نایاب سلام،
آپ نے دردر زہ کی تکلیف کے بھول جانے سے یہ ثابت کرنے کی کوشش کی کہ عورت بھول جاتی ہے۔ درد زہ سے بڑھ کر یہ تکلیف ہے کہ ایک شخص کا سینہ کاٹا جائے اور اس کے دل کی ریپیر کی جائے۔ سینے کی ہڈی کے کٹنے کا درد یقیناً درد زہ سے زیادہ ہوتا ہے۔ درد زہ تو کچھ دیر میںغائب ہوجاتا ہے لیکن سینے کی ہڈی کا درد کی شدت کئی دن رہتی ہے اور اس کی تکلیف دو مہینے سے زائید۔ اس کی تصدیق وہ لوگ کریں گے جن کی اوپن ہارٹ سرجری ہوچکی ہے۔ لیکن صاحب یہ لوگ بھی اپنا درد بھول جاتے ہیں اور ضرورت پڑنے پر دوبارہ اپنا آپریشن کرانے کو موجود ہوتے ہیں۔
درد کا بھول جانا کسی قسم کا ثبوت نہیں کہ صرف عورت بھلوتی ہے اور مرد نہیں۔
بھول جانے اور یاد دلاننے کا تعلق صرف اور صرف اس عمل سے ہے کہ گواہان کو یاد ہو کہ یہ معاہدہ ان دو حضرات کے درمیاں طے پایا تھا جو یہاںلکھا ہے۔
اگر گواہ بھول جائیں یا مر جائیں تو عدالتیں اس وقت کیا کرتی ہیں یہ ایک الگ نوعیت کا معاملہ ہے پھر یہ عدالت کی صوابدید پر ہے کہ اس معاملے کو کس طرح سلجھایا جائے۔ اس میں کسی گواہ کا کوئی قصور نہیں۔ یہاںپر جو نکتہ ہے وہ یہ کہ کیا قرآن حکیم ایک عورت کی گواہی کو آدھا قرآر دیتا ہے یا صرف بھول جانے پر یاد دلانے کا حکم دیتا ہے۔
والسلام
محترم فاروق سرور خان جی
وعلیکم السلام
آپ کا نام کم از کم میرے لیے اشاعت علم الدین کے سلسلے میں بہت معتبر ہے ۔
آپ کی تحریریں بلا شک و شبہ بہت آسان اور علم میں اضافہ کرنے والی ہوتی ہیں ۔
اللہ تعالی سدا آپ پر مہربان رہتے آپ کو اشاعت علم الدین کی نعمت سے نوازتا رہے ۔ آمین
بطور رد دلیل آپ کی دلیل کہ درد زہ کی تکلیف سے آپریشن کی تکلیف زیادہ ہوتی ہے ۔
اور اکثر یاد آتی رہتی ہے ۔ بالکل درست ہے ۔
لیکن یہاں ملحوظ رہے کہ آپریشن کویی بھی ہو مسکن ادویات کے زیر اثر ہوتا ہے ۔
اور مریض بے ہوش ہوتا ہے ۔
اور اس کے باوجود ہوش میں آنے پر اسے یہ درد و تکلیف یاد رہتی ہے ۔
جبکہ در زہ آپریشن سے یکسر مختلف ہوتا ہے ۔
یہ تخلیق کا مرحلہ عام طور سے عورت اپنے ہوش میں رہتے برداشت کرتی ہے ۔
سیزیرین اک الگ بات ہے ،
اور اس کے باوجود یہ درد بھول جاتا ہے عورت کو ۔
کیا یہ حکمت الہی نہیں کہ عورت کو یہ نسیان بطور نعمت عطا ہوا ۔
ورنہ تخلیق کا احساس درد تخلیق کے عمل کو مشکل بنا دیتا ۔
اور جہاں تک نسیان کی بات ہے بلا تخصیص جنس مرد و عورت اس کا شکار رہتے ہیں ۔
براہ مہربانی مجھے کسی ایسی دلیل سے آگاہ کرتے میرے علم ناقص میں اضافہ کریں
جس کی رو سے مرد نسیان کا قطعی شکار نہیں ہوتا ،۔۔
سدا سجی رہے یہ محفل اردو
آمین
