فرحان محمد خان
محفلین
غزل
بزم میں مجھ سے کشیدہ بتِ مغرور رہا
پاس بیٹھا تو رہا میرے مگر دُور رہا
نشۂ بادۂ توحید نہ اُترا سرِ دار
نغمہ پردازِ اناالحق لبِ منصور رہا
دمِ گلگشت نہ دامن سے کسی کے اُلجھا
سب سے خارِ سرِ دیوار چمن دُور رہا
تاب نظارہ نہ لائی نظرِ عشق مگر
شعلۂ حُسنِ دل افروز سرِ طور رہا
رشک اس بات پہ آتا ہے صفیؔ سنکے مجھے
کل کسی بزم میں شب پھر مرا مذکور رہا
بزم میں مجھ سے کشیدہ بتِ مغرور رہا
پاس بیٹھا تو رہا میرے مگر دُور رہا
نشۂ بادۂ توحید نہ اُترا سرِ دار
نغمہ پردازِ اناالحق لبِ منصور رہا
دمِ گلگشت نہ دامن سے کسی کے اُلجھا
سب سے خارِ سرِ دیوار چمن دُور رہا
تاب نظارہ نہ لائی نظرِ عشق مگر
شعلۂ حُسنِ دل افروز سرِ طور رہا
رشک اس بات پہ آتا ہے صفیؔ سنکے مجھے
کل کسی بزم میں شب پھر مرا مذکور رہا
صفیؔ لکھنوی
آخری تدوین:
