ماں

[سیدہ شگفتہ]

چمک سی آ گئی بوڑھی اداس آنکھوں میں
جو ماں کے ہاتھ میں بچے نے سب کمائی دی




​

 

[عبدالوھاب کاٹھ]

ماشاءاللہ
بہت خوب صورت
شیرنگ ہے

 

[سیدہ شگفتہ]

سوچتی رہتی ہے ماں افسر بنے گا میرا لعل
بھوکا بچہ آج ردی میں کتابیں دے گیا





​

 

[سیدہ شگفتہ]

ماشاءاللہ
بہت خوب صورت
شیرنگ ہے

شکریہ

 

[سیدہ شگفتہ]

اس ظلم کی دنیا میں فقط پیار میری ماں
ہے میرے لئے سایۂ دیوار میری ماں
نفرت کے جزیروں سے محبت کی حدوں تک
بس پیار ہے ، ہاں پیار ہے ، بس پیار میری ماں





​

 

[سیدہ شگفتہ]

رزاق اپنے رزق کی تقسیم دیکھ لے
اِک ماں نے لعل آج بھی بھُوکا سُلا دیا




​

 

[سیدہ شگفتہ]

پہلی درسگاہ



ماں اعتبارِ گردشِ لیل و نہار ہے
ماں آئینہ رحمت پروردگار ہے

ماں تیرگی میں روشنی کا آبشار ہے
ماں کربلائے زیست میں ابرِ بہار ہے

خوش رنگ شخصیات میں ماں کا شمار ہے
قربانی و خلوص کا یہ شاہکار ہے

جنت ہے ماں کے پاؤں تلے ، جانتے ہیں سب
ماں دینِ مصطفٰی میں بہت ذی وقار ہے

جاری ہے نسلِ آدمی جس کے وجود سے
ماں بندگانِ رب میں وہ تخلیق کار ہے

کہتے ہیں ماں کی گود ہے وہ پہلی درسگاہ
جس پہ تمام زیست کا ، دار و مدار ہے

مشہور ماں کی مامتا ہے کائنات میں
بے لوث کوئی پیار ہے تو ماں کا پیار ہے

پلتی ہے ماں کی گود میں کس طرح زندگی
ماں راز دارِ صنعتِ پروردگار ہے

بنتے ہیں بگڑے کام دعاؤں سے اے نثار
ماں کی دعا نصیب ہو تو بیڑا پار ہے



​

 

[فرحان دانش]

میں کبھی بتلاتا نہیں
پر اندھیرے سے ڈرتا ہوں میں ماں
یوں تو میں دکھلاتا نہیں
تیری پرواہ کرتا ہوں میں ماں
تجھے سب ہے پتہ
ہے نا ماں؟
تجھے سب ہے پتہ
میری ماں
بھیڑ میں یوں نہ چھوڑو مجھے
گھر لوٹ کے بھی آ نہ پاؤں ماں
بھیجنا اتنا دور مجھ کو تو
یاد بھی نہ تجھ کو آ پاؤں ماں
کیا اتنا برا ہوں میں ماں
کیا اتنا برا۔۔۔
میری ماں
جب بھی کبھی پاپا مجھے
جو زور سے جھولا جھلاتے ہیں ماں
میری نظر ڈھونڈے تجھے
سوچوں یہی تو آ کے تھامے گی ماں
ان سے میں یہ کہتا نہیں
پر میں سہم جاتا ہوں ماں
چہرے پہ آنے دیتا نہیں
دل ہی دل میں گھبراتا ہوں ماں
تجھے سب ہے پتہ
ہے نا ماں؟
تجھے سب ہے پتہ
میری ماں
میں کبھی بتلاتا نہیں
پر اندھیرے سے ڈرتا ہوں میں ماں
یوں تو میں دکھلاتا نہیں
تیری پرواہ کرتا ہوں میں ماں
تجھے سب ہے پتہ
ہے نا ماں؟
تجھے سب ہے پتہ
میری ماں​

 

[راجہ صاحب]

اس طرح میرے گناہوں کو وہ دھو دیتی ہے
ماں بہت غصّے میں ہوتی ہے تو رو دیتی ہے

منور رانا

 

[شمشاد]

اب کیسی پردہ داری ، خبر عام ہو چکی
ماں کی ردا تو ، دن ہُوئے نیلام ہو چکی
(پروین شاکر)

 

[راجہ صاحب]

ہوا دُکھوں کی جب آئی کبھی خزاں کی طرح
مجھے چُھپا لیا مٹی نے میری ماں کی طرح

 

[سیدہ شگفتہ]

بہت شکریہ راجہ بھائی اس سلسلے کو سامنے لانے کے لیے ۔

 

[راجہ صاحب]

سبق حیات کا آغاز ماں سے ہوتا ہے
حدیثِ مہد پڑھو پہلا سائباں ہے ماں
سید انورجاویدہاشمی

 

[نیلم]

زندگی کے سفر میں گردشوں کی دھوپ میں
جب کوئی سایا نہیں ملتا تو یاد آتی ہے ماں

 

[راجہ صاحب]

شجر کی چھایا بھی ہے سر پہ آسماں ہے ماں
زمیں کی وسعتیں محدود بے کراں ہے ماں
سید انورجاویدہاشمی

 

[کاشفی]

جب مایوسی دلوں پہ چھا جاتی ہے​

دشمن سے بھی نام تیرا جپواتی ہے​

​

ممکن ہے کہ سکھ میں بھول جائیں اطفال​

لیکن انہیں دکھ میں ماں ہی یاد آتی ہے​

(مولانا الطاف حسین حالی رحمتہ اللہ علیہ)​

 

[راجہ صاحب]

عظیم رشتہ و پیوند ہے یہ ماں کا بھی
بگڑ بھی جائے گر اولاد پھر بھی ماں ہے ماں

سید انورجاویدہاشمی

 

[سیدہ شگفتہ]

شہر میں آ کر پڑھنے والے بھول گئے
کس کی ماں نے کتنا زیور بیچا تھا

(اسلم کولسری)

 

[راجہ صاحب]

کڈے لاڈ لڈاوے ماں
صدقے واری جاوے ماں
آپوں کھاوے رکھی سکھی
مینوں ددھ پلاوے ماں
آپوں تپ وچ سڑدی ریندی
مینوں چھاویں پاوے ماں
کنڈ ہو جاندی اس دی حالی
جس دی وی مر جاوے ماں
جے وس چلدا مرن نہ دیندی
سو سو ترلے پاوے ماں
پتر پاویں پیڑے ہوون
سو سو پردے پاوے ماں
جس منور رب نوں منانا
اپنی او مناوے ماں

 

[راجہ صاحب]