لہذا سوچا اس موضوع پر ایک لڑی کھول لی جائے۔ یہاں گفتگو خط اور دھمکی کے حوالے سے ہو گی اور باقی معاملات کا ذکر صرف اتنا ہی جتنا اس خط کے مسئلہ کو سمجھنے کے لئے لازم ہے۔
واقعی میں نہ صرف کنفیوز بلکہ مشتاق بھی ہوں کہ یہ تحریری دستاویز بین الممالک تعلقات میں آخر کس حد تک اہمیت رکھتی ہے ۔
زبر دست زیک بھائی ۔۔۔۔ مجھے لگا کہ یہ کافی کلیدی پوائنٹ ہے اس پورے قصے میں اور اس کی روشنی میں متعلقہ سفارتکار ایک واحد شہادت ہے جسے پاکستان بلا کر فی الفور عدالت میں پیش کیا جانا چاہیئے اور معاملے کے مضمرات کی اہمیت کو طے کیا جانا چاہیئے ۔
ایسا ہونے کی توقع رکھی جا سکتی ہے مگر شاید دس پندرہ برس لگ جائیں۔
اس میں کوئی دو رائے نہیں ہیں۔ شاید اسی کو عمران حکومت نے بنیاد بنا کر ہی اپنا کیس مضبوط کرنے کی کوشش کی گئی ہے۔
مشرف دور اور عمران دور میں کیا مماثلت ہے؟
اب تو ان کی مرضی کی حکومت آ گئی ہے۔ موقف بھی بدل گیا ہوگا۔
قبلہ آپ بات سمجھے ہی نہیں۔ میں نے کب کہا کہ مشرف دور اور عمران دور میں کوئی مماثلت ہے! فقط یہ عرض کی تھی کہ دھمکیاں دینا امریکہ کی پرانی عادت ہے، پہلے بھی دیتا رہا ہے اور مختلف ممالک کو دیتا رہا ہے، مشرف کو دی گئی دھمکی ریکارڈ پر ہے اور اب بھی دی ہوگی!
جی ہاں، چین، سعودیہ اور امریکہ کے خلاف جانا کافی مشکل ہے لیکن آپ نے خود لکھا کہ ان میں سے امریکہ پر تنقید سب سے آسان ہے۔ یقینی طور پر اس کی کوئی وجہ رہی ہوگی، آپ بھی سوچیے گا۔
پاکستان میں ایک عمومی امریکہ مخالف جذبہ ہمیشہ سے رہا ہے اور اگر اسی کو عمران خان نے سیاسی طور پر استعمال کیا ہے تو پھر خوب استعمال کیا ہے، اس کا یہ چورن دھڑا دھڑ بِک رہا ہے۔ اس سے اس بیانیے کی بھی نفی ہوتی ہے کہ "عمران خان کو سیاست نہیں آتی۔"!
وارث بھائی مکہ مدینہ کی حرمت کی وجہ سے سعودی حکومت کو احترام کا موجب بنانا درست نہیں( جوئے خانہ کی اجازت اور باقی اقدامات اس کی حالیہ مثالیں ہیں) وہ بھی مفاد کی سیاست کرتے ہیں انہیں بھی ایک پٹھو چاہیے اور پراکسی چینل نواز کے دور میں دھڑا دھڑ امداد دینا اس بات کا غماز ہے کہ وہ ان کی پالیسیسز پر من و عن عمل درآمد کروانے میں پیش پیش رہتے ہیں جبکہ عمران کے دور میں یہ ممکن نہ ہو سکا بلکہ ایک کھنچاؤ سا دیکھنے میں آیا اور کوئی خاطر خواہ پیکج نہیں مل سکا جس سے ڈالر نے دن دوگنی اور رات چوگنی ترقی کی۔