شکیل بدایونی غزل ۔ رہِ وفا میں کوئی صاحبِ جنوں نہ ملا ۔ شکیل بدایونی

[محمداحمد]

غزل ​

​

رہِ وفا میں کوئی صاحبِ جنوں نہ ملا​

دلوں میں عزم تو پائے رگوں میں خوں نہ ملا​

​

ہزار ہم سے مقدر نے کی دغا لیکن​

ہمیں مٹا کے مقّدر کو بھی سکوں نہ ملا​

​

گلوں کے رُخ پہ وہی تازگی کا عالم ہے​

نہ جانے ان کو غمِ روزگار کیوں نہ ملا​

​

کہاں سے لائے وہ اک بوالہوس مذاقِ سلیم​

جسے نظر تو ملی، جذبہء دروں نہ ملا​

​

مِلی تھیں ترکِ محبت کے بعد بھی آنکھیں​

مگر وہ کیف، وہ اعجاز، وہ فسوں نہ ملا​

​

فلک شگاف تھا اس درجہ اضطرابِ عمل​

کہ بندگی میں فرشتوں کو بھی سکوں نہ ملا​

​

نہ جانے کس کے سہارے رُکا ہوا ہے فلک​

ہمیں تو فرشِ زمیں پر کوئی ستوں نہ ملا​

​

شکیل بدایونی​