غزل: صورت زخم دل و درد جگر آتا ہے

Sarwar A. Raz نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏اگست 26, 2005

  1. Sarwar A. Raz

    Sarwar A. Raz محفلین

    مراسلے:
    28
    غزل

    صورت زخم دل و درد جگر آتا ہے
    وہ مرے پاس بہ انداز دگر آتا ہے!

    دل سر بزم خودی خاک بہ سر آتاہے
    صبح کا بھولا ہوا شام کو گھر آتا ہے

    یہ بتادے وہ تری یاد کا جھونکا تو نہیں
    گل بداماں جو سر شام و سحر آتا ہے؟

    زندگی بیت گئی شکوہ ہجراں کرتے
    دیکھنے کب ہمیں جینے کا ہنر آتا ہے

    صبح سے دل کو یہ دھڑکا سا لگا رہتا ہے
    نامہ بر دیکھئے کیا لے کے خبر آتا ہے

    منزل غم میں مجھے اتنے ہوئے ہیں دھوکے
    تجھ سے اب آنکھ ملاتے ہوئے ڈر آتا ہے

    بیخودی بن گئی تمہید خودآگاہی کی
    ایک مدت میں یہ انداز نظر آتا ہے

    “سرور“ اتنا بھی تو حالات سے مایوس نہ ہو
    آتے آتےہی دعاوں میں اثر آتا ہے!
     
  2. منہاجین

    منہاجین محفلین

    مراسلے:
    672
    شاعری میں ضروری اِعراب کی اہمیت

    کیا کمال غزل ہے، بہت لطف ملا۔

    ایک گزارش ہے کہ اگر آپ شاعری لکھتے ہوئے ضروری اِعراب لگا دیں تو پہلی ہی جست میں بندہ صحیح معنوں میں حظ لے سکتا ہے۔
     
  3. Sarwar A. Raz

    Sarwar A. Raz محفلین

    مراسلے:
    28
    مکرمی منہاجین صاحب: آداب

    غزل کی داد کے لئے ممنون ہوں۔ میں کوشش کروں گا کہ آئندہ اعراب لگا دیا کروں۔ البتہ جس سست رفتاری سے یہ چوپال چل رہی ہے اس کے پیش نظر یہ کوشش تحصیل لا حاصل کے مترادف ہو گی۔ آپ کا کیا خیال ہے کہ یہاں سے لوگ گریزاں کیوں ہیں؟
    سرور عالم راز “سرور“
     
  4. sahil

    sahil محفلین

    مراسلے:
    1
    ia a goood gazal
     
  5. دوست

    دوست محفلین

    مراسلے:
    13,049
    جھنڈا:
    Germany
    موڈ:
    Fine
    سرور صاحب
    آپ نراش نہ ہوں۔اصل میں اردو ویب پر میرے جیسے جو لوگ موجود ہیں اول تو کام کررہے ہیں۔ جیسا کہ آپ کے سامنے ہے کہ کئی پراجیکٹ چل رہے ہیں۔
    دوسرے ہم خود کو اس قابل نہیں‌پاتے کہ رائے دے سکیں۔آپ اپنی ہر تخلیق یہاں ضرور دیا کیجیے۔یہ بات ٹھیک ہے کہ فیڈ بیک لکھاری کا حق ہوتا ہے۔تاہم ہماری کوتاہی سمجھ کر معاف فرما دیا کیجیے۔ آہستہ آہستہ سب ٹھیک ہوجائے گا۔
    ویسے غزل آپ کی خوبصورت ہے۔پسند آئی۔
     
  6. زیک

    زیک محفلین

    مراسلے:
    38,238
    جھنڈا:
    UnitedStates
    موڈ:
    Amused
    دوست: آپ نے شاید غور نہیں کیا کہ سرور صاحب نے یہ اگست میں لکھا تھا جب محفل کافی نئی تھی۔
     

اس صفحے کی تشہیر