھا۔
    " انکل میں نے اسے منع کیا تھا کہ اسے زور سے مت پکڑو، لیکن یہ کہتی تھی کہ میں اسے پیار کر رہی ہوں۔ اس نے زور سے پکڑا اور بٹر فلائی مر گئی۔" سنی نے جلدی جلدی وضاحت کی۔
    "بابا پیار کرنے سے بھی کوئی مرتا ہے کیا؟" فاطمہ کی آنکھوں سے ٹپ ٹپ آنسو گر رہے تھے۔ارفع نے بےساختہ ہی اسے اپنے ساتھ لگایا تھا۔ ارفع کے ساتھ لگانے پر وہ ہچکیاں لے لے کر رونے لگی۔

    (صائمہ اکرم چوہدری کے ناول ’’ابن آدم‘‘سے اقتباس)
     
    • زبردست زبردست × 1
  5. ناعمہ عزیز

    ناعمہ عزیز لائبریرین

    مراسلے:
    23,245
    جھنڈا:
    Pakistan
    موڈ:
    Where
    ڈاکٹر سرور لیکچر شروع کر چکے تھے۔ پوری ہال کھچاکھچ بھرا تھا۔۔ دور دور تک پنک اسکارف میں ڈھکے سر دکھائی دے رہے تھے۔ وہ چونک کر ڈاکٹر سرور کی طرف متوجہ ہوئی جو روسٹروم پہ کھڑے تھے۔ سر پر جناح کیپ ، سفید داڑھی، شلوار قمیص اور واسکٹ میں ملبوس وہ خاصے منجھے ہوئےاسکالر تھے۔ اپنی سوچوں کو جھٹک کر کر وہ بغور لیکچر سننے لگی۔

    """ بعض لوگ قرآن پڑھ کر بھٹکتے ہیں، واقعی ایسا ہوتا ہے "" وہ اپنے مخصوص انداز میں کہہ رہے تھے۔ "" اس لیے بہتر ہے کہ قرآن کسی اچھے غیر معتصب عالم سے زندگی میں ایک دفعہ ضرور پڑھ لینا چاہئیے مگر اسکا مطلب یہ نہیں ہے کہ کسی کا "" دامن "" پکڑنا ضروری ہے۔ نہیں بلکہ کسی غیر معتصب تفسیر کو پڑھ کر بھی کسی حد تک قرآن مجید کی سمجھ بوجھ پیدا کی جاسکتی ہے۔ قرآن پڑھ کر ہم ہر آیت کے اپنے حالات کے مطابق کئی مطالب نکال لیں، وہ مطلب نکالنا غلط نہیں ہے ، مگر ظاہر کو باطن سے تشبیہ دینا قطعا غلط ہے۔

    مثلا بنی اسرائیل کو گائے ذبح کرنے کا جو حکم اللہ تعالی نے موسیؑ کے ذریعے دیا ، وہ ہم سب جانتے ہیں ۔ اس واقعہ سے یہ سبق تو نکال سکتے ہیں کثرت سوال سے حکم مشتبہ ہو جاتے ہیں۔ مگر اس سے یہ مطلب ہرگز نہیں نکلتا وہاں گائے سے مراد ایک "" صحابیہ ہیں ، نعوذ باللہ بعض لوگوں نے واقعتا یہاں "" گائے "" سے مراد ایک صحابیہ کو لیا ہے۔

    ایک اور مثال سورہ حجر کی آخری آیات میں ہے کہ "" اپنے رب کی عبادت کرو، یہاں تک کہ تمہارے پاس یقین آجائے ""

    اب یہاں "" یقین "" سے مراد "" موت "" ہے یعنی موت آنے تک عبادت کرت رہو مگر بعض لوگ یہاں "" یقین "" سے مراد "" beLiFe "" لے کر، اپنی عبادت کو کاٖی سمجھ کر بس کر دیتے ہیں کہ جی، ہمیں اپنی عبادت پہ یقین آگیا ہے تو سب عبادتیں بس ختم ۔۔!!

