جاوید اختر مجھ کو یقیں ہے سچ کہتی تھیں، جو بھی امی کہتی تھیں - جاوید اختر

[عمر سیف]

خوب۔ جگجیت نے اسے گایا بھی خوب ہے۔

 

[امیداورمحبت]

مجھ کو یقیں ہے سچ کہتی تھیں جو بھی امی کہتی تھیں
جب میرے بچپن کے دن تھے چاند میں پریاں رہتی تھیں

ایک یہ دن جب اپنوں نے بھی ہم سے ناطہ توڑ لیا
ایک وہ دن جب پیڑ کی شاخیں بوجھ ہمارا سہتی تھیں

ایک یہ دن جب ساری سڑکیں روٹھی روٹھی لگتی ہیں
ایک وہ دن جب آؤ کھیلیں ساری گلیاں کہتی تھیں

ایک یہ دن جب جاگی راتیں دیواروں کو تکتی ہیں
ایک وہ دن جب شاموں کی بھی پلکیں بوجھل رہتی تھیں

ایک یہ دن جب ذہن میں ساری عیاری کی باتیں ہیں
ایک وہ دن جب دل میں بھولی بھالی باتیں رہتی تھیں

ایک یہ دن جب لاکھوں غم اور کال پڑا ہے آنسو کا
ایک وہ دن جب ایک ذرا سی بات پہ ندیاں بہتی تھیں

ایک یہ گھر جس گھر میں میرا ساز و ساماں رہتا ہے
ایک وہ گھر جس گھر میں میری بوڑھی نانی رہتی تھیں

جاوید اختر​

بہت خوب،

ایک یہ دن جب جاگی راتیں دیواروں کو تکتی ہیں
ایک وہ دن جب شاموں کی بھی پلکیں بوجھل رہتی تھیں

 

[محمد وارث]

بہت خوب۔

۔

 

[سارہ خان]

شکریہ آپ سب کی پسندیدگی کا ۔۔۔

 

[فرحت کیانی]

بہت خوب سارہ۔۔ میری بھی پسندیدہ شاعری ہے یہ۔۔
بہت شکریہ۔۔۔

 

[سیدہ شگفتہ]

واہ ۔۔۔ میری پسند کا انتخاب سارہ !

 

[فاروقی]

مجھ کو یقیں ہے سچ کہتی تھیں جو بھی امی کہتی تھیں

مجھ کو یقیں ہے سچ کہتی تھیں جو بھی امی کہتی تھیں
جب میرے بچپن کے دن تھے چاند میں پریاں رہتی تھیں

ایک یہ دن جب اپنوں نے بھی ہم سے ناطہ توڑ لیا
ایک وہ دن جب پیڑ کی شاخیں بوجھ ہمارا سہتی تھیں

ایک یہ دن جب ساری سڑکیں روٹھی روٹھی لگتی ہیں
ایک وہ دن جب آؤ کھیلیں ساری گلیاں کہتی تھیں

ایک یہ دن جب جاگی راتیں دیواروں کو تکتی ہیں
ایک وہ دن جب شاموں کی بھی پلکیں بوجھل رہتی تھیں

ایک یہ دن جب ذہن میں ساری عیاری کی باتیں ہیں
ایک وہ دن جب دل میں بھولی بھالی باتیں رہتی تھیں

ایک یہ دن جب لاکھوں غم اور کال پڑا ہے آنسو کا
ایک وہ دن جب ایک ذرا سی بات پہ ندیاں بہتی تھیں

ایک یہ گھر جس گھر میں میرا ساز و ساماں رہتا ہے
ایک وہ گھر جس گھر میں میری بوڑھی نانی رہتی تھیں

جاوید اختر​

 

[محسن حجازی]

لیجئے حضور:

[youtube]http://www.youtube.com/watch?v=UvTbZUjh5Sg[/youtube]​

تاہم آپ نے اسے بطور لسٹ پیسٹ کر دیا ہے تبھی فونٹ سائز بہت چھوٹا ہے۔

 

[فاروقی]

یہ کیا ہے؟

 

[محسن حجازی]

بالکل ٹھیک فاروقی صاحب! بہت اچھے!
آپ کا قصور نہیں یہ جو آپ کا موڈ لکھا نظر آ رہا ہے اس کے مطابق آپ IN LOVE ہیں سو اس میں تو کچھ نہیں دکھائی دیتا!
قبلہ وہی کچھ ہے ساز و آہنگ کے ساتھ جو آپ نے پیش فرمایا

 

[محمداحمد]

فاروقی صاحب!

ماشاءاللہ بہت عمدہ ذوق پایا ہے آپ نے۔ یہ کلام بھی بہت لاجواب ہے۔ اچھا لگا۔

خوش رہیے!

 

[فاروقی]

فاروقی صاحب!

ماشاءاللہ بہت عمدہ ذوق پایا ہے آپ نے۔ یہ کلام بھی بہت لاجواب ہے۔ اچھا لگا۔

خوش رہیے!

نظر نہ لگا دیجیے گا ،احمد صاحب

 

[محمداحمد]

نظر نہ لگا دیجیے گا ،احمد صاحب

آپ کو ماشاء اللہ لکھا ہوا "نظر" نہیں آیا! سو مسئلہ آپ کی "نظر" کا ہے ہماری "نظر" کا نہیں۔

 

[فاروقی]

آپ کو ماشاء اللہ لکھا ہوا "نظر" نہیں آیا! سو مسئلہ آپ کی "نظر" کا ہے ہماری "نظر" کا نہیں۔

میرے خیال سے مجھے ہی آنکھوں کا چیک اپ کروا لینا چاہیے. . . .

 

[عزیزامین]

سچ یہ ھے بیکار ہمیں غم ہوتا ھے یہ ہے میری پسندیدہ غزل

 

[محمد وارث]

عزیز امین صاحب، آپ کی پسند ایک اور 'تھری اِن وَن' تھریڈ سامنے لے آئی، شکریہ!

 

[عزیزامین]

میں سمجھا نھیں محمد وارث صاحب؟تفصیل سے بتایں؟

 

[قیصرانی]

بہت ہی عمدہ

 

[محسن حجازی]

آپ کو ماشاء اللہ لکھا ہوا "نظر" نہیں آیا! سو مسئلہ آپ کی "نظر" کا ہے ہماری "نظر" کا نہیں۔

یہ غالبا ماشااللہ کے باوجود بھی نظر بد کا شکار ہو چکے ہیں۔
بہتر رہے گا کہ مزید حفاظت کے لیے سر پر ایک کالی دیگچی الٹی کر کے رکھ لی جائے

 

[محمداحمد]

ایک یہ دن جب ساری سڑکیں روٹھی روٹھی لگتی ہیں
ایک وہ دن جب آؤ کھیلیں ساری گلیاں کہتی تھیں​

​

یہ غزل اور محفلین کی گفتگو آج پھر لطف دے گئی۔