فیصل واوڈا ٹی وی پروگرام میں ’بوٹ‘ ساتھ لے آئے

جاسم محمد نے 'سیاست' کی ذیل میں اس موضوع کا آغاز کیا، ‏جنوری 14, 2020 6:03 شام

  1. جاسم محمد

    جاسم محمد محفلین

    مراسلے:
    16,176
    فیصل واوڈا ٹی وی پروگرام میں ’بوٹ‘ ساتھ لے آئے
    [​IMG]
    ن لیگ نے لیٹ کر بوٹ کو عزت دی ہے ، بوٹ کو چوم کر عزت دی ہے، کوئی شرم اور حیا ہے؟ وفاقی وزیر فیصل واوڈا — فوٹو: سوشل میڈیا/ اسکرین گریب

    وفاقی وزیر برائے آبی وسائل فیصل واوڈا نے نجی ٹی وی کے پروگرام میں ’بوٹ‘ ٹیبل پر رکھ کر اپوزیشن کو تنقید کا نشانہ بنایا۔

    نجی ٹی وی کے پروگرام میں فیصل واوڈا نے ’بوٹ‘ ٹیبل پر رکھا اور کہا کہ مسلم لیگ (ن) نے لیٹ کر بوٹ کو عزت دی ہے، بوٹ کو چوم کر عزت دی ہے، کوئی شرم اور حیا ہے ؟ قوم نے ان کی اصلیت دیکھ لی۔

    انہوں نے کہا کہ جب پی پی ترامیم لے کر آئی تھی تو جھاگ کی طرح واپس کیوں لیا؟

    اس دوران پیپلز پارٹی کے قمر زمان کائرہ نے کہا ہے کہ ’اگر بوٹ سامنے رکھ کر یہ کہہ رہے ہیں کہ جو کرایا ہے فوج نے کرایا ہے تو ان کے کہنے کا مطلب ہے کہ پیپلز پارٹی اور ن لیگ نے ان کے کہنے پر نہیں فوج کے دباؤ پر ووٹ دیا ہے‘۔

    اس صورتحال کے بعد قمر زمان کائرہ اور ن لیگ کے جاوید عباسی پروگرام چھوڑ کر چلے گئے۔

    یاد رہے کہ حکومت کے آرمی ترمیمی ایکٹ بلز کی اپوزیشن جماعتوں مسلم لیگ (ن) اور پیپلزپارٹی نے حمایت کی تھی جس کے بعد یہ بلز قومی اسمبلی اور سینیٹ سے کثرتِ رائے سے منظور کرالیے گئے تھے۔

    ان بلز کی جماعت اسلامی، جمعیت علمائے اسلام (ف) اور دیگر جماعتوں نے مخالفت کی تھی جبکہ مسلم لیگ (ن) کے پارلیمانی پارٹی اجلاس میں بھی ارکان نے حمایت پر تحفظات کا اظہار کیا تھا۔

    آرمی ایکٹ ترمیمی بل 2020 کیا ہے؟
    یکم جنوری کو وزیراعظم عمران خان کی زیر صدارت وفاقی کابینہ کے ہنگامی اجلاس میں آرمی ایکٹ میں ترامیم کی منظوری دی گئی تھی۔

    وفاقی کابینہ نے سپریم کورٹ کے احکامات کی روشنی میں آرمی ایکٹ ترمیمی بل 2020 کی منظوری دی جس میں آرمی چیف کی مدت ملازمت اور توسیع کا طریقہ کار وضع کیاگیا۔

    آرمی ایکٹ ترمیمی بل میں ایک نئے چیپٹرکا اضافہ کیا گیا ہے، اس نئے چیپٹر کو آرمی چیف اور چیئرمین جوائنٹ چیفس آف اسٹاف کمیٹی کی تعیناتی کا نام دیا گیا ہے۔

    اس بل میں آرمی چیف کی تعیناتی کی مدت تین سال مقررکی گئی ہے جب کہ آرمی چیف کی مدت ملازمت پوری ہونے پر انہیں تین سال کی توسیع دی جا سکے گی۔

    ترمیمی بل کے مطابق وزیراعظم کی ایڈوائس پر قومی مفاد اور ہنگامی صورتحال کا تعین کیا جائے گا، آرمی چیف کی نئی تعیناتی یا توسیع وزیراعظم کی مشاورت پر صدر کریں گے۔

