محبت ہوتے ہوتے، اک ندامت ہو گئی آخر (جون ایلیا)

منیب فیض نے 'پسندیدہ کلام' کی ذیل میں اس موضوع کا آغاز کیا، ‏مارچ 1, 2020

  1. منیب فیض

    منیب فیض محفلین

    مراسلے:
    4
    جھنڈا:
    Pakistan
    موڈ:
    Breezy
    محبت ہوتے ہوتے، اک ندامت ہو گئی آخر
    ندامت ہوتے ہوتے، اک اذیت ہو گئی آخر

    عجب انداز سے طے مرحلے دل کے کیے ہم نے
    جو دل کی نازبرداری تھی، نفرت ہو گئی آخر

    بھلا معلوم کیا ہوگا اسے، اس کی جدائی میں
    ہمیں خود اپنے شکووں سے، شکایت ہو گئی آخر

    کمینے ہو گئے جذبے، ہوئے بدنام خواب اپنے
    کبھی اس سے، کبھی اس سے، محبت ہو گئی آخر

    سپہر خامشی ہے، شام ہے اور صحن ویرانی
    وہ شام فصل سرسبزی، حکایت ہو گئی آخر

    جدائی جو کبھی تھی اک عذاب جاودان جاں
    گلہ یہ ہے وہی دل کی سہولت ہو گئی آخر

    نہ جانے محمل لیلیٰ نے کیا دستور اپنایا
    کہ دل کو قیس کے صحرا سے وحشت ہو گئی آخر

    نہیں اس کی فریبائی ذرا بھی ذکر کے قابل
    کہ برہم خود فریب دل کی صحبت ہو گئی آخر

    مناؤ جان جاں! اب جشن تم اپنی فراغت کا
    کہ ہوتے ہوتے حالت دل کی، رخصت ہو گئی آخر

    ہے کیا شوق ہمیشہ اور کیا عشق ہمیشہ ہے
    کہ تھا اک حال سا پھر ایک حالت ہو گئی آخر

    گماں دل سے گئے سو دل گیا اپنے گمانوں سے
    دریغا! پھر تو بس فرصت ہی فرصت ہو گئی آخر

    وبائیں پھیلتی رہتی تھیں دل بستی میں پر یاراں!
    پھر اس بستی کو ناگاہاں شریعت ہو گئی آخر

    فراق وصل کا تھا کیا زمانہ کیا کہوں یعنی
    فقط اک آن تھی جو بے نہایت ہو گئی آخر

    مکانوں اور دکانوں پر عجب اک سانحہ گزرا
    ضرورت کی ہر اک شے بے ضرورت ہو گئی آخر

    چلے تھے ہم شمال تیرہ سبز خواب خواباں سے
    ہماری سمت جبر زرد قسمت ہو گئی آخر

    نہ کوئی حال دل تھا اور نہ کوئی حالت جاں تھی
    ہمیں اس سے، اسے ہم سے، محبت ہو گئی آخر

    سنائی اور رومی ایسے زہری تھے کہ مت پوچھو
    غم دل کوچہ پر دانش کی رحلت ہو گئی آخر

    میاں جب ہفت شہر عشق میں عطار گھوم آیا
    ازاں بعد ان پہ برپا اک قیامت ہو گئی آخر

    غبار روشنی میں بود نے کاٹی شب ہجرت
    شب ہجرت، دوام صبح ہجرت ہو گئی آخر

    جون ایلیا
     
    • پسندیدہ پسندیدہ × 2
    • زبردست زبردست × 1
  2. نیرنگ خیال

    نیرنگ خیال لائبریرین

    مراسلے:
    17,922
    جھنڈا:
    Pakistan
    موڈ:
    Dunce
    خوب
     
  3. میم الف

    میم الف محفلین

    مراسلے:
    291
    جھنڈا:
    Pakistan
    موڈ:
    Fine
    آئیے منیب صاحب
    خوشی ہوئی کہ ہمارے ہم نام بھی اب محفل میں آنے لگے
    بہت عمدہ شیئرنگ :)
     
  4. خالد محمود چوہدری

    خالد محمود چوہدری محفلین

    مراسلے:
    11,933
    جھنڈا:
    Pakistan
    موڈ:
    Festive
    واہ
     
  5. منیب فیض

    منیب فیض محفلین

    مراسلے:
    4
    جھنڈا:
    Pakistan
    موڈ:
    Breezy
    بے حد شکریہ..سلامت رہیے..

    تو نہیں ہے تو ترے ہم نام سے رشتہ رکھا

    ہم نے یوں بھی دل ناکام کو زندہ رکھا
     
    • پسندیدہ پسندیدہ × 1
    • زبردست زبردست × 1

اس صفحے کی تشہیر