غزل: افق کی کوکھ سے سورج کا نور نکلے گا

[عرفان علوی]

احباب گرامی ، سلام عرض ہے!
آپ سب کو نئے سال کی بہت بہت مبارکباد!
امیر قزلباش کی زمین میں ایک کوشش ملاحظہ فرمائیے . حسب معمول آپ کی رائے کا انتظار رہیگا .

غزل

افق کی کوکھ سے سورج کا نور نکلے گا
کہ شب كے بعد سویرا ضرور نکلے گا

یہ چاہتا ہوں ، بھڑا دوں دیے کو طوفاں سے
مرے دماغ کا کیسے فتور نکلے گا

جہاں پہ آہ بھری ہے عوامِ بے کس نے
وہیں پہ شاہ كے سَر کا غرور نکلے گا

اسی كے ہاتھ لگےگا سراغ ہستی کا
جو اپنی ذات كے زنداں سے دور نکلے گا

نہ کرتے جرم کا اقبال ہَم تو کیا کرتے
”ہمیں یقیں تھا ، ہمارا قصور نکلے گا“

خدا نے عقل بھی بخشی ہے روکنے كے لیے
اسے خبر تھی کہ دِل نا صبور نکلے گا

یہ جانتے تو ملاتے نہ آنکھ ہَم اس سے
کہ اک نگاہ میں اتنا سرور نکلے گا

مری نظر کو وہ جلوہ دکھائےگا کس دن ؟
مرے نصیب میں کب کوہِ طور نکلے گا ؟

تری ہی ذات سے نسبت ہے زندگی کو مری
سو دم بھی آ كے ترے ہی حضور نکلے گا

سوائے زہر كے مانگےگا اور کیا آخر
سرابِ زیست سے تھک کر جو چُور نکلے گا

مِلے نہ گر مرے الفاظ میں تو پِھر عابدؔ
جو مدّعا ہے وہ بین السطور نکلے گا

نیازمند،
عرفان عابدؔ

 

[الف عین]

اچھی غزل ہے ماشاء اللہ

 

[محمد خلیل الرحمٰن]

احباب گرامی ، سلام عرض ہے!
آپ سب کو نئے سال کی بہت بہت مبارکباد!
امیر قزلباش کی زمین میں ایک کوشش ملاحظہ فرمائیے . حسب معمول آپ کی رائے کا انتظار رہیگا .

غزل

افق کی کوکھ سے سورج کا نور نکلے گا
کہ شب كے بعد سویرا ضرور نکلے گا

یہ چاہتا ہوں ، بھڑا دوں دیے کو طوفاں سے
مرے دماغ کا کیسے فتور نکلے گا

جہاں پہ آہ بھری ہے عوامِ بے کس نے
وہیں پہ شاہ كے سَر کا غرور نکلے گا

اسی كے ہاتھ لگےگا سراغ ہستی کا
جو اپنی ذات كے زنداں سے دور نکلے گا

نہ کرتے جرم کا اقبال ہَم تو کیا کرتے
”ہمیں یقیں تھا ، ہمارا قصور نکلے گا“

خدا نے عقل بھی بخشی ہے روکنے كے لیے
اسے خبر تھی کہ دِل نا صبور نکلے گا

یہ جانتے تو ملاتے نہ آنکھ ہَم اس سے
کہ اک نگاہ میں اتنا سرور نکلے گا

مری نظر کو وہ جلوہ دکھائےگا کس دن ؟
مرے نصیب میں کب کوہِ طور نکلے گا ؟

تری ہی ذات سے نسبت ہے زندگی کو مری
سو دم بھی آ كے ترے ہی حضور نکلے گا

سوائے زہر كے مانگےگا اور کیا آخر
سرابِ زیست سے تھک کر جو چُور نکلے گا

مِلے نہ گر مرے الفاظ میں تو پِھر عابدؔ
جو مدّعا ہے وہ بین السطور نکلے گا

نیازمند،
عرفان عابدؔ

خوبصورت خوبصورت! بہت ساری داد قبول فرمائیے جناب!

 

[عرفان علوی]

اچھی غزل ہے ماشاء اللہ

محترم اعجاز صاحب ، حوصلہ افزائی كے لیے بے حد ممنون ہوں . شکریہ !

 

[عرفان علوی]

خوبصورت خوبصورت! بہت ساری داد قبول فرمائیے جناب!

مکرمی خلیل صاحب ، عنایت کا بہت بہت شکریہ !

