غزل: جاہل سے قیادت کی امید نہیں کرتے

[عرفان علوی]

احباب گرامی ، سلام عرض ہے !
آج بَیاض میں ایک پرانی غزل نگاہ سے گزری . سوچا آپ كے اعلیٰ ذوق کی نذر کروں . شاید کسی قابل ہو .

جاہل سے قیادت کی امید نہیں کرتے
ہَم آج كےميروں کی تقلید نہیں کرتے

حق بات کہے وہ تو لبیک کہو لیکن
ہر نعرۂ قائد کی تائید نہیں کرتے

تنقیص و تعرّض كے پیمانے بناؤ کچھ
بےوجہ کسی شئے کی تردید نہیں کرتے

دنیا کو تو ٹوکا ہے سو بار خطاؤں پر
ہَم خود کو کبھی لیکن تاکید نہیں کرتے

مصروف زمانہ ہے، سو کہتے ہیں مطلب کی
ہَم بات میں تکلیفِ تمہید نہیں کرتے

بھولے سے کہیں ہَم کو دشمن نہ سمجھ بیٹھیں
یاروں پہ ہَم اِس ڈر سے تنقید نہیں کرتے

ہر دور كے رنگوں میں ڈھالا ہے طبیعت کو
یہ کس نے کہا ہے ہَم تجدید نہیں کرتے؟

ہَم سائے پریشاں ہوں تو کیسی خوشی عابؔد
جب شہر میں ماتم ہو، ہَم عید نہیں کرتے​

نیازمند ،
عرفان عابدؔ

 

[یاسر شاہ]

بھولے سے کہیں ہَم کو دشمن نہ سمجھ بیٹھیں
یاروں پہ ہَم اِس ڈر سے تنقید نہیں کرتے

ہَم سائے پریشاں ہوں تو کیسی خوشی عابؔد
جب شہر میں ماتم ہو، ہَم عید نہیں کرتے

تنقیص و تعرّض كے پیمانے بناؤ کچھ
بےوجہ کسی شئے کی تردید نہیں کرتے

ماشاء اللہ علوی صاحب اچھی غزل ہے۔ یہ اشعار دل کو بھائے۔جزاک اللہ خیر

 

[محمد عبدالرؤوف]

بہت اچھی غزل ہے عابد بھائی ماشاء اللہ

تنقیص و تعرّض كے پیمانے بناؤ کچھ
بےوجہ کسی شئے کی تردید نہیں کرتے

واہ واہ بہت خوب۔۔۔۔

 

[عرفان علوی]

ماشاء اللہ علوی صاحب اچھی غزل ہے۔ یہ اشعار دل کو بھائے۔جزاک اللہ خیر

یاسر بھائی ، نوازش كے لیے ممنون ہوں . جزاک اللہ !

 

[عرفان علوی]

بہت اچھی غزل ہے عابد بھائی ماشاء اللہ

واہ واہ بہت خوب۔۔۔۔

عبدالرؤوف صاحب ، حوصلہ افزائی کا شکریہ !

 

[محمد خلیل الرحمٰن]

احباب گرامی ، سلام عرض ہے !
آج بَیاض میں ایک پرانی غزل نگاہ سے گزری . سوچا آپ كے اعلیٰ ذوق کی نذر کروں . شاید کسی قابل ہو .

جاہل سے قیادت کی امید نہیں کرتے
ہَم آج كےميروں کی تقلید نہیں کرتے

حق بات کہے وہ تو لبیک کہو لیکن
ہر نعرۂ قائد کی تائید نہیں کرتے

تنقیص و تعرّض كے پیمانے بناؤ کچھ
بےوجہ کسی شئے کی تردید نہیں کرتے

دنیا کو تو ٹوکا ہے سو بار خطاؤں پر
ہَم خود کو کبھی لیکن تاکید نہیں کرتے

مصروف زمانہ ہے، سو کہتے ہیں مطلب کی
ہَم بات میں تکلیفِ تمہید نہیں کرتے

بھولے سے کہیں ہَم کو دشمن نہ سمجھ بیٹھیں
یاروں پہ ہَم اِس ڈر سے تنقید نہیں کرتے

ہر دور كے رنگوں میں ڈھالا ہے طبیعت کو
یہ کس نے کہا ہے ہَم تجدید نہیں کرتے؟

ہَم سائے پریشاں ہوں تو کیسی خوشی عابؔد
جب شہر میں ماتم ہو، ہَم عید نہیں کرتے​

نیازمند ،
عرفان عابدؔ

واہ ! کیا خوب !

 

[محمد عدنان اکبری نقیبی]

ماشاءاللّٰه
عرفان بھائی بہت لاجواب اور زبردست غزل پیش کی ۔
یہ شعر تو بہت ہی زبردست ہے

ہَم سائے پریشاں ہوں تو کیسی خوشی عابؔد
جب شہر میں ماتم ہو، ہَم عید نہیں کرتے

 

[عرفان علوی]

واہ ! کیا خوب !

