محشر بدایونی - " کرے دریا نہ پُل مسمار میرے"

[طارق شاہ]

غزل
محشربدایونی


کرے دریا نہ پُل مسمار میرے
ابھی کچھ لوگ ہیں اُس پار میرے

بہت دن گزرے اب دیکھ آؤں گھر کو
کہیں گے کیا در و دیوار میرے

وہیں سورج کی نظریں تھیں زیادہ
جہاں تھے پیڑ سایہ دار میرے

وہی یہ شہر ہے، تو شہر والو!
کہاں ہیں کوچہ و بازار میرے

تم اپنا حالِ مہجوری سناؤ
مجھے تو کھا گئے آزار میرے

جنہیں سمجھا تھا جاں پرور میں اب تک
وہ سب نکلے کفن بردار میرے

گزرتے جا رہے ہیں دن ہوا سے
رہیں زندہ سلامت یار میرے

دبا جس میں، اُسی پتھر میں ڈھل کر
بِکے چہرے سرِ بازار میرے

دریچہ کیا کھُلا میری غزل کا
ہوائیں لے اُڑیں اشعار میرے

محشربدایونی


​

 

[محمداحمد]

وہی یہ شہر ہے، تو شہر والو!
کہاں ہیں کوچہ و بازار میرے

جنہیں سمجھا تھا جاں پرور میں اب تک
وہ سب نکلے کفن بردار میرے

دریچہ کیا کھُلا میری غزل کا
ہوائیں لے اُڑیں اشعار میرے

واہ واہ بہت ہی خوب انتخاب ہے۔

 

[محسن وقار علی]

کرے دریا نہ پُل مسمار میرے​

ابھی کچھ لوگ ہیں اُس پار میرے​

​

​

بہت دن گزرے اب دیکھ آؤں گھر کو​

کہیں گے کیا در و دیوار میرے​

​

​

وہیں سورج کی نظریں تھیں زیادہ​

جہاں تھے پیڑ سایہ دار میرے​

​

​

وہی یہ شہر ہے، تو اے شہر والو!​

کہاں ہیں کوچہ و بازار میرے​

​

تم اپنا حالِ مہجوری سناؤ​

مجھے تو کھا گئے آزار میرے​

​

​

جنہیں سمجھا تھا جاں پرور میں اب تک​

وہ سب نکلے کفن بردار میرے​

​

​

انتخاب ہے سر جی۔​

داد قبول کیجیے​

 

[کاشفی]

واہ جناب بہت ہی خوب! شکریہ شیئر کرنے کے لیئے۔۔

 

[محمداحمد]

وہی یہ شہر ہے، تو اے شہر والو!
کہاں ہیں کوچہ و بازار میرے

افسانہ نگار جس بات کو کہنے میں صفحات بھر دیتا ہے، شاعر وہی بات دو مصروں میں کہہ دیتا ہے۔

 

[محمداحمد]

اچھی غزل ہے۔

 

[فرحت کیانی]

وہیں سورج کی نظریں تھیں زیادہ
جہاں تھے پیڑ سایہ دار میرے
وہی یہ شہر ہے، تو اے شہر والو!
کہاں ہیں کوچہ و بازار میرے

تم اپنا حالِ مہجوری سناؤ
مجھے تو کھا گئے آزار میرے
واہ واہ۔ بہت خوب۔ حسبِ روایت بہترین انتخاب۔ بہت شکریہ طارق شاہ ۔

وہی یہ شہر ہے، تو اے شہر والو!
کہاں ہیں کوچہ و بازار میرے

افسانہ نگار جس بات کو کہنے میں صفحات بھر دیتا ہے، شاعر وہی بات دو مصروں میں کہہ دیتا ہے۔

اچھی غزل ہے۔

متفق۔
جزاک اللہ احمد!

 

[نیرنگ خیال]

وہی یہ شہر ہے، تو اے شہر والو!
کہاں ہیں کوچہ و بازار میرے

افسانہ نگار جس بات کو کہنے میں صفحات بھر دیتا ہے، شاعر وہی بات دو مصروں میں کہہ دیتا ہے۔

کسی افسانہ نگار نے سن لیا تو۔۔۔۔

 

[محمداحمد]

کسی افسانہ نگار نے سن لیا تو۔۔۔ ۔

سُن لیا تو شعر کہنے لگیں گے موصوف۔۔۔۔!

 

[نیرنگ خیال]

سُن لیا تو شعر کہنے لگیں گے موصوف۔۔۔ ۔!

اور غالبا "ہجو" سے آغاز کریں گے۔۔۔

 

[شیزان]

تم اپنا حالِ مہجوری سناؤ
مجھے تو کھا گئے آزار میرے
جنہیں سمجھا تھا جاں پرور میں اب تک
وہ سب نکلے کفن بردار میرے

واہ شاہ جی۔
کیا انتخاب ہے ۔۔
شکریہ قبول فرمایئے
اور احمد بھائی کا ٹیگ کرنے پر شکریہ

 

[محمداحمد]

اور غالبا "ہجو" سے آغاز کریں گے۔۔۔

غالبا "ہجو" سے آغاز کریں گے۔۔۔ اور ایک شعر میں صفحات کے صفحات قلمبند کردیں گے۔

 

[محمد بلال اعظم]

کرے دریا نہ پُل مسمار میرے
ابھی کچھ لوگ ہیں اُس پار میرے
بہت دن گزرے اب دیکھ آؤں گھر کو
کہیں گے کیا در و دیوار میرے
وہیں سورج کی نظریں تھیں زیادہ
جہاں تھے پیڑ سایہ دار میرے
وہی یہ شہر ہے، تو اے شہر والو!
کہاں ہیں کوچہ و بازار میرے
تم اپنا حالِ مہجوری سناؤ
مجھے تو کھا گئے آزار میرے
جنہیں سمجھا تھا جاں پرور میں اب تک
وہ سب نکلے کفن بردار میرے
گزرتے جا رہے ہیں دن ہوا سے
رہیں زندہ سلامت یار میرے
واہ
محشر بدایونی کی کمال غزل
بہت خوبصورت
احمد کا شکریہ ٹیگنگ کے لئے۔ صرف کچھ اشعار ہی پڑھے تھے، آج پوری غزل بھی پڑھ لی۔

 

[عمر سیف]

زبردست ۔۔

 

[محمد تابش صدیقی]

بہت عمدہ۔ ایک ایک شعر لاجواب۔
ابو کے کہنے پر یہ غزل ڈھونڈ کر پڑھی اور سنائی۔

 

[سحر کائنات]

لا جواب