محمد تابش صدیقی
منتظم
رہ گئی تھم کے گردشِ دوراں
روز و شب سے گزر گیا انساں
کیا غمِ عشق، کیا غمِ دوراں
زندگی درد، زندگی درماں
بیکسی ڈھونڈتی ہے اک ساحل
حوصلے چاہتے ہیں سو طوفاں
اہلِ دل اب خطا کریں نہ کریں
کھل چکا ہے مگر درِ زنداں
لذتِ درد اور بڑھ جاتی
آپ کرتے جو کاوشِ درماں
حادثے بن گئے شریکِ سفر
منزلِ شوق ہو گئی آساں
سو گئے آج تو سمجھ لیجے
جاوداں ہو گئی شبِ ہجراں
زندگی کا اگر شعور ملے
زندگی خود ہے چشمۂ حیواں
٭٭٭
قابلؔ اجمیری
روز و شب سے گزر گیا انساں
کیا غمِ عشق، کیا غمِ دوراں
زندگی درد، زندگی درماں
بیکسی ڈھونڈتی ہے اک ساحل
حوصلے چاہتے ہیں سو طوفاں
اہلِ دل اب خطا کریں نہ کریں
کھل چکا ہے مگر درِ زنداں
لذتِ درد اور بڑھ جاتی
آپ کرتے جو کاوشِ درماں
حادثے بن گئے شریکِ سفر
منزلِ شوق ہو گئی آساں
سو گئے آج تو سمجھ لیجے
جاوداں ہو گئی شبِ ہجراں
زندگی کا اگر شعور ملے
زندگی خود ہے چشمۂ حیواں
٭٭٭
قابلؔ اجمیری