 

[صریر]

خدا نے عقل بھی بخشی ہے روکنے كے لیے
اسے خبر تھی کہ دِل نا صبور نکلے گا

👍👍

 

[خورشیداحمدخورشید]

سر! الفاظ اور خیالات دونوں زبردست ماشااللہ!
ایک طالب علم ہوتے ہوئے ایک سوال ہے امید ہے گستاخی نہیں سمجھیں گے
یہ جانتے تو ملاتے نہ آنکھ ہَم اس سے
کہ اک نگاہ میں اتنا سرور نکلے گا
آنکھ کیوں نہ ملاتے جبکہ وہاں سرور ہی سرور ہے؟

 

[صابرہ امین]

اسی كے ہاتھ لگےگا سراغ ہستی کا
جو اپنی ذات كے زنداں سے دور نکلے گا

عمدہ اشعار سے مزین غزل ۔ ڈھیروں داد

 

[عرفان علوی]

👍👍

صریر صاحب ، نوازش کا بہت بہت شکریہ !

 

[عرفان علوی]

سر! الفاظ اور خیالات دونوں زبردست ماشااللہ!
ایک طالب علم ہوتے ہوئے ایک سوال ہے امید ہے گستاخی نہیں سمجھیں گے
یہ جانتے تو ملاتے نہ آنکھ ہَم اس سے
کہ اک نگاہ میں اتنا سرور نکلے گا
آنکھ کیوں نہ ملاتے جبکہ وہاں سرور ہی سرور ہے؟

خورشید بھائی ، ذرہ نوازی كے لیے ممنون ہوں . شکریہ ! بھائی ، گستاخی کیسی ، آپ بلا تکلف جو چاہیں دریافت کریں . بندہ جس لائق بھی ہے ، حاضر ہے . یہاں یہ کہنا مقصود ہے کہ دِل اس کی طرف مائل ہوا تو اس سے آنکھ ملانی چاہی ، لیکن یہ معلوم نہ تھا کہ اس کی نگاہ میں اتنا سرور ہے کہ وہ بالکل بے ہوش و ناکارہ کر دیگا . یعنی ’ اے عشق ہمیں برباد نہ کرٰ‘ والا معاملہ ہے!

 

[عرفان علوی]

اسی كے ہاتھ لگےگا سراغ ہستی کا
جو اپنی ذات كے زنداں سے دور نکلے گا

عمدہ اشعار سے مزین غزل ۔ ڈھیروں داد

صابرہ صاحبہ ، مہربانی كے لیے احسان مند ہوں . بہت بہت شکریہ !

 

[خورشیداحمدخورشید]

خورشید بھائی ، ذرہ نوازی كے لیے ممنون ہوں . شکریہ ! بھائی ، گستاخی کیسی ، آپ بلا تکلف جو چاہیں دریافت کریں . بندہ جس لائق بھی ہے ، حاضر ہے . یہاں یہ کہنا مقصود ہے کہ دِل اس کی طرف مائل ہوا تو اس سے آنکھ ملانی چاہی ، لیکن یہ معلوم نہ تھا کہ اس کی نگاہ میں اتنا سرور ہے کہ وہ بالکل بے ہوش و ناکارہ کر دیگا . یعنی ’ اے عشق ہمیں برباد نہ کرٰ‘ والا معاملہ ہے!

سر بہت شکریہ! اے عشق ہمیں برباد نہ کر سے سمجھ آگئی

 

[امین شارق]

یہ چاہتا ہوں ، بھڑا دوں دیے کو طوفاں سے
مرے دماغ کا کیسے فتور نکلے گا؟

بہت اعلیٰ لاجواب۔۔

 

[عرفان علوی]

یہ چاہتا ہوں ، بھڑا دوں دیے کو طوفاں سے
مرے دماغ کا کیسے فتور نکلے گا؟

بہت اعلیٰ لاجواب۔۔

امین صاحب ، عنایت جناب ! بہت شکریہ !

 

[محمد شکیل خورشید]

بہت ہی خوبصورت سبھی اشعار نکتہ افرینی کی عمدہ مثال ہیں،
ایک نو سیکھیئے کی داد قبول فرمائیں

 

[Wajih Bukhari]

واہ

 

[عرفان علوی]

بہت ہی خوبصورت سبھی اشعار نکتہ افرینی کی عمدہ مثال ہیں،
ایک نو سیکھیئے کی داد قبول فرمائیں

بہت نوازش ، شکیل بھائی ! ایک نو مشق کا شکریہ پیش ہے .

 

[عرفان علوی]

واہ

شکریہ ، جناب !