    'دوبارہ تعیناتی یا توسیع عدالت میں چیلنج نہیں کی جا سکے گی'
    ترمیمی بل کے تحت آرمی چیف کی تعیناتی، دوبارہ تعیناتی یا توسیع عدالت میں چیلنج نہیں کی جا سکے گی اور نہ ہی ریٹائر ہونے کی عمر کا اطلاق آرمی چیف پر ہوگا۔

    علاوہ ازیں ترمیمی بل کے مطابق پاک فوج، ائیر فورس یا نیوی سے تین سال کے لیے چیئرمین جوائنٹ چیفس آف اسٹاف کا تعین کیا جائے گا جن کی تعیناتی وزیراعظم کی مشاورت سے صدر کریں گے۔

    ترمیمی بل کے مطابق اگر چیئرمین جوائنٹ چیفس آف اسٹاف کمیٹی پاک فوج سے ہوا تو بھی اسی قانون کا اطلاق ہو گا، ساتھ ہی چیئرمین جوائنٹ چیفس آف اسٹاف کمیٹی کو بھی تین سال کی توسیع دی جاسکے گی۔

    واضح رہے کہ آرمی چیف جنرل قمر جاوید باجوہ کی مدت ملازمت 28 نومبر 2019 کی رات 12 بجے مکمل ہورہی تھی اور وفاقی حکومت نے 19 اگست کو جاری نوٹیفکیشن کے ذریعے انہیں3 سال کی نئی مدت کے لیے آرمی چیف مقرر کردیا تھا جسے سپریم کورٹ میں چیلنج کردیا گیا تھا۔

    سپریم کورٹ نے گذشتہ سال 28 نومبر کو آرمی چیف کی مدت ملازمت کیس کی سماعت کے دوران آرمی چیف جنرل قمر جاوید باجوہ کی مدت ملازمت میں 6 ماہ کی مشروط توسیع کرتے ہوئے پارلیمنٹ کو اس حوالے سے قانون سازی کرنے کا حکم دیا تھا۔
     
  2. جاسم محمد

    جاسم محمد محفلین

    مراسلے:
    16,176
    بھگوڑوں کی یہ اوقات ہے۔ سچ کا سامنا نہیں کر سکتے۔
     
  3. فرقان احمد

    فرقان احمد محفلین

    مراسلے:
    9,386
    واؤڈا صاحب چاہتے تو بوٹ کو سر پر بھی رکھ سکتے تھے۔ ہم ان کے اس ادھورے سچ پر خفا اور نالاں ہیں!
     
    • پسندیدہ پسندیدہ × 3
    • پر مزاح پر مزاح × 2
    • زبردست زبردست × 1
  4. جاسم محمد

    جاسم محمد محفلین

    مراسلے:
    16,176
    ن لیگ نواز شریف کی نااہلیت کے بعد مسلسل فوج کے خلاف کمپین کرتی رہی۔ آج ڈیل کے بعد فوج کے حق میں کمپین کر رہی ہے۔ تبدیلی آ نہیں رہی، تبدیلی آگئی ہے!
     
    • پسندیدہ پسندیدہ × 1
  5. جاسم محمد

    جاسم محمد محفلین

    مراسلے:
    16,176
    بوٹ کو دی گئی عزت پی پی پی اور ن لیگ کے چہروں پر عیاں ہے
    [​IMG]
     
  6. فرقان احمد

    فرقان احمد محفلین

    مراسلے:
    9,386
    آپ کا انصافین بھی اس معاملے میں کسی سے کم نہیں۔ برا نہ مانیے گا۔
     
    • پر مزاح پر مزاح × 1
  7. جاسم محمد

    جاسم محمد محفلین

    مراسلے:
    16,176
    لگتا ہے آپ یہ پروگرام دیکھے بغیر تبصرے کر رہے ہیں۔ واڈا کا موقف تھا کہ ہمارے بوٹ چاٹنے پر کسی کو ابہام نہیں تھا۔ لیکن ن لیگ اور پی پی پی نے کئی سالوں سے جو خود ساختہ کنفیوژن پیدا کی ہوئی تھی اسے ہم نے اب دور کر دیا ہے۔ یہ سنتے ساتھ ہی دونوں اپوزیشن جماعتوں کے نمائندے شو سے فرار ہو گئے :)
     