    سورہ حجر کہاں تھی بھلا؟؟ اس نے آہستہ سے اپنا چھوٹا قرآن کھولا اور صفحے پلٹنے لگی۔ سورہ حجر ملی تو اس نے آخری آیات کھولیں۔ آیت وہی تھی جو وہ کہہ رہے تھے۔ مگر آخری تن الفاظ عربی میں "" حتی یاتی الیقیں "" تھے ( حتی کی یقین آجائے )

    "" یقین "" ؟؟ اس نے "" الیقین "" پہ انگلی پھیری پھر الجھ کر ڈاکٹر سرور کو دیکھا۔ وہ کہہ رہے تھے۔ یہاں پہ یقین سے مراد یقین نہین بلکہ موت ہے۔ سو اس طرح کے الفاظ کا من چاہا مطلب نکالنا انسان کو بھٹکا سکتا ہے۔ کوئی سوال ؟؟ انہوں نے رک کر ایک گہری نظر ہال پر ڈالی۔

    محمل نے ہاتھ فضا میں بلند کیا۔

    یس۔۔؟؟

    "" سر ! مجھے ایک بات سمجھ نہیں آئی۔ میرے پاس بغیر ترجمے والا مصحف ہے۔ اس میں مذکورہ آیت میں ""یقین " کا لفظ استعمال ہوا ہے۔ سو اسکا مطلب "" موت "" کیسے ہوا ؟؟ دونوں الفاظ میں خاصا فرق ہے ""'
    "" اس کا مطلب موت ایسے ہے کہ ۔ "" وہ ذرا دیر کو رکے، اور بغور اسے دیکھا "" میں نے س کا مطلب موت نکالا ہے ""

    جی سر، میرا سوال یہی ہے کہ کیسے ؟؟ اس کی دلیل کیا ہے؟؟؟

    "" دلیل یہ ہے کہ میں نے "" یعنی ڈاکٹر سرور مرزا نے اس کا مطلب موت لیا ہے۔ میں اس ملک کا سب سے بڑا اسلامک اسکالر ہوں۔ آپ میرے کریڈنشلز اٹھا کر دیکھیں، میری ڈگریز دیکھیں، کیا میری بات بطور ایک ٹھوس دلیل کے کافی نہیں؟؟؟

    "" سر ! آپ کی بات یقینا اہم ہے ، مگر قرآن کا بعض اس کے بعض کی تفسیر کرتا ہے، حدیث بھی یہ کرتی ہے۔ کیا قرآن یا حدیث میں کہیں یہ ذکر ہے کہ یہاں " یقین " سے مراد موت ہے؟؟ وہ بہت شائستگی ولحاظ سے موؤدب سی پوچھ رہی تھی۔ ڈاکٹر سرور کے چہرے پر واضح ناگواری ابھری۔

    "" یعنی کہ اگر میں آپ کو اس مطلب کی دلیل نہ دوں تو اسے محض میری بات سمجھ کر جھٹلا دیں گی؟؟

    یعنی آپ کو میری بات کے اوپر مزید کوئی دلیل چاہیئے۔۔ ؟؟

    جی ۔۔!! اس نے ہولے سے سر ہلا دیا۔

    پورے ہال میں اضطراب کی ایک لہر دوڑ گیئ۔ لڑکیاں قدرے پریشان ہو کر ایک دوسرے کو دیکھنے لگیں۔

    یعنی آپ ایک دینی اسکالر کو چیلنج کر رہی ہیں ؟؟

    "" سر۔۔!! میں بہت ادب سے صرف ایک دلیل مانگ رہی ہوں۔ ""

    """ اگر اس کی دلیل قرآن وحدیث میں نہ ہو تو کیا آپ تسلیم کریں گی۔۔۔۔؟؟؟

    "" نہیں "" ، سر کبھی نہیں۔۔۔۔

    " ہوں۔ ڈاکٹر سرور نے گہری سانس لیکر ہال پہ ایک نظر دوڑائی "" کیا کوئی اور بھی ہے جو اپنی عمر سے زیادہ طویل تجربے کے حامل ایک اسکالر کو چیلنج کرئے ؟؟؟
    کسی اور کو بھی دلیل چاہیئے؟؟

    بہت سے سر نفی میں ہل گئے۔ وہ اکیلی کھڑی تھی۔

    "" یعنی تین سو لڑکیوں میں سے ایک لڑکی کو دلیل چاہیئے ؟؟؟ یہی پڑھا رہے ہیں آپ لوگ اس مسجد میں؟؟

    کون ہیں آپ کی کلاس انچارج ؟؟ ""

    میڈم مصباح کھڑی ہوئیں۔

    "" کیا آپ اس ناکام کلاس رپورٹ کی زمہ داری لیتی ہیں ؟؟ ون آ ف تھری آؤٹ آف تھری ہنڈرڈ کی ؟؟ ) 0ne out of three hundred )

    "" جی سر ! "" میڈم مصباح کا سر قدرے جھک گیا۔

    داکٹر سرور نے محمل کو دیکھا۔

    "" کیا آپ کو ابھی بھی دلیل چاہیئے ؟؟؟ ""

    " جی سر۔۔!! """

    وہ کچھ دیر خاموشی سے اسکا چہرہ دیکھتے رہے، پھر ہلکے سے مسکرائے۔

    "" سورہ المدثر ؛ آیت 43-47 میں یقین کا لفط موت کے لیے استعمال ہوا ہے۔

    وہاں سے ہم دلیل لیتے ہیں کہ یہاں بھی یقین سے مراد موت ہی ہے۔ مجھے خوشی ہے کہ آپ نے مرعوب ہوئے بغیر ادب کے دائرے میں رہ کر مجھ سے دلیل مانگی، اور افسوس ہے کہ صرف ایک بچی نے یہ جرات کی۔ باقی سب خاموش رہین۔ دو سو ننانوے لرکیون میں یقینا ابھی یہ کمی موجود ہے ۔

    کیا کوئی شخص ڈگریوں کا پلندہ لیکر آپ کے سامنے آئے ، خود کو سب سے بڑا مذہبی اسکالر بتائے۔ تو آپ اسکی بات کو بطور دلیل مان لیں گے ،کیا آپ کو پہلے دن ہی نہیں بتایا گیا تھا کہ دلیل صرف قرآن مجید یا حدیث ہوتی ہے ؟؟؟

    کسی عالم کی بات دلیل نہیں ہوتی ، پھر ۔۔۔ ؟؟؟
    بہت سے گلابی اسکارف میں لپٹے سر جھک گئے۔ محمل سرخرو اپنی نشست پر بیٹھی۔۔۔۔

