محبت کے موضوع پر اشعار!

[x boy]

محبت میں کیوں اسقدراستحصال ہوتا ہے
ڈوب جائے جو اس میں اسکا برا حال ہوتا ہے

فریب و محبت جو دنیاوی ہے اس کے بابت یہ شعر شاعر نے کہا ہے معذرت کے ساتھ۔

 

[فاروق احمد بھٹی]

وہ ایک لفظ "محبت" ہی دل کا دشمن ہے
جسے شریعتِ احساس مان بیٹھے ہیں
(ساغر صدیقی)

 

[x boy]

کتابوں سے دلائل دوں یا خود کو سامنے رکھ دوں
وہ مجھ سے پوچھ بیٹھا محبت کس کو کہتے ہیں

 

[ہادیہ]

راہ محبت میں عجب سا حال ہوا اپنا
نہ زخم نظر آتا ہے نہ درد سہا جاتا ہے

 

[ہادیہ]

محبت آزمانی ہوتو بس اتنا ہی کافی ہے
ذرا سا روٹھ کر دیکھو منانے کون آتا ہے

 

[نور وجدان]

اسے میرے احساس سے بھی ہے نفرت
بجھا چاہتا ہے چراغِ محبت

 

[چودھری ناصر حسین]

محبت ترک کی میں نے گریباں سی لیا میں نے

زمانے اب تو خوش ہو زہر یہ بھی پی لیا میں نے

 

[چودھری ناصر حسین]

ٹوٹا طلسمِ عہد محبّت کچھ اس طرح

پھر آرزو کی شمع فروزاں نہ کر سکے

 

[چودھری ناصر حسین]

تنگ آ چکے ہیں کشمکشِ زندگی سے ہم
ٹھکرا نہ دیں جہاں کو کہیں‌ بے دلی سے ہم

مایوسئ مآلِ محبت نہ پوچھئے
اپنوں سے پیش آئے ہیں ‌بیگانگی سے ہم
ساحر لدھیانوی

 

[چودھری ناصر حسین]

ابھی نہ چھیڑ محبت کے گیت اے مطرب

ابھی حیات کا ماحول خوشگوار نہیں


تمہارے عہدِ وفا کو میں عہد کیا سمجھوں

مجھے خود اپنی محبت پہ اعتبار نہیں
ساحر لدھیانوی

 

[جاسمن]

کسی سے ایک کرو گے تو دوسری ہو گی
جو کر رہے ہو محبت تو خرچ بھی ہو گی
مرے فلیٹ, جو آتی ہے گھومتی سیڑھی
وہ ایک چاند کے دل میں اتر رہی ہوگی
فیضان ہاشمی

 

[جاسمن]

تب نیا مٹی سے اُٹھا تھا محبت کا خمیر
ہر کسی کوزے میں دو اِک گھونٹ بھر ہوتے تھے ہم
فیضان ہاشمی

 

[صدیق صادق]

محبت میں نہیں ہے فرق جینے اور مرنے کا
اُسی کو دیکھ کر جیتے ہیں جس کافر پہ دم نکلے

 

[فرقان احمد]

وہی تیری محبت کی کہانی
جو کچھ بھولی ہوئی کچھ یاد بھی ہے

تمہارا ذکر آیا اتفاقاً
نہ بگاڑو بات پر بات آ گئی ہے

(فراق گورکھپوری)

 

[طاہر شیخ]

ابھی نہ چھیڑ محبت کے گیت اے مطرب
ابھی حیات کا ماحول خوشگوار نہیں
ساحر لدھیانوی

 

[جاسمن]

انیس آساں نہیں آباد کرنا گھر محبت کا
یہ اُن کا کام ہے جو زندگی برباد کرتے ہیں

 

[فیصل عظیم فیصل]

انیس آساں نہیں آباد کرنا گھر محبت کا
یہ اُن کا کام ہے جو زندگی برباد کرتے ہیں

محبت محبت محبت محبت
محمد (صلی اللہ علیہ واٰلہ وسلم )محمد (صلی اللہ علیہ واٰلہ وسلم )محمد (صلی اللہ علیہ واٰلہ وسلم )محمد (صلی اللہ علیہ واٰلہ وسلم )

 

[جاسمن]

محبت محبت محبت محبت
محمد (صلی اللہ علیہ واٰلہ وسلم )محمد (صلی اللہ علیہ واٰلہ وسلم )محمد (صلی اللہ علیہ واٰلہ وسلم )محمد (صلی اللہ علیہ واٰلہ وسلم )

سبحان اللہ!

 

[زیرک]

پہلے تو ترکِ تعلق کی وبا پھیلے گی
پھر محبت کا بھی انکار کیا جائے گا

 

[فیصل عظیم فیصل]

پہلے تو ترکِ تعلق کی وبا پھیلے گی
پھر محبت کا بھی انکار کیا جائے گا

محبت جن کو ہوتی ہے محبت جن سے ہوتی ہے
تعلق سانس جیسا ہے اسے چلتا ہی رہنا ہے