  8. جاسم محمد

    جاسم محمد محفلین

    مراسلے:
    16,176
    ن لیگ کی سوشل میڈیا ٹیم فوج کے حق میں ٹویٹ کر رہی ہے۔ بدلتا ہے رنگ آسمان کیسے کیسے۔ اب وہ خلائی مخلوق، محکمہ زراعت، سلیکٹرز والا بیانیہ کدھر ہے؟
    [​IMG]
    [​IMG]
     
  9. محمد تابش صدیقی

    محمد تابش صدیقی منتظم

    مراسلے:
    24,317
    جھنڈا:
    Pakistan
    موڈ:
    Breezy
    بوٹوں کی محبت میں ہم آشفتہ سروں نے
    وہ بوٹ بھی چاٹے ہیں جو فوجی بھی نہ تھے
     
    • پر مزاح پر مزاح × 4
  10. محمد تابش صدیقی

    محمد تابش صدیقی منتظم

    مراسلے:
    24,317
    جھنڈا:
    Pakistan
    موڈ:
    Breezy
    واوڈا کی حرکت پر
    پستی کا کوئی حد سے گزرنا دیکھے
     
    • متفق متفق × 1
  11. محمد وارث

    محمد وارث لائبریرین

    مراسلے:
    25,660
    جھنڈا:
    Pakistan
    موڈ:
    Depressed
    فیصل واوڈا کی انتہائی شرمناک حرکت ہے، ایسے شخض کو پبلک آفس ہولڈر نہیں ہونا یا رہنا چاہیئے!
     
    • متفق متفق × 4
  12. محمد وارث

    محمد وارث لائبریرین

    مراسلے:
    25,660
    جھنڈا:
    Pakistan
    موڈ:
    Depressed
    باقی جہاں تک نون لیگ کو شرمسار کرنے کی بات ہے تو ایک ذاتی تجربہ:

    پچھلے بارہ سال سے میرے ایک کولیگ ہیں، کٹر نون لیگی۔ جب سے نون لیگ نے "ووٹ کو عزت دو" کو نعرہ بلند کیا تھا انہوں نے نون لیگ کے قصیدے سنا سنا کر جینا حرام کیا ہوا تھا۔ اس ترمیم کے بعد سے چپ سادھ لی ہے۔ بہت منہ کھولیں تو ارشاد فرماتے ہیں کہ "یہ سیاستدان سب ایک جیسے ہیں"۔ ایک دن میں نے تنگ آ کر کہہ دیا کہ شکر ہے جناب آپ بھی نواز شریف کو عرشوں سے اتار کر باقی سب سیاستدانوں کے برابر لے آئے! :)
     
    • پر مزاح پر مزاح × 4
  13. فرقان احمد

    فرقان احمد محفلین

    مراسلے:
    9,386
    بصد شوق، شغل فرمائیں! اب ہم کیا برکت کی دعا دیں؟ کوئی ایسا کام فیصل صاحب نے نہیں کیا جس کی ستائش کی جائے۔ اپوزیشن پارٹیاں اپنے کیسز سے جان چھڑانے کے لیے ایسا کر رہی ہوں گی، تاہم، آپ کس لیے بوٹ چاٹنے کے شوق کا اظہار فرما رہے ہیں! کوئی وضاحت!؟؟؟؟
     
    آخری تدوین: ‏جنوری 15, 2020 5:02 صبح
    • زبردست زبردست × 1
  14. یاقوت

    یاقوت محفلین

    مراسلے:
    389
    موڈ:
    Breezy
    ہو سکتا ہے زبان حال سے وہ یہی بتانا چاہتے ہوں کہ اب برا حال ہے وزن اٹھایا نہیں جاتا:p:p:p:p
     