    اقتباس ؛ مصحف
    تحریر ؛ نمرہ احمد
     
    • زبردست زبردست × 2
  6. ناعمہ عزیز

    ناعمہ عزیز لائبریرین

    مراسلے:
    23,245
    جھنڈا:
    Pakistan
    موڈ:
    Where
    میں نے ندی کنارے لڑکیوں کو پانی بھرتے دیکھا اور میں دیر تک کھڑا ان کو دیکھتا رہا اور سوچتا رہا کہ پانی بھرنے کے لیے جھکنا پڑتا ہے اور رکوع میں جائے بغیر پانی نہیں بھرا جا سکتا ۔ ہر شخص کو رکوع میں جانے کا فن اچھی طرح سے آنا چاہیے تا کہ وہ زندگی کی ندی سے پانی بھر سکے ، اور سَیر ہو سکے ۔ ۔ ۔ ۔ ۔ ۔لیکن افسوس کی بات ہے کہ انسان جھکنے اور خم کھانے کا آرٹ آہستہ آہستہ بھول رہا ہے اور اس کی زبردست طاقتور انا اس کو یہ کام نہیں کرنے دیتی ۔ یہی وجہ ہے کہ ساری دعائیں اور ساری عبادت اکارت جا رہی ہے اور انسان اکھڑا اکھڑا سا ہو گیا ہے ۔ ​
    اصل میں زندگی ایک کشمکش اور جدوجہد بن کر رہ گئی ہے ۔ اور اس میں وہ مٹھاس ، وہ ٹھنڈک اور شیرینی باقی نہیں رہی جو حسن اور توازن اور ہارمنی کی جان تھی ۔ اس وقت زندگی سے جھکنے اور رکوع کرنے کا پر اسرار راز رخصت ہو چکا ہے ۔ اور اس کی جگہ محض جدوجہد باقی رہ گئی ہے ۔ ایک کشمکش اور مسلسل تگ و تاز ۔ ​
    لیکن ایک بات یاد رہے کہ یہ جھکنے اور رکوع میں جانے کا آرٹ بلا ارادہ ہو ورنہ یہ بھی تصنع اور ریاکاری بن جائے گا ۔ اور یہ جھکنا بھی انا کی ایک شان کہلائے گا ۔​
    اشفاق احمد بابا صاحبا صفحہ 558​
     
    • زبردست زبردست × 2
    • پسندیدہ پسندیدہ × 1
  7. محمد علم اللہ

    محمد علم اللہ محفلین

    مراسلے:
    5,832
    جھنڈا:
    India
    موڈ:
    Daring
  8. گلزار خان

    گلزار خان محفلین

    مراسلے:
    806
    جھنڈا:
    Pakistan
    موڈ:
    Dunce
    سبحان اللّه
     
    • دوستانہ دوستانہ × 1
  9. طارق راحیل

    طارق راحیل محفلین

    مراسلے:
    454
    جھنڈا:
    Pakistan
    موڈ:
    Angelic
    ماشاء اللہ۔۔۔۔۔۔۔۔۔۔۔۔۔۔۔۔۔۔۔۔۔۔
     
  10. خالد محمود چوہدری

    خالد محمود چوہدری محفلین

    مراسلے:
    12,735
    جھنڈا:
    Pakistan
    موڈ:
    Festive
    سِر سلامت جتیاں بہت
     
    • متفق متفق × 1
  11. خالد محمود چوہدری

    خالد محمود چوہدری محفلین

    مراسلے:
    12,735
    جھنڈا:
    Pakistan
    موڈ:
    Festive
    کوئی شاباش ۔ زبردست پسندہدہ ۔متفق نہیں ۔میری اوقات ہی نہیں ہے کہ ان لازوال تحریروں پر کمنٹ دے سکوں صرف کچھ آنسوں ہیں اور اپنے چہرے پر لگنے والے زناٹے دار تھپڑوں کا احساس
     
    • پسندیدہ پسندیدہ × 1
  12. کامران سعید

    کامران سعید محفلین

    مراسلے:
    1
    بہت ہی عمدہ اقتباسات ہیں۔
    پیا رنگ کالا کے مزید اقتباسات چاہییں
     
  13. مودود احمد

    مودود احمد محفلین

    مراسلے:
    8
    جھنڈا:
    India
    موڈ:
    Cool
    لاجواب
     
  14. گلزار خان

    گلزار خان محفلین

    مراسلے:
    806
    جھنڈا:
    Pakistan
    موڈ:
    Dunce
    تعارف کروادیں اپنا
     
  15. مودود احمد

    مودود احمد محفلین

    مراسلے:
    8
    جھنڈا:
    India
    موڈ:
    Cool
    تعارف کیا کرائیں محترم بندہ سرزمین ہندوستان شہر ناگپور سے تعلق رکھتا ہے
     
