لیبر ڈے پر میرے والد مرحوم کی کہی گئی طرحی مشاعرے کی غزل

[طارق شاہ]

آج کے گُل، آج ہی کی نکہتوں کے ہیں امین !
کل یہ باسی پُھول، کہلائیں گے گُلدانوں کا بوجھ

 

[عباد اللہ]

بہت خوب

 

[صائمہ شاہ]

بہت عمدہ

 

[ابن رضا]

بارِ دگر بہت عمدہ. پچھلے سال بھی پڑھی تھی تو یہی لطف آیا تھا

 

[سلمان دانش جی]

واہ صاحب !
آج کے گل آج ہی کی نکہتوں کے ہیں امین
کل یہ باسی پھول کہلائیں گے، گلدانوں کا بوجھ

 

[سلمان دانش جی]

بزرگوں کے ساتھ شعر و ادب کی چاشنی اور معیارِ سخن بھی رخصت ہو رہا ہے

 

[سید عاطف علی]

باز گشت ۔یوم مزدور یکم مئی ۔
آسماں سے بھی گراں مزدور کے شانوں کا بوجھ

 

[اے خان]

بہت خوب

 

[فاتح]

واہ واہ کیا ہی خوبصورت غزل ہے۔ معذرت کہ میری نظر سے 4 سال بعد گزری۔

 

[فرقان احمد]

یومِ مزدور کے حوالے سے بہترین کاوش۔ بے پناہ داد! اللہ پاک مرحوم کے درجات بلند فرمائے، آمین!

 

[سید عاطف علی]

احباب کی قدر دانی کے لیے تشکر۔
مولی سبحانہ تعالی سب محفلین کے بزرگوں کو سلامت رکھے اور گزشتگان پر رحمت کرے آمین۔

 

[ربیع م]

بہت خوب!
اللہ رب العزت آپ کے والد محترم کو جوار رحمت میں جگہ عطا فرمائیں آمین

 

[سید عاطف علی]

باز گشت ۔یوم مزدور بنام شکاگو یکم مئی ۔2019

آبلے ، مٹی ،پسینہ ،جیسے ویرانوں کا بوجھ
آسماں سے بھی فزوں، مزدور کے شانوں کا بوجھ

ناتواں قلب و نظر پر اتنے کا شانوں کا بوجھ
بتکدوں کا ،میکدوں کا اور پری خانوں کا بوجھ

حاملِ بارِ گِراں ہے اک اجیرِ ناتواں
لیکن آجر کیلئے ،مٹھی میں دو دانوں کا بوجھ

آج کے گل آج ہی کی نکہتوں کے ہیں امین
کل یہ باسی پھول کہلائیں گے، گلدانوں کا بوجھ

میں کسے تائب کہوں ،کس کو کہوں توبہ شکن
لوگ پھرتے ہیں لیے اب خالی پیمانوں کا بوجھ

ٹانک آئے گا کہیں دیروحرم کے درمیاں
ہے گراں اب شیخ پر تسبیح کے دانوں کا بوجھ

دل کے ارمانوں کی اب دل پر حکومت ہے ضیاؔ
ایک کشور، اور اُس پر اتنے سلطانوں کا بوجھ​

 

[محمد خلیل الرحمٰن]

بہت خوب صورت کلام۔ کیا کہنے!

 

[جاسمن]

زبردست پہ ڈھیروں زبریں۔
خوبصوووووورت ترین اشعار۔
اللہ آپ کے والد سمیت سب مرحومین کو جنت الفردوس میں جگہ دے۔ قبر کو ٹھنڈا، روشن، ہوادار اور کشادہ رکھے۔ اس میں جنت کی کھڑکیاں کھول دے۔ آمین!

 

[سید عاطف علی]

باز گشت ، خراج تحسین بہ نام مزدور ۔
---------------------------
غزل

آبلے ، مٹی ،پسینہ ،جیسے ویرانوں کا بوجھ
آسماں سے بھی فزوں، مزدور کے شانوں کا بوجھ

ناتواں قلب و نظر پر اتنے کا شانوں کا بوجھ
بتکدوں کا ،میکدوں کا اور پری خانوں کا بوجھ

حاملِ بارِ گِراں ہے اک اجیرِ ناتواں
لیکن آجر کیلئے ،مٹھی میں دو دانوں کا بوجھ

آج کے گل آج ہی کی نکہتوں کے ہیں امین
کل یہ باسی پھول کہلائیں گے، گلدانوں کا بوجھ

میں کسے تائب کہوں ،کس کو کہوں توبہ شکن
لوگ پھرتے ہیں لیے اب خالی پیمانوں کا بوجھ

ٹانک آئے گا کہیں دیر و حرم کے درمیاں
ہے گراں اب شیخ پر تسبیح کے دانوں کا بوجھ

دل کے ارمانوں کی اب دل پر حکومت ہے ضیاؔ
ایک کشور، اور اُس پر اتنے سلطانوں کا بوجھ

سید خورشید علی ضیاء عزیزی جے پوری​

 

[سیما علی]

دل کے ارمانوں کی اب دل پر حکومت ہے ضیاؔ
ایک کشور، اور اُس پر اتنے سلطانوں کا بوجھ

بہت عمدہ !!!!بے پناہ داد وے تحسین
پروردگار اپنے جوارِ رحمت میں اعلیٰ ترین مقام عطا فرمائے۔ آمین

 

[گُلِ یاسمیں]

بہت ہی عمدہ

 

[محمد عبدالرؤوف]

بہت خوب

 

[سیما علی]

حاملِ بارِ گِراں ہے اک اجیرِ ناتواں
لیکن آجر کیلئے ،مٹھی میں دو دانوں کا بوجھ

بہت کمال
ہر شعر لاجواب ۔۔۔۔۔۔