سلیم کوثر غزل ۔ پرندے اُجڑے ہوئے آشیاں پہ بیٹھے ہوئے ۔ سلیم کوثر

[محمداحمد]

غزل ​

​

پرندے اُجڑے ہوئے آشیاں پہ بیٹھے ہوئے​

زمیں کو دیکھتے ہیں آسماں پہ بیٹھے ہوئے​

​

وہ خوابِ امن دکھایا گیا کہ خوش ہیں بہت​

ہم اپنے عہد کے آتش فشاں پہ بیٹھے ہوئے​

​

مژہ سے قطرہء خوں کی طرح ٹپکتے ہیں​

ستارے کشتی ء آبِ روں پہ بیٹھے ہوئے​

​

زمانہ جن کے تجسس میں سرگراں ہے وہ لوگ​

ہوئے ہیں سنگ ترے آستاں پہ بیٹھے ہوئے​

​

نہ اہلِ دیر ہی خوش ہیں، نہ جن سے اہلِ حرم​

کچھ ایسے حرف ہیں میری زباں پہ بیٹھے ہوئے​

​

وہ کون تھے جو کہیں گردِ رہ گُزر ٹھہرے​

یہ کون ہیں درِ آئندگاں پہ بیٹھے ہوئے​

​

سلیم کوثر​

 

[عاطف بٹ]

وہ خوابِ امن دکھایا گیا کہ خوش ہیں بہت
ہم اپنے عہد کے آتش فشاں پہ بیٹھے ہوئے
واہ، بہت خوب۔

 

[مدیحہ گیلانی]

زمانہ جن کے تجسس میں سرگراں ہے وہ لوگ​

ہوئے ہیں سنگ ترے آستاں پہ بیٹھے ہوئے۔
واہ ۔۔۔کیا ہی عمدہ غزل ہے۔​

 

[محمداحمد]

وہ خوابِ امن دکھایا گیا کہ خوش ہیں بہت
ہم اپنے عہد کے آتش فشاں پہ بیٹھے ہوئے
واہ، بہت خوب۔

بہت شکریہ عاطف بٹ صاحب

 

[محمداحمد]

زمانہ جن کے تجسس میں سرگراں ہے وہ لوگ​

ہوئے ہیں سنگ ترے آستاں پہ بیٹھے ہوئے۔​

واہ ۔۔۔ کیا ہی عمدہ غزل ہے۔​

انتخاب کی پسندیدگی کا شکریہ مدیحہ گیلانی صاحبہ