    • دوستانہ دوستانہ × 1
  16. محمد خلیل الرحمٰن

    محمد خلیل الرحمٰن مدیر

    مراسلے:
    9,833
    جھنڈا:
    Pakistan
    موڈ:
    Festive
    اردو محفل میں خوش آمدید جناب
     
  17. مودود احمد

    مودود احمد محفلین

    مراسلے:
    8
    جھنڈا:
    India
    موڈ:
    Cool
    جزاک اللہ محترم جناب خلیل الرحمٰن صاحب
     
    • دوستانہ دوستانہ × 1
  18. مودود احمد

    مودود احمد محفلین

    مراسلے:
    8
    جھنڈا:
    India
    موڈ:
    Cool
    (ایک دلچسپ مشاہدہ)

    مہنگے مشاعرے . قیمتی نعت خوانی اور اونچے لفافے اس بات کا زندہ ثبوت ہیں کہ قوم میں ترنم و تبسم کی مانگ بہت ہے. جس قوم میں تحقیق. تشریح. تنقید.اور تجدید ختم ہوجاتی ہے اس قوم کے افراد تفریح زیادہ کرتے ہیں اور تعلیم میں تفوق و برتری اپنانے کے بجائے تبسم پر فدا رہتے ہیں اور ترنم پر رقص کرتے ہیں.
    جس زمانے میں یورپ اور امریکہ والے جدید ٹکنالوجی پر ریسرچ کر رہے تھے اس زمانے میں لکھنو کے نواب اس بات پر مقابلہ آرائی کر رہے تھے کہ کباب تیتر کا زیادہ لذیذ ہوتا ہے یا بٹیر کا.بعد میں ان نواب صاحبان ہی کا کبا ب بن گیا۔
    نامعلوم اقتباس
     
    • غمناک غمناک × 1
  19. مودود احمد

    مودود احمد محفلین

    مراسلے:
    8
    جھنڈا:
    India
    موڈ:
    Cool
    تقدیر و تدبیر میں فرق

    تقدیر و تدبیر کے فرق کو بتاتے ہوے عموماً اس شعر(1) کو ضرور دہراتے، فرماتے تھے کہ خلیفہ بنانے کا فیصلہ تو بڑے صاحب نے پہلے ہی کرلیا تھا؛ لیکن فیصلے کا ظہور اس شکل میں ہوا کہ آدم سے غلطی صادر ہوئی اور زمین پر جانے کا حکم دیا گیا، کہتے ہیں کہ خلافت کا فیصلہ یہی تقدیر کی مثال ہے، اور جس شکل میں اس فیصلے کا ظہور ہوا، اسی کو تدبیر کہتے ہیں۔

    (1)_ شعر یہ ہے:
    مصلحت نیست کہ از پردہ دروں افتد راز
    ورنہ در مجلسِ رنداں خبرے نیست کہ نیست

    مصلحت ہی نہیں ہے کہ راز پردے سے باہر آئے ، ورنہ کوئی راز کوئی خبر ایسی نہیں ہے کہ جو رندوں کی مجلس میں نہیں ہے

    مناظر احسن گیلانی کی کتاب سے اقتباس
     
    آخری تدوین: ‏اپریل 2, 2020
    • پسندیدہ پسندیدہ × 1
  20. مودود احمد

    مودود احمد محفلین

    مراسلے:
    8
    جھنڈا:
    India
    موڈ:
    Cool
    انسان،کسی دوسرے...
    کے لیے کچھ نہیں کر...
    سکتا سوائے اسکا حوصلہ
    بڑھانے کے میں نے جتنے..
    لوگوں کو ٹوٹتے دیکھا ،..

    فقط اس لیے کہ رشتوں...
    اور دوستوں کے ہجوم..
    میں کسی نے ان کو یہ نہ
    کہا کہ حوصلہ کر یارا...
    اللہ کرم کرے گا
    ! یقیں..
    کریں بہت طاقت ھے...
    اس اک جملے میں ۔۔۔
     
    • پسندیدہ پسندیدہ × 1

اس صفحے کی تشہیر