خلیل بھائی ، بہت نوازش . جزاک اللہ !

 

[عرفان علوی]

ماشاءاللّٰه
عرفان بھائی بہت لاجواب اور زبردست غزل پیش کی ۔
یہ شعر تو بہت ہی زبردست ہے

عدنان صاحب ، ذرہ نوازی كے لیے بے حد ممنون ہوں . جزاک اللہ !

 

[خورشیداحمدخورشید]

ماشااللہ!
بہت خوب! تمام اشعار بہت اعلٰی۔
سر! پوری غزل آپ نے بولڈ لہجے میں کہی ہے۔ یہ شعر ویسے بہت اچھا ہے لیکن اس بولڈنیس سے ہٹ کے ہے (یہ تنقید نہیں تجزیہ ہے)

بھولے سے کہیں ہَم کو دشمن نہ سمجھ بیٹھیں
یاروں پہ ہَم اِس ڈر سے تنقید نہیں کرتے​

 

[امین شارق]

بہت اچھی غزل ہے عابد بھائی ماشاء اللہ

 

[الف عین]

اچھی غزل ہے عرفان

 

[عرفان علوی]

ماشااللہ!
بہت خوب! تمام اشعار بہت اعلٰی۔
سر! پوری غزل آپ نے بولڈ لہجے میں کہی ہے۔ یہ شعر ویسے بہت اچھا ہے لیکن اس بولڈنیس سے ہٹ کے ہے (یہ تنقید نہیں تجزیہ ہے)

بھولے سے کہیں ہَم کو دشمن نہ سمجھ بیٹھیں
یاروں پہ ہَم اِس ڈر سے تنقید نہیں کرتے​

خورشید صاحب ، ستائش كے لیے متشکر ہوں . جزاک اللہ . بھائی ، آپ تنقید بھی کرینگے تو خاکسار کو کوئی شکایت نہ ہوگی انشاءاللہ . آپ کا تجزیہ دلچسپ ہے لہٰذا اِس پر چند باتیں عرض ہیں . آپ کو تو علم ہو گا ہی کہ غزل کا ہر شعر اپنے آپ میں ایک مکمل بیان ہوتا ہے . اگر غزل مسلسل نہ ہو تو اس كے اشعار كے موڈ کا مختلف ہونا عام ہے . ہاں ، اگر غزل ایک ہی نشست میں کہی گئی ہو تو مسلسل نہ ہوتے ہوئے بھی اس كے اشعار کا موڈ ایک جیسا ہوسکتا ہے . اور میرے ساتھ واقعہ یہ ہے میری ناچیز غزلیات کی تکمیل ایک نشست میں شاذ و نادر ہی ہوتی ہے . ویسے چلتے چلتے یہ بھی عرض ہے کہ یاروں پر طنز كے لیے بھی خاصی بولڈنیس چاہیے . غرض یہ کہ مذکورہ شعر ایسا مجبور بھی نہیں جیسا آپ کو نظر آ رہا ہے .

 

[عرفان علوی]

بہت اچھی غزل ہے عابد بھائی ماشاء اللہ

امین صاحب ، بڑی مہربانی . جزاک اللہ !

 

[عرفان علوی]

اچھی غزل ہے عرفان

محترم اعجاز صاحب ، آپ کی داد میرے لیے بے انتہا خوشی کا باعث ہے . جزاک اللہ !

 

[خورشیداحمدخورشید]

خورشید صاحب ، ستائش كے لیے متشکر ہوں . جزاک اللہ . بھائی ، آپ تنقید بھی کرینگے تو خاکسار کو کوئی شکایت نہ ہوگی انشاءاللہ . آپ کا تجزیہ دلچسپ ہے لہٰذا اِس پر چند باتیں عرض ہیں . آپ کو تو علم ہو گا ہی کہ غزل کا ہر شعر اپنے آپ میں ایک مکمل بیان ہوتا ہے . اگر غزل مسلسل نہ ہو تو اس كے اشعار كے موڈ کا مختلف ہونا عام ہے . ہاں ، اگر غزل ایک ہی نشست میں کہی گئی ہو تو مسلسل نہ ہوتے ہوئے بھی اس كے اشعار کا موڈ ایک جیسا ہوسکتا ہے . اور میرے ساتھ واقعہ یہ ہے میری ناچیز غزلیات کی تکمیل ایک نشست میں شاذ و نادر ہی ہوتی ہے . ویسے چلتے چلتے یہ بھی عرض ہے کہ یاروں پر طنز كے لیے بھی خاصی بولڈنیس چاہیے . غرض یہ کہ مذکورہ شعر ایسا مجبور بھی نہیں جیسا آپ کو نظر آ رہا ہے .

سر! آپکی محبت کا شکریہ۔