جاوید اختر غزل ۔ یہ تسلّی ہے کہ ہیں ناشاد سب ۔ جاوید اختر

[محمداحمد]

غزل​

​

یہ تسلّی ہے کہ ہیں ناشاد سب​

میں اکیلا ہی نہیں، برباد سب​

​

سب کی خاطر ہیں یہاں سب اجنبی​

اور کہنے کو ہیں گھر آباد سب​

​

بھول کے سب رنجشیں سب ایک ہیں​

میں بتاؤں سب کو ہوگا یاد سب​

​

سب کو دعوائے وفا، سب کو یقیں​

اس اداکاری میں ہیں اُستاد سب​

​

شہر کے حاکم کا یہ فرمان ہے​

قید میں کہلائیں گے آزاد سب​

​

چار لفظوں میں کہو، جو بھی کہو​

اُس کو کب فرصت سُنے فریاد سب​

​

تلخیاں کیسے نہ ہوں اشعار میں​

ہم پہ جو گزری، ہمیں ہے یاد سب​

​

جاوید اختر​

 

[سید ذیشان]

شکریہ احمد بھائی شیئر کرنے کے لئے

 

[نیرنگ خیال]

سب کو دعوائے وفا، سب کو یقیں​

اس اداکاری میں ہیں اُستاد سب​

واہ کیا کہنے۔۔۔۔ ​

 

[تبسم]

تلخیاں کیسے نہ ہوں اشعار میں ​

ہم پہ جو گزری، ہمیں ہے یاد سب​

​