غزل برائے اصلاح : نشہ ہے تم کو ابھی

[عمار ابن ضیا]

غزل
اصلاح کے لیے

نشہ ہے تم کو ابھی اپنی جس جوانی کا
بہت قریب ہے انجام اس کہانی کا

وہ سہہ رہا ہے تِرے نام کی بھی رسوائی
سمجھ رہے ہو جسے اپنے نام پر ٹیکا

اگرچہ دیر ہی سے، مان جاؤگے لیکن
جو ہم نہیں ہوں تو محفل کا رنگ ہو پھیکا

وہ ایک مرضِ محبت کہ چھوڑتا ہی نہیں
ہر اِک طبیب لگاوے ہے زور چوٹی کا

ہزار کاموں میں مشغول ہم رہے عمار!
مگر چکا نہ سکے قرض اپنی مٹی کا​

 

[عمار ابن ضیا]

عرصے بعد آمد ہوئی ہے۔ اور اس میں بھی کچھ نقائص ہیں، جیسے کہ مطلع میں۔ غزل کا ردیف "ی کا" ہے جبکہ مطلع کا ردیف "نی کا" ہے۔

 

[محمد امین]

تمہارا "موڈ" اور غزل کا رنگ کچھ چغلی کھا رہا ہے ۔۔۔۔ ہاہاہا


میرے بھائی بہت اچھا لکھا ہے، اچھے خیالات کو رقم کیا ہے، اغلاط تو اساتذہ ہی بتائیں گے، مجھے تو بہت اچھی لگی غزل۔۔۔ہاں بس وہی ردیف میں تھوڑا اٹکا میں۔۔۔

 

[عمار ابن ضیا]

تمہارا "موڈ" اور غزل کا رنگ کچھ چغلی کھا رہا ہے ۔۔۔۔ ہاہاہا


میرے بھائی بہت اچھا لکھا ہے، اچھے خیالات کو رقم کیا ہے، اغلاط تو اساتذہ ہی بتائیں گے، مجھے تو بہت اچھی لگی غزل۔۔۔ہاں بس وہی ردیف میں تھوڑا اٹکا میں۔۔۔

شکریہ امین۔۔۔ موڈ اور غزل کا رنگ مجھ سے بھی چغلی کھارہا تھا۔ میں نے ایک ہاتھ لگایا اور کہا کہ چپ کرکے بیٹھ، ایسی باتیں سب سے نہیں کرتے۔۔۔

 

[مغزل]

غزل


نشہ ہے تم کو ابھی اپنی جس جوانی کا
بہت قریب ہے انجام اس کہانی کا

وہ سہہ رہا ہے تِرے نام کی بھی رسوائی
سمجھ رہے ہو جسے اپنے نام پر ٹیکا

اگرچہ دیر ہی سے، مان جاؤگے لیکن
جو ہم نہیں ہوں تو محفل کا رنگ ہو پھیکا

وہ ایک مرضِ محبت کہ چھوڑتا ہی نہیں
ہر اِک طبیب لگاوے ہے زور چوٹی کا

ہزار کاموں میں مشغول ہم رہے عمار!
مگر چکا نہ سکے قرض اپنی مٹی کا​

’’ بہت خوب ، لاجواب غزل ہے ، بہت شکریہ پیش کرنے کیلیے ‘‘

 

[arifkarim]

عمار یہ کراچی میں نئے شاعری کے بم کیوں پھاڑ رہے ہو؟ کہیں کسی سے عشق وشق تو نہیں سچ مچ میں ہو گیا!

 

[عمار ابن ضیا]

عمار یہ کراچی میں نئے شاعری کے بم کیوں پھاڑ رہے ہو؟ کہیں کسی سے عشق وشق تو نہیں سچ مچ میں ہو گیا!

کیوں بھئی؟ بم کہاں پھاڑ رہا ہوں؟ چنگاری کہہ سکتے ہو عشق وشق پیار ویار۔۔۔ ہمم۔۔۔ ڈنڈے پڑوانے ہیں کیا؟

 

[الف عین]

مطلع میں واقعی ایطا ہے جو ایک سقم ہے۔ اس کے علاوہ چوتھے شعر میں ’مرض‘ کا تلفظ غلط نظم ہوا ہے۔ درست مَرَض ہے۔ م اور ر دونوں پر زبر۔ باقی فنی غلطی تو کوئی نہیں ہے بظاہر۔ ویسے اچھی غزل ہے، لیکن تمھاری حال کی غزلوں کے پائے کی نہیں ہے۔

 

[خرم شہزاد خرم]

غزل کی پسندگی یا نا پسندگی کی بات تو بعد میں کروں گا پہلے مجھے کچھ سمجھ تو آئے
اگر غزل کا ردیف مطلع میں نی کا ہے اور باقی غزل میں ی کا ہے تو اس غزل کے قافیے کون سے ہیں

 

[عمار ابن ضیا]

خرم! دیکھو، غزل کے قافیے تو یہ ہیں نا، ٹی، نی، پھی۔ لیکن مطلع کے دونوں مصرعوں میں "نی" آیا ہے۔ تو یہ قافیہ کہاں رہا؟ ردیف ہوگیا نا۔۔۔!

 

[ایم اے راجا]

اچھی غزل ہے، مگر قافیہ مطلع کے علاوہ زوار دار نہیں، جو کہ غزل کا رنگ کر رہا ہے پھیکا