نظر لکھنوی غزل: آہِ دل بے اثر نہیں آتی ٭ نظرؔ لکھنوی

[محمد تابش صدیقی]

آہِ دل بے اثر نہیں آتی
کیا ہُوا لوٹ کر نہیں آتی

خانۂ دل تمام ہے تاریک
روشنی کیا ادھر نہیں آتی

دل کو آتا ہے جس قدر رونا
کیوں ہنسی اس قدر نہیں آتی

شعلۂ غم بھڑک اٹھے مجھ کو
منّتِ چشمِ تر نہیں آتی

روکشِ بت ہے آئینہ دل کا
صورتِ شیشہ گر نہیں آتی

معصیت ہے ترا وتیرۂ زیست
کچھ حیا اے نظرؔ نہیں آتی
٭٭٭
محمد عبد الحمید صدیقی نظرؔ لکھنوی​