سیماب اکبر آبادی غزل ۔ لیجیے دل کی نہ مانی اُٹھ چلے محفل سے ہم - سیماب اکبر آبادی

فرحان محمد خان نے 'پسندیدہ کلام' کی ذیل میں اس موضوع کا آغاز کیا، ‏جنوری 21, 2019

  1. فرحان محمد خان

    فرحان محمد خان محفلین

    مراسلے:
    2,145
    جھنڈا:
    Pakistan
    موڈ:
    Cheeky
    غزل
    لیجیے دل کی نہ مانی اُٹھ چلے محفل سے ہم
    یہ نہ سوچا آپ نے، دِل ہم سے ہے یا دِل سے ہم

    اب نہ دل مانوُس ہے ہم سے ، نہ خوش ہیں دل سے ہم
    یہ کہاں کا روگ لے آئے تری محفل سے ہم

    اپنے دل کی محفلِ وِیراں سجانے کے لئے
    اک نئی تصوِیر لے آتے ہیں ہر محفِل سے ہم

    ہائے وہ ہر سُو نگاہی، وہ جنوں، وہ شورشیں
    بے دلی یہ تو بتا پھر کب مِلیں گے دل سے ہم

    دل کے ٹکڑے، خاک پروانوں کی، آنسو شمع کے
    کچھ نہ کچھ لے کر اُٹھیں گے آپ کی محفل سے ہم

    غور کرنا ہے مآلِ شامِ محفِل پر ہمیں
    چھان کر لائے ہیں کچھ، خاکسترِ محفل سے ہم

    دیکھیے اس خانۂ وِیرانی کا کیا انجام ہو
    اپنی دنیا لے کے نکلے ہیں کسی کے دِل سا ہم

    بانئ محفل سلامت تیرا جبر و اِختیار
    آج خالی ہاتھ اُٹھتے ہیں تری محفِل سے ہم

    دل میں حسرت، آنکھ میں حیرت، نظر میں محوِیت
    ایک محفِل لے کے اٹھّے ہیں تری محفِل سے ہم

    آؤ ڈھونڈیں پھر کہیں کھوئے ہُوئے جلوے کلِیم
    طوُر سے تم روشنی پھینکو، سوادِ دل سے ہم

    دیکھنا سیمابؔ جنت میں ہماری نازشیں
    پھر اُسی محفل میں ہیں نِکلے تھے جس محفِل سے ہم

    ہیں کہاں سیماب، گہرائی کے موتی دستیاب
    کچھ صدف پارے ہیں، جو چُن لائے ہیں ساحل سے ہم
    علامہ سیماب اکبر آبادی
     
    • پسندیدہ پسندیدہ × 1
    • زبردست زبردست × 1
  2. سردار محمد نعیم

    سردار محمد نعیم محفلین

    مراسلے:
    1,911
    جھنڈا:
    Pakistan
    موڈ:
    Aggressive
    واہ واہ بہت عمدہ انتخاب !!!!
     
    • دوستانہ دوستانہ × 1
  3. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,936
    جھنڈا:
    Pakistan
    موڈ:
    Cheerful
    زبردست لاجواب ہر ایک اشعار ،
    بہت عمدہ شراکت ۔
     
    • متفق متفق × 1

اس صفحے کی تشہیر