مومن :::: قہر ہے موت ہے قضا ہے عِشق -- Momin KhaN Momin

طارق شاہ

محفلین



غزلِ
مومن خاں مومن

قہر ہے موت ہے قضا ہے عِشق
سچ تو يہ ہے بُری بَلا ہے عِشق

اثرِ غم ذرا بتا دينا
وہ بہت پُوچھتے ہيں، کيا ہے عِشق

کس ملاحت سرشت کو چاہا
تلخ کامی پہ، با مزا ہے عِشق

ديکھ حالت مِری، کہيں کافر
نام دوزخ کا کيوں دھرا ہے عِشق

ديکھیے کس جگہ ڈبو دے گا
ميری کشتی کا نا خُدا ہے عِشق

آپ مجھ سے نباہيں گے، سچ ہے
با وفا حُسن، بے وفا ہے عِشق

قيس و فرہاد، وامِق و مومِن
مر گئے سب ہی، کيا وبا ہے عِشق

مومن خاں مومن
 

کاشفی

محفلین
مومن خان مومن رحمتہ اللہ علیہ کی خوبصورت غزل شیئر کرنے کے لیئے شکریہ طارق شاہ صاحب!
 

mohsin ali razvi

محفلین
1451337_591441864249075_1927069888_n.jpg
 
Top