غزل- کھویا کھویا اداس سا ہو گا-بلراج کومل

[پیاسا صحرا]

غزل

کھویا کھویا اداس سا ہو گا
تم سے وہ شخص جب ملا ہو گا

قرب کا ذکر جب چلا ہو گا
درمیاں کوئی فاصلہ ہو گا

روح سے روح ہو چکی بدظن
جسم سے جسم کب جدا ہو گا

پھر بلایا ہے اس نے خط لکھ کر
سامنے کوئی مسئلہ ہو گا

گھر میں سب لوگ سو رہے ہوں گے
پھول آنگن میں جل چکا ہو گا

کل کی باتیں کرو گے جب لوگو
خوف سا دل میں رو نما ہو گا

بلراج کومل​

 

[شاہ حسین]

اچھا انتخاب ہے شامل محفل کرنے کا بہت شکریہ ۔

 

[محمد وارث]

شکریہ جناب شیئر کرنے کیلیے!

 

[مغزل]

بہت بہت شکریہ پیا سا صحرا صاحب ، واہ بہت خوب انتخاب ہےو اہ