    • پر مزاح پر مزاح × 2
  15. جاسم محمد

    جاسم محمد محفلین

    مراسلے:
    16,176
    بالکل غیر اخلاقی حرکت ہے اور ایک وفاقی وزیر کو زیب نہیں دیتی۔ البتہ جس ڈھٹائی سے ن لیگ اور پی پی پی والے “ووٹ کو عزت دو” کا ڈرامہ کرتے رہے ہیں۔ ان کو ایکسپوز کرنے کا اس سے بہتر اور کوئی طریقہ موجود نہیں تھا۔
    بوٹ کو سامنے دیکھتے ہی پی پی پی کے سینیر قمر زمان قائرہ تھر تھر کانپنے لگے۔ اور کچھ اول فول بک کر ۵ منٹ کے اندر اندر شو سے رفو چکر ہو گئے۔ اپنے لیگی کولیگ کو بھی ساتھ لے گئے :)
     
    • پر مزاح پر مزاح × 1
  16. عدنان عمر

    عدنان عمر محفلین

    مراسلے:
    574
    جھنڈا:
    Pakistan
    موڈ:
    Cool
    "لیگی کولیگ"
    واہ! کیا لطیف طنز ہے۔
    آپ کی بات سے اتفاق ہو یا اختلافات، ریٹنگ پرمزاح کی بنتی ہے اس اصطلاح پر۔
     
    • دوستانہ دوستانہ × 1
  17. محمد وارث

    محمد وارث لائبریرین

    مراسلے:
    25,660
    جھنڈا:
    Pakistan
    موڈ:
    Depressed
    آپ کو یہ جملہ یوں لکھنا چاہیئے تھا کہ "ان کو ایکسپوز کرنے کا اور کوئی "شریفانہ" طریقہ موجود نہیں تھا۔"
     
    • پر مزاح پر مزاح × 3
    • پسندیدہ پسندیدہ × 1
    • زبردست زبردست × 1
  18. سید عاطف علی

    سید عاطف علی محفلین

    مراسلے:
    7,599
    جھنڈا:
    SaudiArabia
    موڈ:
    Cheerful
    حیرت ہے کہ واوڈا کی اس حرکت پر اتنا کیوں شور مچا ! (اگر چہ مذموم ہی ہے ، بھلا اس کی کون تعریف کرے گا )
    اپنی ٹی وی چینلوں کی روایتوں میں واوڈا کی یہ حرکت کوئی نئی بات نہیں اس سے قبل تو کوئی صاحب (یا شاید صاحبہ اگر مجھے درست یاد ہو) ایک پروگرام میں لوٹا بھی پیش کر چکے ( یا چکی) ہیں ۔
    اصل بات یہ ہے کہ بوٹ کی چوٹ گہری زیادہ تھی ورنہ یہ نکٹے سیاسی صدا کار اگر چاہیں تو کیا کچھ ہضم نہیں کر سکتے ۔
     
    • پسندیدہ پسندیدہ × 1
    • زبردست زبردست × 1
    • متفق متفق × 1
  19. فرقان احمد

    فرقان احمد محفلین

    مراسلے:
    9,386
    عاطف بھیا اگر ایک عام سیاست دان بوٹ لے بھی آئے تو اس کی اس قدر اہمیت نہ ہے تاہم اگر کوئی وزیر مشیر ٹی وی پروگرام میں اس طرح کی مذموم حرکت کرے تو اس کے قبیح اثرات پورے معاشرے پر مرتب ہوتے ہیں یا ہو سکتے ہیں۔ یہ روایت پختہ ہو گئی تو کل کلاں کیا بعید کہ مخالفین تحریک انصاف کے خلاف کوئی ایسا مواد ہاتھ میں پکڑ کر لے آئیں جو انہیں ناگوار گزرے۔ اس لیے، ایسی حرکت کی مذمت ہی کی جانی چاہیے، اور وہ بھی بھرپور انداز میں۔
     
    • پسندیدہ پسندیدہ × 1
    • دوستانہ دوستانہ × 1
    • پر مزاح پر مزاح × 1
  20. سید عاطف علی

    سید عاطف علی محفلین

    مراسلے:
    7,599
    جھنڈا:
    SaudiArabia
    موڈ:
    Cheerful
    فرقان بھائی ۔آپ کی بات سے بالکل انکار نہیں ۔ یہ ایک انتہائی مذموم حرکت ہے ۔
    لیکن یہ بھی ایک حقیقت ہے کہ ہماری اخلاقی حالت اس واقعے سے کہیں زیادہ مخدوش اور کھوکھلی ہے ۔
     
    • دوستانہ دوستانہ × 1
    • متفق متفق × 1

اس صفحے کی تشہیر