جمال احسانی غزل ۔ کیاری کیاری خالی ہے ۔ جمال ؔ احسانی

[محمداحمد]

غزل ​

​

کیاری خالی خالی ہے​

گہری سوچ میں مالی ہے​

​

رنگ ہے وہ اُڑنے والا​

آنکھ وہ بھولنے والی ہے​

​

اُکتا کر تنہائی سے​

اک تصویر بنالی ہے​

​

ہات ہوا میں لہرائے​

گاڑی جانے والی ہے​

​

نامانوس لب و لہجہ​

صورت دیکھی بھالی ہے​

​

مائیں دروازوں پر ہیں​

بارش ہونے والی ہے​

​

کچھ نہیں اُس کی مُٹھی میں​

میرا ہاتھ بھی خالی ہے​

​

پھر افشا اک راز ہوا​

پھر اک بات چھپا لی ہے​

​

لہرائی زخموں کی فصل​

بدن بدن ہریالی ہے​

​

اب یہ بوڑھی دنیا، جمالؔ​

آنکھ جھپکنے والی ہے​

​

جمالؔ احسانی ​