محفل متراں دی

[سید شہزاد ناصر]

سہرا

ذِمّے داریاں دی ایہہ گٹھڑی سہرا ای برخوردارا
جیوں جیوں بِھجدا جا سی کمبل ہُندا جانائیں بھارا

اج توں کنّاں سوہناں لگنائیں ، کنّاں لگنائیں پیارا
ویلا ، تِیر ، جوانی جا کے مڑدے نئیں دوبارہ

سہرے والیا ، گھڑسوارا، چوتھی گُٹھ دیا راہیا
چودھویں رات دے چنّاں ، ماہیا، واگاں کھِچ سپاہیا

بہتر سی کجُھ ہور دیہاڑے رکھدوں سانبھ جوانی
بہتر سی کجھ ہور دیہاڑے نہ کردوں نادانی
بابا عبیر ابوذری​

 

[سید شہزاد ناصر]

 

[سید شہزاد ناصر]

ماتھے بندیا آن سجاؤ مانگ بھرو سیندور
جھولا آن جھلاؤ متوا، امبوا لاگا بور
​

 

[سید شہزاد ناصر]

ملٌاں قاضی ڈھڈوں کھوٹے
وڈھی کھا کھا ہو گئے موٹے
سچ آکھاں تے مارن سوٹے
مگروں دیندے فتوے لا
اللہ میاں تھلے آ ۔۔۔۔۔۔۔۔!

دیس دے ویہڑے ہو گئے سوڑے
جابر پھردے ہو ہو چوڑے
پنڈت ملاں بولن کوڑے
تو کیوں ہو گیا لاپرواہ ؟
اللہ میاں تھلے آ ۔۔۔۔۔۔۔۔!

ویکھ شیعے تے وہابی لڑ پئے
سنُی ڈانگاں لے کے چڑھ پئے
اک دوجے نوں قتل کریندے
آکھن ساڈا اک خدا
اللہ میاں تھلے آ ۔۔۔۔۔۔۔۔!

لکھاں ہتھ کرن مزدوری
چند کھاندے نیں گھیو تے چوری
رزق حلال نہ پیندی پوری
اوکھے ہو گئے لینے ساہ
اللہ میاں تھلے آ ۔۔۔۔۔۔۔۔!

ماڑے دی دھی کڈھ نچاندے
خلق نوں اس دا ننگ وکھاندے
گھر وچ دھی اے ، خوف نہ کھاندے
مول نہ کردے شرم حیاء
اللہ میاں تھلے آ ۔۔۔۔۔۔۔۔!

دھی کمی دی سوہنی ہووے
ووہٹی جے من موہنی ہووے
اوہدے لئی تے ہونی ہووے
تگڑے لیندے چک چکا
اللہ میاں تھلے آ ۔۔۔۔۔۔۔۔!

دھی ماڑے دی مار سٹی نیں
عزت لٹ ، وچ غار سٹی نیں
روندی تے کرلاندی رہ گئی
کول کھلوتے رہے بھرا
اللہ میاں تھلے آ ۔۔۔۔۔۔۔۔!

نیک محمد کدھر جاوے
روٹی رزق حلال کماوے
تیرا حکم تے طیب روزی
بن گیا اوہدے گل دا پھاہ
اللہ میاں تھلے آ ۔۔۔۔۔۔۔۔!

سائیں اختر لہوری
​

 

[سید شہزاد ناصر]

نی ملیا یار قہر وچ بھریا اوئے
اتے نیناں چڑھی خماری
کالے روپ تیار ڈنگن نوں
اوہدے ہتّھ وچ حسن کٹاری

لائی بے قدراں نال یاری
تے ٹٹّ گئی تڑک کرکے

ہو بلّے بلّے

بچپن گیا جوانی آئی------کھڑیاں نے گلزاراں
بئے گلاں سوہے رنگ وٹائے------ٹہکن عجب بہاراں
بئے پینگ ماہی دی جھوٹن آئیاں------مست الہّڑ مٹیاراں
وارو واری پینگ جھوٹھیون------کر کر ناز ہزاراں
جدوں آئی تتڑی دی واری
تے ٹٹّ گئی تڑک کرکے

ہو بلّے بلّے

لائی بے قدراں نال یاری
تے ٹٹّ گئی تڑک کرکے

ہو بلّے بلّے

جدوں سیو مست جوانی ------ہوش چ آون لگی
او جاگے بھاگ ماہی گھر آیا ------شگن مناون لگی
بھرکے پیگ دتا دلبر نوں ------خوشی مناون لگی
بلہاں نال لگی جد پیالی ہائے
تے ٹٹّ گئی تڑک کرکے

ہو بلّے بلّے

لائی بے قدراں نال یاری
تے ٹٹّ گئی تڑک کرکے

ہو بلّے بلّے

چیتر چت اچانک ماہی ------ویہڑے آن کھلویا
میں چن چن پھل امیداں والے------سوہنا ہار پرویا
چائیں چائیں چک کے ہار نوں ------نال گلے دے چھویا
بھیڑی نکلی ڈور نکاری ہائے
تے ٹٹّ گئی تڑک کرکے

