غم

[راجہ صاحب]

نہ سوالِ وصل، نہ غرضِ غم، نہ حکایتیں نہ شکایتیں
ترے عہد میں دلِ زار کے سبھی اختیار چلے گئے

فیض احمد فیض

 

[شمشاد]

غمِ حیات سے بے شک ہے خود کشی آسان
مگر جو موت بھی شرما گئی تو کیا ہوگا
(احسان دانش)

 

[راجہ صاحب]

گماں تھا عمر لگ جائے گی اس حیرانی ِغم میں
مگر ہم شامِ وحشت کی گرانی سے نکل آئے

 

[شمشاد]

آخری رشتہ تو ہم میں اک خوشی اک غم کا تھا
مسکراتے جائیے آنسو بہاتے جائیے
(جون ایلیا)

 

[تانیہ]

غم بھی دیئے تو یوں واپس نہ لیے کبھی
انکے ہماری ذات پر احسان ہی رہے

 

[شمشاد]

غمِ حیات سے بے شک ہے خود کشی آسان
مگر جو موت بھی شرما گئی تو کیا ہوگا
(احسان دانش)

 

[راجہ صاحب]

یہ سزا ملنی تھی لمحہ، رازداری کی تجھے
تیرے شعروں میں ترا ہر غم بیاں ہو جائے گا

 

[شمشاد]

بہت سہی غمِ گیتی، شراب کم کیا ہے؟
غُلامِ ساقئ کوثر ہوں، مجھ کو غم کیا ہے
(غالب)

 

[راجہ صاحب]

میری قسمت میں غم گر اتنا تھا
دل بھی یا رب کئی دئیے ہوتے

نامعلوم

 

[شمشاد]

راجہ صاحب یہ مرزا غالب کی غزل کا شعر ہے :

میری قسمت میں غم گر اتنا تھا
دل بھی یا رب کئی دیے ہوتے
آ ہی جاتا وہ راہ پر غالبؔ
کوئی دن اور بھی جیے ہوتے
- - - - - - - - - - - - - - - - - - -

ہم کو کس کے غم نے مارا یہ کہانی پھر سہی
کس نے توڑا دل ہمارا یہ کہانی پھر سہی
(مسرور انور)

 

[راجہ صاحب]

اب سامنے سورج کے یہ اشکِ مسلسل کی
برسات نہیں چلتی ،غم کام نہیں دیتا

منصور آفاق

 

[تانیہ]

غم مستقل رہے تو خوشی بھی کبھی رہی
اک بیوفا سے اپنی بڑی دوستی رہی

 

[راجہ صاحب]

غمِ جہاں ہو، غمِ یار ہو کہ تیر ستم
جو آئے، آئے کہ ہم دل کشادہ رکھتے ہیں

فیض

 

[شمشاد]

غم کے بھروسے کیا کچھ چھوڑا، کیا اب تم سے بیان کریں
غم بھی راس نہ آیا دل کو، اور ہی کچھ سامان کریں
(میرا جی)

 

[راجہ صاحب]

جلنا کہاں تھا دامنِ شب میں چراغِ غم
پھیلا ہوا گلی میں اجالا کہیں کا تھا

منصور آفاق

 

[جاسمن]

غم سے اب ہوگی براہ راست میری گفتگو
دوستو تیمار دارو غم گسارو تخلیہ
رحمان فارس

 

[جاسمن]

رہی نہ یاروں سے امید غم گساری کی
گھر آئے گریہ کیا آئنے سے باتیں کیں
(عدنان محسن)

 

[طاہر شیخ]

کچھ آپ کا غم کچھ غم جاں کچھ غم دنیا
دامن میں مرے پھول بھی ہیں خار بھی خس بھی

عظیم مرتضی

 

[سیما علی]

غم کی کِس شکل میں تشکِیل ہُوئی جاتی ہے
آدمیت کی بھی تذلِیل ہُوئی جاتی ہے
رشید حسرت

 

[سیما علی]

دکھ ہی ایسا تھا کہ محسنؔ ہوا گم سم ورنہ
غم چھپا کر اسے ہنستے ہوئے اکثر دیکھا
محسن نقوی