محفلین کے لیے آخری اشعار

[جاسمن]

مریم افتخار
بولتے رہنا کیونکہ تمہاری باتوں سے
لفظوں کا یہ بہتا دریا اچھا لگتا ہے

 

[جاسمن]

فرحت کیانی
چراغ جلتے ہیں باد صبا مہکتی ہے
تمہارے حسن تکلم سے کیا نہیں ہوتا
حامد محبوب

 

[مریم افتخار]

الف عین
ترویج دے رہا ہے جو اردو زبان کو
بے شک وہ باغبان ہے اردو زبان کا

 

[جاسمن]

الف عین
ترویج دے رہا ہے جو اردو زبان کو
بے شک وہ باغبان ہے اردو زبان کا

لاجواب!

 

[مریم افتخار]

زیک
کس کی تلاش ہے ہمیں کس کے اثر میں ہیں
جب سے چلے ہیں گھر سے مسلسل سفر میں ہیں

 

[مریم افتخار]

یاز
سمندر کی حقیقت پا گئے گہرائی میں جا کر
بڑے پر راز ہیں وہ جو بہت خاموش ہوتے ہیں

 

[مریم افتخار]

ظہیراحمدظہیر
عجب لہجہ ہے اس کی گفتگو کا
غزل جیسی زباں وہ بولتا ہے

 

[مریم افتخار]

سیما علی
میری نظر میں یہ بھی عبادت خدا کی ہے
شفقت بھری نگاہ سے بچوں کو دیکھنا

 

[مریم افتخار]

محمد عدنان اکبری نقیبی
تو بھی سادہ ہے کبھی چال بدلتا ہی نہیں
ہم بھی سادہ ہیں اسی چال میں آ جاتے ہیں

 

[مریم افتخار]

نبیل
نتیجہ نہ نکلا تھکے سب پیامی
وہاں جاتے جاتے یہاں آتے آتے
قیامت بھی آتی تھی ہم راہ اس کے
مگر رہ گئی ہم عناں آتے آتے

 

[مریم افتخار]

La Alma
تو فلاطون و ارسطو ہے تو زہرا پرویں
تیرے قبضہ میں ہے گردوں تری ٹھوکر میں زمیں
ہاں اٹھا جلد اٹھا پائے مقدر سے جبیں
میں بھی رکنے کا نہیں وقت بھی رکنے کا نہیں

 

[مریم افتخار]

جاسمن
ان کا جو فرض ہے وہ اہل سیاست جانیں
میرا پیغام محبت ہے جہاں تک پہنچے

 

[مریم افتخار]

الشفاء
خدا کے نام سے آغاز ہر اک کام کرتے ہیں
منور اس طرح ہم اپنی صبح و شام کرتے ہیں
عداوت کے سلگتے منظروں کے درمیاں رہ کر
محبت کے حسیں جذبات کو ہم عام کرتے ہیں

 

[مریم افتخار]

الف نظامی
اکھراں وچ سمندر رکھاں، میں اقبال پنجابی دا
جھکھڑاں دے وچ رکھ دتا اے، دیوا بال پنجابی دا

 

[مریم افتخار]

ابن سعید
یوں مسکرائے جان سی کلیوں میں پڑ گئی
یوں لب کشا ہوئے کہ گلستاں بنا دیا

 

[ظہیراحمدظہیر]

نبیل ابن سعید

پہلے کہا مُس ، پھر کہا تق اور پھر بِل کہا
یوں اُس ظالم نے مرے مستقبل کے ٹکڑے کردیے

(شاعر اور وزن نامعلوم)

 

[ابن سعید]

نبیل ابن سعید

پہلے کہا مُس ، پھر کہا تق اور پھر بِل کہا
یوں اُس ظالم نے مرے مستقبل کے ٹکڑے کردیے

(شاعر اور وزن نامعلوم)

یہاں پیروڈی وارد ہوئی ہے کیا؟ ہم نے اس سے ملتا جلتا شعر کچھ یوں پڑھا تھا:

اس نے پہلے رس کہا پھر گل کہا پھر لے کہا
اس طرح ظالم نے رس گلے کے ٹکڑے کر دیے

 

[ظہیراحمدظہیر]

یہاں پیروڈی وارد ہوئی ہے کیا؟

کچھ علم نہیں، سعود بھائی ۔ بہت پہلے شکاگو میں کتابوں کی ایک دکان پر "دیوانِ ٹرانسپورٹ " کی کھڑے کھڑے ورق گردانی کی تھی۔ اس کے دو چار "اشعار" مزیدار لگے اور ذہن میں رہ گئے۔ یہ بھاری بھرکم شعر ان میں سے ایک ہے۔محفلین کے چہروں پر مسکراہٹیں بکھیرنے کے لیے آپ صاحبان کی نذر کردیا۔

ہم نے اس سے ملتا جلتا شعر کچھ یوں پڑھا تھا:

اس نے پہلے رس کہا پھر گل کہا پھر لے کہا
اس طرح ظالم نے رس گلے کے ٹکڑے کر دیے

مزیدار ، مزیدار!

گلاب جامنوں کے بارے میں اقبال مستری فرماگئے ہیں:

تو بچا بچا کے نہ رکھ انہیں ، تری جامنیں ہیں وہ جامنیں
کہ یہ منہ میں ہوں تو عزیز تر ہیں نگاہِ شیرینی ساز میں

 

[سیما علی]

سیما علی
میری نظر میں یہ بھی عبادت خدا کی ہے
شفقت بھری نگاہ سے بچوں کو دیکھنا

جیتی رہیے زندگی میں ہر قدم پہ کامیابیاں آپکا مقدر ہوں آمین

 

[الشفاء]

الشفاء
خدا کے نام سے آغاز ہر اک کام کرتے ہیں
منور اس طرح ہم اپنی صبح و شام کرتے ہیں
عداوت کے سلگتے منظروں کے درمیاں رہ کر
محبت کے حسیں جذبات کو ہم عام کرتے ہیں

خوش رہیں مریم بٹیا۔۔۔
اللہ عزوجل آپ پر اپنا کرم بنائے رکھے۔آمین۔۔۔