ہو بلّے بلّے

لائی بے قدراں نال یاری
تے ٹٹّ گئی تڑک کرکے

ہو بلّے بلّے​

 

[سید شہزاد ناصر]

محمود احمد غزنوی کتھے او جناب
بڑی رونق لگی اے ایتھے ذرا ویکھو تے

 

[لئیق احمد]

ایتھے تے پنجابی سجناں نے کم چک کے رکھیا اے۔

سرگوشی

غلط پنجابی املاء کی معذرت جہالت کی بنیاد پر قبول کی جائے

 

[فاروق احمد بھٹی]

محمود احمد غزنوی کتھے او جناب
بڑی رونق لگی اے ایتھے ذرا ویکھو تے

ہور سبھناں پنجابیاں پہناں تے پراواں نوں وی سادا لایا جاوے میرے بنتی تے

 

[فاروق احمد بھٹی]

ایتھے تے پنجابی سجناں نے کم چک کے رکھیا اے۔

سرگوشی

undefined

تسی وی تھوڑا حصہ پاؤ تے باقی املا دے رولے درست کرن لئی رل مل کوشش کراں گے ویسے وی گپ شپ لئی لڑی شروع کیتی اے۔ ہور سناؤ کی حال چال اے تواڈا

 

[لئیق احمد]

تسی وی تھوڑا حصہ پاؤ تے باقی املا دے رولے درست کرن لئی رل مل کوشش کراں گے ویسے وی گپ شپ لئی لڑی شروع کیتی اے۔ ہور سناؤ کی حال چال اے تواڈا

حال تے اللہ دا کرم اے تہ چال تے تسی چلدیا ویکھو گے فیر ای جان سکو گے۔
کدی پنجابی دی املاء ول دھیان ای نئیں کیتا۔ سچی گل ایہ کہ بولن اچ پنجابی تو لکھن اچ اردو ول دھیان رکھیا اے۔

 

[فاروق احمد بھٹی]

حال تے اللہ دا کرم اے تہ چال تے تسی چلدیا ویکھو گے فیر ای جان سکو گے۔
کدی پنجابی دی املاء ول دھیان ای نئیں کیتا۔ سچی گل ایہ کہ بولن اچ پنجابی تو لکھن اچ اردو ول دھیان رکھیا اے۔

مولا سدا کرم رکھے تواڈے تے اپنا تے رہی گل پنجابی دی تے
ساڈا اپنا وی کج ایہو ای حال اے ۔ تے چال تے تسی گلاں گلاں چ وی چل کے وکھا سکدے او

 

[لئیق احمد]

ویکھو جی گوگل نے ساڈے نال کی کیتا!!
ترجمہ گرمکھی وچ دس رہیا اے تے شاہ مکھی ہے ای نہیں حالاں کہ ساڈا پنجاب وڈا اے
https://translate.google.com.kw/?hl=en#auto/pa/thanks a lot

 

[فاروق احمد بھٹی]

ویکھو جی گوگل نے ساڈے نال کی کیتا!!
ترجمہ گرمکھی وچ دس رہیا اے تے شاہ مکھی ہے ای نہیں حالاں کہ ساڈا پنجاب وڈا اے

میرا خیال کہ ایدے وچ ساڈا اپنا وی قصور اے ساڈے پنجاب وچ پنجابی لئی اینا کم نئیں ہویا جنا کہ ہونڑا چاہی دا سی

 

[لئیق احمد]

میرا خیال کہ ایدے وچ ساڈا اپنا وی قصور اے ساڈے پنجاب وچ پنجابی لئی اینا کم نئیں ہویا جنا کہ ہونڑا چاہی دا سی

سرگوشی

بات تو سچ ہے مگر بات ہے رسوائی کی

 

[فاروق احمد بھٹی]

سرگوشی

بات تو سچ ہے مگر بات ہے رسوائی کی

مطلب پجی باں گلے نوں آوندی اے

 

[لئیق احمد]

مطلب پجی باں گلے نوں آوندی اے

مینہوں ایس کہاوت دی بالکل سمجھ نئی آئی

 

[فاروق احمد بھٹی]

مینہوں ایس کہاوت دی بالکل سمجھ نئی آئی

اے جیہڑی سرگوشی تسی کیتی اوس اردو دے محاورے نال کج میل کھاندی اے تھوڑا جہیا
مطلب انسان جدوں کوئی غلطی کردا اے تے جدوں اہ ظاہر ہوندی اے اوہ شرمندگی دا باعث بندی اے
جیویں انسان دا بازو ٹٹ جاوے تے اوہ اپنے ای گلے چ لٹکدا اے

 

[فاروق احمد بھٹی]

 

[سید شہزاد ناصر]

سبحان اللہ سبحان اللہ
ایہو جئے اکھر مونہاں توں نئین دل دے ٹکسال وچوں گھڑے جاندے نیں
بوہت ودھیا

 

[سید شہزاد ناصر]

فاروق احمد بھٹی ایہہ مکمل نئیں اے مکمل کلام شریک کرو نا