محمد احسن سمیع راحلؔ
محفلین
عزیزانِ من، آداب!
مکرمی و محترمی جناب خلیل بھائی کے ارشاد کی تعمیل میں ایک بہت پرانی غزل آپ سب کے ذوق کی نذر ۔۔۔ گر قبول افتد زہے عز و شرف!
ہمیشہ کی طرح آپ کی ثمین آرا کا انتظار رہے گا۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اولِ عشق جو وقت گزرا حسیں، میری تقدیر تھی
آخرِ عشق پر وہ ملا جو نہیں، میری تقدیر تھی
وہ جو بچپن کے میلے سے لی تھی انگوٹھی بڑے مان سے
زیوروں میں ترے کھو گئی جو کہیں، میری تقدیر تھی!
وقت کا کھیل ہے، آج تنہاء ہوں میں، ایک وہ دور تھا
کوچۂ عشق و الفت کی ہر نازنیں میری تقدیر تھی!
تم تو آزاد تھے فیصلوں کے لیے، کیوں نہ آگے بڑھے؟
میں جو بیٹھا رہا مدتوں تک یہیں، میری تقدیر تھی
سخت حیران ہوں، میں پشیمان ہوں، کیوں سمجھ نہ سکا!
تم جسے دھوپ میں بیٹھی بنتی رہیں، میری تقدیر تھی
اتفاقات دنیا میں ہوتے ہیں، پر اس کا ملنا مجھے
اس کے آگے جھکائے بنا ہی جبیں، میری تقدیر تھی!
زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!
مکرمی و محترمی جناب خلیل بھائی کے ارشاد کی تعمیل میں ایک بہت پرانی غزل آپ سب کے ذوق کی نذر ۔۔۔ گر قبول افتد زہے عز و شرف!
ہمیشہ کی طرح آپ کی ثمین آرا کا انتظار رہے گا۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اولِ عشق جو وقت گزرا حسیں، میری تقدیر تھی
آخرِ عشق پر وہ ملا جو نہیں، میری تقدیر تھی
وہ جو بچپن کے میلے سے لی تھی انگوٹھی بڑے مان سے
زیوروں میں ترے کھو گئی جو کہیں، میری تقدیر تھی!
وقت کا کھیل ہے، آج تنہاء ہوں میں، ایک وہ دور تھا
کوچۂ عشق و الفت کی ہر نازنیں میری تقدیر تھی!
تم تو آزاد تھے فیصلوں کے لیے، کیوں نہ آگے بڑھے؟
میں جو بیٹھا رہا مدتوں تک یہیں، میری تقدیر تھی
سخت حیران ہوں، میں پشیمان ہوں، کیوں سمجھ نہ سکا!
تم جسے دھوپ میں بیٹھی بنتی رہیں، میری تقدیر تھی
اتفاقات دنیا میں ہوتے ہیں، پر اس کا ملنا مجھے
اس کے آگے جھکائے بنا ہی جبیں، میری تقدیر تھی!
زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!
پانچویں شعر میں ’نہ‘ کو ’نا‘ کی طرح ادا کرنا پڑ رہا ہے . دونوں کا فرق آپ جانتے ہونگے . 
